Emerik Lyaport Yevro-2020da Ispaniya termasi safida o‘ynaydi. Garchi 2017 yilda u ispanlarga qarshi o‘rtoqlik o‘yinida tarkibda bo‘lgan bo‘lsa-da.
«Man Siti» himoyachisi Emerik Lyaport Fransiyaning turli yoshdagi yoshlar jamoalarida 50 dan ortiq o‘yinlarda maydonga tushgan, ammo seshanba kuni Ispaniya pasportini olgan va yaqin orada Ispaniya terma jamoasida o‘ynaydi. Bu haqda El Chiringuito xabar bergan, rasmiy e’lon bugunbo‘lib o‘tadi.
Marca xabariga ko‘ra, Ispaniya bosh murabbiyi Luis Enrikening himoyachiga shaxsiy qiziqishi bor. U bir necha hafta oldin Ispaniya futbol federasiyasi rahbarlaridan 26 yoshli fransiyalikni Ispaniya fuqarosi bo‘lish imkoniyatini o‘rganishni iltimos qildi.
Ispanlar hamma narsani tezda hal qildilar. Ushbu ish Sport bo‘yicha Oliy Kengash va uning yangi prezidenti Xose Manuel Franko ishtirokida amalga oshirildi. Enrike tarkibni 21 may kuni e’lon qilishi kutilmoqda va Lyaport u yerda bo‘lishi kerak.
U fransuz pasportidan voz kechishiga to‘g‘ri kelmaydi. Mart oyining o‘rtalarida Fransiya va Ispaniya ikki fuqarolik konvensiyasini imzolagan edilar. Fransiya Prezidenti Emmanuel Makron Fransiya hududida 190 ming ispan, Ispaniyada 150 ming fransuz yashayotganini ta’kidlab o‘tgandi.
Nima uchun FIFA bunga qarshi emas?
Lyaport Bordodan 135 kilometrda joylashgan Fransiyaning Ajene shahrida tug‘ilgan. 2011 yildan 2016 yilgacha u Fransiyaning turli yoshdagi yoshlar jamoalariga chaqirilgan va 2013 yilda u hatto Yevro U19 kumush medaliga sazovor bo‘lgan. Ammo Dide Desham Lyaportni hech qachon terma jamoaga chaqirmagan, shu sababli himoyachi u yerda hech qachon debyut qilmagan.
FIFA qoidalaridagi so‘nggi o‘zgarishlarga ko‘ra, agar futbolchi 21 yoshga to‘lgunga qadar asosiy tarkibda uchtadan ko‘p o‘yin o‘tkazmagan bo‘lsa,boshqa terma safida o‘ynashi mumkin. Bu saralash va o‘rtoqlik o‘yinlariga taalluqlidir, ammo Yevro va Jahon chempionatining final bosqichlariga emas.
Shuningdek, futbolchi quyidagi talablardan biriga mos kelishi shart:
- U o‘ynashni xohlagan federasiya hududida tug‘ilgan,
- uning biologik ota-onalaridan biri yoki bobolaridan biri bu hududda tug‘ilgan,
- mamlakat hududida kamida besh yil doimiy yashagan.
Lyaport 2010 yildan 2018 yilgacha "Atletik" tarkibida o‘ynagan.Va uning kelib chiqishi bask ekanligini unutmaylik.
«Fransiya terma jamoasi mening yuragimda, chunki men ushbu mamlakatda tug‘ilganman. Ammo menda tanlov imkoniyati bo‘lsa, men qaror qabul qilishim kerak bo‘ladi, chunki Jahon va Yevropa chempionatlarida qatnashish har bir futbolchining maksimal maqsadi hisoblanadi».
Lyaport fransuzlar uchun kumush medal bilan tugagan Yevro-2016ga bormadi va o‘sha yilning avgustida Xulen Lopetegi himoyachining mahallilashishi uchun ruxsat berdi. Biroq, bir oy o‘tgach, fransuzlar himoyachini 2018 yilgi Jahon chempionati saralash bahslari uchun tarkibga chaqirishdi. Oktyabr oyidq ular Bolgariya va Gollandiyaga qarshi bahs olib borishdi.
Keyinchalik baxtli Lyaport Fransiya tarkibida o‘ynashni xohlayotganini aytdi: «Men Ispaniya fuqaroligiga ega bo‘lishim mumkin edi, lekin men uni olmaganman. Men 7,5 yildan beri Ispaniyada yashayman. Besh yildan keyin siz buni so‘rashingiz mumkin, ammo men so‘ramaganman. Bu Fransiya terma jamoasi mening maqsadim bo‘lganligining isboti».
Biroq, keyinchalik futbolchi hech qachon fransuzlar safida debyut qilmagan.
2017 yil mart oyida Lyaport hatto Ispaniyaga qarshi o‘rtoqlik o‘yinida ham zaxira o‘rindig‘ida qoldi.
2018 yil dekabr oyida Lyaport to‘g‘ridan to‘g‘ri Deshamni aybladi: «Albatta, buni sport bilan hech qanday aloqasi yo‘q deb o‘ylayman. Siz murabbiydan so‘rashingiz kerak. Menda unga qarshi hech qanday xusumat yo‘q, lekin agar kimdadir muammo bo‘lsa,bu aniq men emas. Men jahon chempioni bo‘lishim mumkin edi. Ammo qarorlarni murabbiy qabul qiladi. U meni shaxsiy sabablari bilan jamoaga chaqirmadi, deb o‘ylamayman»..
Ikki yil o‘tgach, Lyaport o‘z fikrini o‘zgartirdi. 2020 yil noyabrida u ko‘nglidagi gapni yashirib o‘tirmadi: «Klubimdagi faoliyatimdan qoniqaman, ammo menga terma jamoada o‘ynash yetishmayapti.
Men uzoq vaqtdan beri u yerga chaqirilmadim. Men ajablanyapman, ayniqsa, besh yildan ko‘proq vaqtni Fransiya yoshlar jamoalarida o‘tkazganimdan keyin».
Futbolchining keyingi faoliyati qay tusda davom etishini faqatgina vaqt ko‘rsatadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
