Bir yil oldin “Red Bull Zalsburg”dan “Borussiya Dortmund”ga ko‘chib o‘tgan va shundan beri 25 ta gol urib rekordchi bo‘lib turgan to‘p urar hujumchi Erling Xoland «bundesliga.com»ga intervyu berdi.
bundesliga.com: — “Borussiya Dortmund”da bir yildan beri faoliyat yurityapsiz. Ortda qolgan davr sizga nima berdi, qanday darajada o‘sishga erisha oldingiz?
Erling Xoland: — Ha, shartnoma imzolaganimdan keyin, hammasi juda tez sodir bo‘ldi. Ma’lum vaqt karantinda bo‘lish, muxlislarsiz mashg‘ulot o‘tkazish va uchrashuvlarda ishtirok etish, bularning hammasi men uchun juda tez o‘tdi, lekin bir tomondan ikki marta sekinroq o‘tganga ham o‘xshadi. Bu narsalarni tushuntirib berish qiyin, ammo hozir hammasi yana tez o‘tayotgandek go‘yo. Bizning rejalarimizda bu kabi voqealar sodir bo‘lishi yo‘q edi, biroq mening omadim keldi. “Sariq devor”dagi ajoyib muxlislar bag‘rida o‘ynab ko‘rdim va tez orada yana o‘z muxlislarimiz qarshisida o‘ynashga umid qilamiz.
— Yangi bosh murabbiyingiz Edin Terzich haqida qanday fikrdasiz?
— «Dortmund»ga kelganimdan beri Edin bilan yaxshi munosabatlardamiz. U bilan turli xil narsalar haqida gaplashib turamiz. U menga ko‘plab ko‘rsatmalar berib kelyapti va men esa ularni u xohlagandek bajarishga harakat qilaman.
— Sizdan orqaroqda harakat qilayotgan Marko Roys bilan birgalikda Tezichning 4-2-3-1 taktikasi ostida o‘ynayapsiz, u bilan qanday ishlayapsiz?
— Roys bu jamoaning katta qahramoni va uning takrorlanmas o‘yinlari biz uchun muhim. Markoda hech kimda yo‘q maydonni ko‘ra olish qobilyati bor. Sanchoning «Leypsig»ga qarshi uchrashuvdagi golini va menga uzatilgan to‘pni ko‘rdingiz, juda ham ajoyib edi. Men ham shunday uzatmalar qabul qilib olishni xohlayman va Roys bu ishni men uchun ko‘proq bajarishi kerak.
— «Augsburg»ga qarshi kechgan debyut o‘yinigizda 3 ta gol bilan xet-trik qayd etgandiz. O‘sha vaziyatni ta’riflab bera olasizmi?
— Ilk golimni urish jarayonida Sanchodan yaxshi pas qabul qilib oldim. Sanchoni yaxshi futbolchi ekanligini oldindan bilardim, biz bir-birimizni yaxshi tushuna oldik. Ikkinchi golni Torgan Azarning sovg‘asi bilan, uchinchisini esa Roysning mohirona uzatmasi bilan urdim. Debyut uchrashuvda xet-trik qayd etish har doim yoqimli.
— Siz bir necha rekordlarni yangiladiz. Ayting-chi, mana shunday rekordlar siz uchun muhimmi?
— To‘g‘risini aytganda, bu mening asosiy diqqat e’tiborimdagi narsa emas. Asosiy maqsadim klub bilan nimadir yutishga qaratilgan. Shuning uchun ko‘proq jamoaviy titullar va kuboklar yutishni xohlayman. Shaxsiy sovrinlar haqida esa hozircha o‘ylayapganim yo‘q. To‘g‘ri, agar senga qandaydir sovrin berishsa, bu albatta yoqimli holat va qilgan mehnatlaring samarasi ekanligini bildiribgina qolmay, keyingi qiladigan ishlaring uchun motivasiya vazifasini bajarib beradi.
— Bundesligani qay darajada yoqtirasiz?
— Albatta yoqadi, mamlakat bo‘ylab hamma sharoitlarga ega o‘yingohlar, yaxshi shakllangan va bizga qattiq qarshilik ko‘rsata oladigan jamoalar mavjud. Ko‘rib turganingizdek, bunday ajoyib ligadan rohatlanyapman.
— Krishtianu Ronalduning yo‘li siz uchun namuna vazifasini bajarib beradimi?
— Ba’zi bir joylarda bu mavzu haqida nimalardir o‘qidim, lekin bu haqiqatga qanchalik yaqinligini bilmayman. Shunisi aniqki, o‘zimning maqsadlarim bor va atrofimdagi odamlar bilan birgalikda rejalarimni amalga oshirish uchun astoydil harakat qilaman. Shuning uchun aynan Ronaldu bilan bir xil ishni bajaraman degani emas, chunki Krishtianu bu ishni qanday qilishini bilmayman. U dunyodagi barcha futbolchilar uchun ishtiyoq bera oladi. Ronalduga bir qarang, u haqiqiy mashina.
— Siz 16 yoshingizda “Molde FK” klubiga ko‘chib o‘tdingiz va futbolchi sifatida o‘sishga erishdingiz. O‘sha davrdagi hayotingizda ro‘y bergan kulgili voqealardan birini aytib bera olasizmi?
— U yerda hozir ham gaplashib turadigan va balki hayotimni oxirigacha aloqada bo‘lib turishga arziydigan juda ko‘p do‘stlarim bor. Maydon ichkarisida ham maydondan tashqarida ham bir qancha yaxshi xotiralar qolgan. Yosh bolalar edik, bir terma jamoa safida o‘ynardik, «Molde»da ham birga o‘ynardik, shuning uchun doim birgalikda sayohat qilardik, uyimiz atrofida ko‘p hazillashardik. Eman ismli do‘stim bor va u mening yon qo‘shnim edi. Tunda u yashaydigan xonadon eshigi qo‘ng‘iroqlarini bosib hazil qilishni yoqtirardim. Yaxshi eslay olaman, bir safar ko‘pgina notanish odamlarni uning uyiga taklif qilib, o‘zim sekin qochib chiqib ketgan edim. O‘sha voqea kulguli bo‘lgan edi.
Ibrohim Jalolov tarjima qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
