“Metallurg” va “So‘g‘diyona” jamoalari bugungacha kuchlilar safida o‘zaro 38 ta o‘yin o‘tkazishgan. Qizig‘i shundaki, mazkur jamoalarning o‘zaro o‘yinlardagi ko‘rsatkichlarida mutlaqo tenglikni ko‘ramiz: 15 ta uchrashuvda bekobodliklar, 15 tasida jizzaxliklar g‘alaba qozonishgan. 8 ta uchrashuvda esa durang natija qayd etilgan. Kiritilgan va o‘tkazib yuborilgan to‘plar farqi ham teng – 51:51.
Mazkur jamoalar o‘rtasida qayd etilgan eng yirik hisob – 4:0. “So‘g‘diyona” 2001 yildi o‘z maydonida ham, safarda ham bir martadan shunday hisobda zafar quchgan. Eng gollarga boy o‘yin 2014 yili Zominda bo‘lgan uchrashuvda kuzatilgan. Unda darvozalarga to‘qqizta to‘p kiritilgan – 5:4. Jamoalar o‘rtasidagi jangovor durangda esa muxlislar oltita golning shohidi bo‘lishgan – 3:3.
Ushbu jamoalarning Bekobodda o‘tkazilgan o‘yinlar nisbati “Metallurg” foydasiga: 12 g‘alaba, 3 durang, 4 mag‘lubiyat, to‘plar farqi – 31:20.
Bekobodda o‘tgan so‘nggi beshta uchrashuv:
12.07.2020 «Metallurg» - «So‘g‘diyona» 2:0
18.10.2019 «Metallurg» - «So‘g‘diyona» 0:1
21.04.2018 «Metallurg» - «So‘g‘diyona» 2:0
12.05.2017 «Metallurg» - «So‘g‘diyona» 3:1
05.03.2016 «Metallurg» - «So‘g‘diyona» 2:1
“So‘g‘diyona” haqida
Jizzax viloyatida futbol bo‘yicha bosh jamoaga 1970 yilda asos solingan bo‘lib, jamoa dastlabki yillarda DSK (Ko‘ngilli sport klubi) nomi bilan yuritilgan. 1973-75 yillarda – “Mehnat”, 1975 yilda – “Jizzax”, 1976-77 yillarda – “Irrigator”, 1978-81 yillarda – “Bo‘ston”, 1982-85 yillarda – “Zvezda”, 1986-89 yillarda – “Yoshlik” nomlari ostida musobaqalarda qatnashib kelgan. 1990 yildan “So‘g‘diyona” nomini olgan jamoa milliy chempionatlarimizda turli darajada ishtirok etib kelayapti. Birinchi mavsumda vise-chempionlikka erishgan jizaxliklar keyinchalik ikki marta to‘rtinchi o‘rindan joy olishdi.to‘rt marta jamoa kuchlilar safini tark etib, har safar bir yillik tanaffusdan keyin oliy ligaga qaytishga erishgan. Jamoaning bitta mavsumda eng ko‘p gol kiritgan o‘yinchisi Aleksey Jdanov, 1998 yilgi chempionatda raqiblari darvozasini 18 marta ishg‘ol etgan.
“So‘g‘diyona” kuchlilar safida bugungacha 750 ta uchrashuv o‘tkazgan: 256 ta g‘alaba, 137 ta durang, 357 ta mag‘lubiyat. Kiritilgan va o‘tkazib yuborilgan gollar nisbati: 951:1223. Jamoaning milliy chempionatlarimizdagi eng yirik g‘alabasi – 10:0 (1992 yil, “Surxon”). Eng yirik mag‘lubiyati esa – 1:8 (2000 yil, “Do‘stlik”), 0:7 (1996 yil – “Navbahor”, 2009 yil – “Neftchi”, 2015 yil – “Lokomotiv”). Eng gollarga boy durang natijani esa 1999 yilda Toshkent viloyatining “Do‘stlik” jamoasiga qarshi uy uchrashuvida qayd etgan – 5:5.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
