2018 yil. 27 oktyabr
APL 10-turi doirasidagi “Lester Siti” – “Vest Hem” o‘yinidan chamasi 30 daqiqa o‘tib mezbon klub prezidenti, taylandlik milliarder Vishay Shrivaddxanaprabxa (darhol o‘qiy olmagan bo‘lsangiz ranjimang, o‘zi qiyin ism-sharif) o‘tirgan vertolyot 130 metr balandlikdan King Power stadioni avtoturargohiga qulab tushdi. Uchoq bortida bo‘lgan besh nafar kishi halok bo‘ldi...
Bu voqeadan ikki yarim yil ilgari Vishay Angliya futboli tarixidagi eng yorqin hodisalardan biriga mualliflik qilgandi, deyilsa mubolag‘a bo‘lmaydi. U “Lester ertagi”ning Gans-Xristian Anderseni edi. 2010 yilda kichik o‘g‘li Ayyavatning so‘zlariga ishonib APL klubini xarid qilgan milliarder keyinchalik qaror to‘g‘ri bo‘lganini tushunib yetdi.
Ayyavat Angliyada o‘qigan va ilk bor futbol ko‘rish uchun stadionga tushganida bu “Lester”ning o‘yini bo‘lib chiqqandi. So‘ng oilaviy kengashda biznesni xalqaro miqyosda rivojlantirish uchun reklama kampaniyasi boshlash masalasi ko‘tarilganda Ayyavat APLdan klub xarid qilish va bu klub “Lester Siti” bo‘lishi uchun kurashdi. Ota Shrivaddxanaprabxa rozi bo‘lgach kelishuv imzolandi. O‘sha vaqt oila klub uchun 40 mln. funt sarfladi. Chempionlik ortidan esa jamoaning qiymati o‘n baravarga ortdi. Garchi o‘z mamlakatidagi hukumatga yaqinligi ortidan, davlat taqdim etgan o‘ta bahsli imtiyozlar tufayli boylik to‘plagan bo‘lsada uni Angliyada shunchaki zaif, ammo ayni vaqtda tarixiy bir klubni orzu tomon olib borgan qariya sarmoyador sifatida sevishardi.
Fojiadan so‘ng klubdagi ishlar Ayyavatning o‘ziga qoldi. Voqea yuz bergan mavsum klub 9-o‘rin bilan turnirni yakunladi. Bu vaqtda Brendan Rodjers jamoada ish boshlab ulurgan va unga chegarali bo‘lsada kerakli xaridlarni amalga oshirish imkoni taqdim etilgandi. Keyingi mavsum “Lester” to‘rtlikka yaqin keldi-yu, yakunda “Chelsi” va MYU maqsadga yetib, “tulkilar” CHL ro‘yxatidan tushib qolishdi. Joriy mavsumda esa kurash davom etyapti. To‘rtlikdagi o‘rin uchun raqobatchilar “Chelsi” va “Liverpul”.
2021 yil. 15 may
Kecha jamoa Angliya kubogi finalida Roman Abramovich klubini mag‘lub etgach, bosh sovrinni bag‘riga o‘zgacha mehr bilan bosib turgan Ayyavatning surati britan matbuotida ko‘p aylandi. U otasining ishini munosib davom ettirayotgan o‘g‘il ekanini ko‘rsatishga uringan-u, bu titul bilan maqsadiga yetgandek edi. Haqiqatda yaxshi tasvir.
Angliya futboli shunday jihatlari bilan qiziq.
Orif Tolipov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
