Coca Cola Superligasining 8-turidan o‘rin olgan bahsda “Navbahor” o‘z maydonida Termizning “Surxon” jamoasini qabul qiladi.
Mazkur klublar shu kungacha milliy chempionatlarimiz tarixida o‘zaro 28 marta ro‘baro‘ kelishgan. Ushbu o‘yinlarning 19 tasida “lochinlar”ning qo‘li baland kelgan (bitta o‘yinda “Navbahor”ga texnik g‘alaba yozilgan), 5tasida termizliklar g‘alaba qozonishgan bo‘lsa, 4ta bahsda esa jamoalar murosa ko‘chasini tanlashgan. To‘plar nisbati – 75-21, “Navbahor” foydasiga.
O‘zaro uchrashuvlarda “Navbahor” 61 ochko, “Surxon” esa 19 ochkoni qo‘lga kiritgan.
Ushbu jamoalar o‘rtasidagi o‘yinlardagi eng yirik - 9:0 hisobi 1997 yili Namanganda qayd etilgan. Ta’kidlash joizki, namanganliklar o‘tkazilgan 27ta bahsning 12 tasida termizliklar ustidan yirik hisobda zafar quchishgan.
“Navbahor” hamda “Surxon” klublari bungacha Namanganda 14 marta kuch sinashishgan (2019 yilgi bahs ma’lum sabablarga ko‘ra, Farg‘onada o‘tkazilgan va ushbu o‘yin ham “Navbahor” nominal mezbon bo‘lganligi bois, inobatga olindi).
1992 yili termizliklar Namanganga tashrif buyurishmagani bois, “Navbahor”ga 3:0 hisobidagi texnik g‘alaba yozilgan bo‘lsa, qolgan 13ta bahsning barchasida “lochinlar” g‘alaba qozonishgan (Farg‘onadagi o‘yinda ham).
Termizliklar Namanganda hali ochko olisholmagan.
“Navbahor” o‘z maydonida o‘tkazilgan o‘zaro uchrashuvlarda “Surxon” darvozasini 50 marta ishg‘ol etgan bo‘lsa, termizliklar Namanganda “lochinlar” darvozasiga bor-yo‘g‘i 4ta to‘p kiritishgan.
O‘tgan yili Namanganda o‘tkazilgan bahsda “lochinlar” Zabihillo O‘rinboyevning goli evaziga 1:0 hisobida g‘alaba qozonishgandi.
“Navbahor” – “Surxon” jamoalari o‘rtasidagi uchrashuv 12 may kuni “Markaziy” o‘yingohda soat 18:40 da start oladi.
Barcha uchrashuvlar natijasi:
28.03.1992. Surxon – Navbahor - 1:1
29.10.1992. Navbahor – Surxon - +:-
13.04.1994. ASK – Navbahor - 2:3
13.11.1994. Navbahor - ASK - 2:1
11.06.1995. Navbahor - ASK - 4:0
19.08.1995. ASK - Navbahor - 2:5
26.06.1996. Navbahor - ASK - 4:1
29.08.1996. ASK - Navbahor - 1:4
13.04.1997. Navbahor – Surxon - 9:0
04.10.1997. Surxon – Navbahor - 1:0
18.04.1998. Navbahor – Surxon - 5:0
08.10.1998. Surxon – Navbahor - 3:1
06.06.1999. Navbahor – Surxon - 1:0
14.08.1999. Surxon – Navbahor - 1:0
19.04.2000. Surxon – Navbahor - 3:3
30.09.2000. Navbahor – Surxon - 5:0
23.06.2001. Surxon - Navbahor - 0:3
31.07.2001. Navbahor - Surxon - 7:1
28.04.2002. Surxon – Navbahor - 1:0
19.10.2002. Navbahor – Surxon - 1:0
14.05.2003. Surxon – Navbahor - 1:0
13.09.2003. Navbahor – Surxon - 2:1
15.03.2004. Navbahor – Surxon - 6:0
05.11.2004. Surxon – Navbahor - 0:4
21.04.2019. “Navbahor” – “Surxon” – 3:0
19.10.2019. “Surxon” – “Navbahor” – 0:0.
19.08.2020. “Surxon” – “Navbahor” – 1:1
20.11.2020. “Navbahor” – “Surxon” – 1:0.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
