Sport yoki boshqa bir tadbirlar uchun eng qulay joy bu — stadion. Bu futbol o‘yini bo‘ladimi, yo boshqa musiqiy tadbirmi muxlislar to‘g‘ridan-to‘g‘ri tomosha qilishi uchun ajoyib. Tomoshabinlar sig‘imini hisobga olgan holda, eng katta 10 ta stadionning ro‘yxatini sizga aytib o‘tamiz. Bu ro‘yxatga butun dunyodagi barcha katta arenalar hisobga olingan.
10. “Borg-El Arab” stadioni. Misr.
"Borg El Arab" stadioni 2007-yilda ochilgan bo‘lib, 86 ming tomoshabinga mo‘ljallangan. Qohira xalqaro stadioni va G‘azo Muborak stadionlari bilan bir qatorda stadion Misr milliy terma jamoasining uy stadioni sifatida xizmat qilsa ham, ushbu stadion Misrdagi biron bir futbol klubiga qarashli stadion hisoblanmaydi. Misr kubogining final uchrashuvlari har yili ushbu stadionda o‘tkaziladi. Shuningdek, Misrning “Al-Ahli” klubi ba’zan uy o‘yinlarini mazkur arenada tashkil qiladi. Stadion Misr qurolli kuchlari muhandislari tomonidan to‘liq loyihalashtirilgan va qurilgan. Stadion “Stad de Frans” stadioniga o‘xshab ketadi. Mazkur o‘yingohda 2009-yilgi FIFA U-20 Jahon chempionatining bitta o‘yini o‘tkazilgan. Ilk xalqaro uchrashuvni esa Misr jamoasi Trinidad va Tobago terma jamoasiga qarshi o‘yin bilan boshlangan.
9. "Bukid Jalil" milliy stadioni. Malayziya.
Sig‘imi 87.411 tomoshabinga mo‘ljallangan bu stadion 1998-yilgi Hamdo‘stlik o‘yinlarini o‘tkazish uchun “United Engineers” kompaniyasi tomonidan qurilgan. Ushbu arena Janubiy Osiyodagi eng katta stadion hisoblanadi. Mazkur stadiondan Malayziya terma jamoasi uy uchrashuvlarini o‘tkazish uchun foydalanadi. Arena 2001 va 2017-yilgi Sharqiy Osiyo o‘yinlari musobaqasini qabul qilgan. Stadionning tashqi tomonini burama vertikal lyuvralar bilan qoplagan bo‘lib, fasad hamda o‘rindiqlarni sariq-qora rangdagi zamonaviylashtirilgan arenaga aylantirilgan.
8. “Gelora Bung Karno” stadioni. Indoneziya.
88.083 tomashabinni qabul qiladigan “Gelora Bung Karno” stadioni 1962-yilda barpo etilgan. Indoneziyaning poytaxtidagi ushbu futbol stadioniga mamlakatning birinchi Prezidenti Sukarno sharafiga nom berilgan. Dastlab u juda katta 110,000 tomoshabinni qabul qilish imkoniyatiga ega bo‘lgan bo‘lsada, ikkita murakkab ta’mirlash ishlari uning imkoniyatlariga biroz pasaytirdi. Stadion allaqachon bir qator xalqaro futbol musobaqalariga mezbonlik qilgan. Xususan, 2018-yilgi 19 yoshgacha bo‘lgan futbolchilar o‘rtasidagi Osiyo chempionatini bir qancha uchrashuvlarini qabul qilgan.
7. "Uembli" stadioni. Angliya.
“Uembli” stadioni ingliz futbolining eng mashur maydoni. Ushbu stadion 90 ming tomoshabinga sig‘dira oladi. Bu futbol maydoni 2007-yilda, asl “Uembli” stadioni 2002-2003-yillar oralig‘ida buzib tashlanganidan keyin ochilgan va mamlakatning futbol federasiyasi berilgan. G‘arbiy London osmonini bezab turgan stadionning 134 metr balandlikdagi kamar — “Uembli” arkini ko‘rish mumkin. Shuningdek, bu kamar stadion tomining umumiy yukining deyarli to‘rtdan uch qismini ko‘tarib turadi. U Angliya Kubogi, UEFA Chempionlar Ligasi kabi dunyodagi eng taniqli futbol musobaqalarini o‘tkazishda davom etmoqda, shuningdek, 2012-yilgi Olimpiya o‘yinlari futbol musobaqasiga ham mezbonlik qilgan.
6. “Rouz Boul” stadioni. AQSH.
Amerika Qo‘shma Shtatlari haqiqatan ham butun dunyoga o‘xshab futbolga katta e’tibor bermasa ham, 92 542 tomoshabinga mo‘ljallangan “Rouz Boul” nomli stadionni qurgani e’tiborga molikdir. 1994-yilgi Jahon chempionati finali va boshqa bir qator futbol o‘yinlariga mezbonlik qilgan. Bu stadion 1922-yilda ochilgan. Maydon tez-tez turli xil o‘yinlar va sport musobaqalarida foydalaniladi. Stadionga rekord darajadagi 106.869 nafar tomoshabin kelgan (1973). Shuningdek, arenadan golmf musobaqasini o‘tkazishda ham foydalaniladi. Futbol bo‘yicha AQSH milliy terma jamoasi uy uchrashuvlarini ham shu stadionda o‘tkazadi.
5. FNB (Frist national bank) stadioni. Janubiy Afrika.
FNB stadioni 2010-yilda Jahon chempionati finaliga mezbonlik qilganidan keyin e’tiborga tushdi. Ko‘proq bu stadionni “Sokker Siti” deb aytsa bilishadi. U 94 736 tomoshabinni qabul qilish imkoniyatiga ega. Bu o‘yingoh laqabi “Calabash” bo‘lib, bu taxminan shu nomdagi afrikadan kelib chiqqan mevaga o‘xshashligidan olingan. Darhaqiqat, uning ko‘pgina dizayni an’anaviy Afrika naqshlarini o‘zida aks ettirganini kuzatish mumkin. Tomoshabinlarning o‘tirish joyi va maydon orasida hech qanday to‘siq yo‘qligi Angliya stadionlarini esga soladi. Jahon chempionati uchun ta’mirlanishidan oldin bu maydon sig‘imi 80 ming kishiga mo‘ljallangan edi. Mazkur arena Janubiy Afrika terma jamoasi va “Kayzer Chifs” klubi uy stadioni hisoblanadi.
4. "Ozodiy" stadioni. Eron.
Bag‘riga 95.225 kishini sig‘dira oladigan “Ozodiy”, 1973-yilda foydalanishga topshirilgan. Taxminan 3 million kvadrat metr maydonda qad rostlagan “Ozodiy” sport kompleksi 1974-1984-yillar oralig‘ida dunyoning eng ulkan stadion sifatida e’tirof etilgan. Tehron shahridagi stadion nafaqat poytaxt klublari, balki Eron terma jamoasining ham uy uchrashuvlariga mezbonlik qiladi. Ushbu o‘yingoh bir vaqtning o‘zida 100 000 muxlisni o‘z bag‘riga sig‘dira oladigan kam sonli stadionlardan biri. Bu rekord darjadagi tomoshabinlar, ko‘proq Eron terma jamoasi ishtirokidagi o‘yinlar vaqtida kuzatiladi.
3. "Kamp Nou". Ispaniya.
Ispaniyaning “Barselona” jamoasining uy stadioni. Mazkur arena 1957-yilda ochilgan va dastlab “Estadi del FC Barcelona” deb nomlangan. “Kamp Nou” deb 2000-yildan aytila boshlagangan. Ushbu stadion Yevropadagi sig‘imi jihatidan eng kattasi bo‘lib, 98,772 tomoshabinga mo‘ljallangan. “Kamp Nou” stadioni klub prezidenti Franchesk Miro-Sanse davrida barpo etilgan edi. Oldingi uy maydonining imkoniyatlari kichik bo‘lganligi tufayli “Barselona” jamoasi uchun yangi stadion barpo etmoqchi bo‘lishgan. Bundan tashqari, “Barsa” rahbarlari jamoaning asosiy raqibi “Real Madrid” ga yo‘l berishni xohlamadi, chunki madridliklar allaqachon “Santago Bernabeu” (o‘sha payt Estadio Chamartin deb nomlangan) deb nomlanadigan stadion qurgan edi. Qurilish 1953-yil mart oyida boshlangan va 1957-yilga kelib stadion tayyor edi. Stadionga “Estadi del FC Barcelona” nom berildi. Sakkiz yil o‘tib, 1965-yilda klub prezidenti Xenrik Laudet stadionning rasmiy nomini kelishib olish uchun kengash chaqirdi. “Estadi Kamp Nou” nomi allaqachon ko‘rib chiqilayotganiga qaramay, “Estadi del FC Barcelona” varianti ko‘pchilik ovoz bilan ma’qullandi. 2001-yilda yana bir klub prezidenti Xuan Gaspar bu masalani ko‘tardi va bu safar stadionga hozirda barcha muxlislar odatlanib qolgan nom berildi - “Kamp Nou”.
2. "Melburn Kriket Graund". Avstraliya.
“Melburn Kriket Graund” o‘yingohi Avstraliyaning eng yaxshi sport maydoni hisoblanadi. Yuz yildan oshiq vaqt mobaynida u mamlakatdagi kriket, futbol o‘yinlariga hamda boshqa ko‘plab muhim sport musobaqalariga mezbonlik qilgan. Darhaqiqat, bu maydon 1956-yilgi Olimpiya o‘yinlarining ochilish marosimini ham o‘tkazilgan. 1980 va 1990-yillarda bir qator rivojlanishlarga qadar mazkur maydon 125 ming atrofidagi odamlarni sig‘dira olgan. Keyinchalik esa bu ko‘rsatkich 100 ming kishiga kamaytirildi. Qisqacha aytganda, bu ajoyib stadion: uch qavatli, shuningdek, u sport galereyasi, ikkita ulkan elektron tablolar, ko‘plab korporativ va ommaviy axborot vositalari bilan to‘ldirilgan xonalar. Hozirgi kunda bu stadionda Avstraliya milliy terma jamoasi va Kriket terma jamoasi o‘z uy uchrashuvlarini o‘tkazadi.
1. 1-may stadioni. Shimoliy Koreya
Shimoliy Koreyani siyosiy mojarolar qamrab olgan bo‘lsada, mamlakat xalqaro miqyosdagi eng katta futbol stadioniga ega. 150 ming tomoshabinga mo‘ljallangan 1-may stadioni 22 500 kvadrat metr maydonni o‘z ichiga oladi. U sakkiz qavatli bo‘lib, tomi 60 m balandlikda joylashgan. 80 kirish va chiqish eshiklariga ega. Sayyoramizdagi eng ulkan o‘yingoh Shimoliy Koreya terma jamoasining uy uchrashuvlarini ham o‘zida qabul qiladi. Shuningdek, stadion bir qator diplomatik uchrashuvlar va boshqa tadbirlarni o‘tkazadigan joy ham bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
