Kopa Amerika turniri Janubiy Amerika qit’asida terma jamoalari o‘rtasida har 4 yilda o‘tkaziladigan nufuzli turnir hisoblanadi. Faqatgina, so‘nggi yillarda katta mablag‘ topish maqsadida ushbu turnir so‘nggi 5 yil ichida ushbu turnir uchinchi bora o‘tkazilmoqda. Barchamiz bilamiz, mazkur mintaqada ko‘plab kuchli terma jamoalar mavjud, ammo Konmebol tashkiliy jihatdan Yevropa va xatto Osiyodan ham ancha orqada. Mazkur turnir aslida Argentina va Kolumbiyada o‘tkazilishi kerak edi, ammo endi Braziliya maydonlari musobaqaga mezbonlik qiladi. Bunga nima sabab bo‘ldi?
Kolumbiyadagi siyosiy vaziyat Kopa Amerika mezblonligi uchun mazkur mamlakat eshiklarini yopdi va bor ma’suliyat Argentinaning bo‘ynida qolgan edi. Turnir boshlanishiga oz vaqt qolganda esa Argentinadagi pandemik holat yomonlashdi va ular ham mezbonlikdan voz kechdi. So‘ngra Konmebol bu ma’suliyatni katta turnirlarni o‘zida o‘tkazaverib ko‘zi pishib ketgan Braziliyaga berdi, ammo avvaliga ayrim braziliyalik va hatto aholi ham bunga qarshi chiqdi. Birinchidan, ular yaqinda bo‘lib o‘tgan Kopa Amerikani o‘z maydonida o‘tkazdi. Ikkinchidan, ayni vaqtda bu turnirga davlat katta mablag‘ sarflashiga to‘g‘ri keladi, ammo katta foyda olmaydi. Sababi, muxlislar stadionga kiritilmaydi, mehmonhonalar va aviaqatnovlardan keladigan foyda ham bo‘lmaydi. Shuningdek, chempionatda qatnashuvchi har bir jamoa futbolchisi, hodimlari vaksina olishi zarur edi. Mazkur faktorlar biroz ikkilanishlarga sabab bo‘ldi, ammo yakunda baribir musobaqa o‘tkaziladigan bo‘ldi.
Musobaqa formati
13 iyundan 10 iyulgacha bo‘lib o‘tadigan turnirning formati ham biroz yangicha ko‘rinishga keldi. Ayni vaqtda 10 ta jamoa ikki guruhga bo‘lingan holda, o‘zaro 4 turda munosabatlariga oydinlik kiritishadi. Shuningdek, guruhlardan bir jamoa har turda dam oladi. Eng qizig‘i atigi 1 terma jamoa guruh bosqichida qolib ketadi va 4 ta jamoa keyingi bosqichga yo‘l oladi.
Musobaqa o‘tkaziladigan stadionlar
Mazkur musobaqa Braziliyaning umumiy 4 ta shahrida va 5 ta stadionida o‘tkaziladi.
Brazilia shahrida joylashgan mazkur stadion "Mane Garrinchi" deb nomlanadi. Mazkur arenaning umumiy sig‘imi 69 349 kishidan iborat.
2. 44 ming kishini o‘z bag‘riga sig‘dira oladigan "Pantanal" o‘yingohi ham mazkur turnirning qiziqarli o‘yinlariga mezbonlik qiladi. Ushbu stadion Braziliyaning Kuyaba shahrida joylashgan.
3. 13 500 kishi uchun mo‘ljallangan mo‘jazgina "Pedru Ludovik Teysheyru" arenasiga ham bunday vakolat berilgan. Bu stadion "futbol sehrgarlari" yurtining Goyaniya shahrida qad ko‘targan.
4."Pentakampeonlar"ning yana bir mashhur o‘yingohlaridan biri bu "Nilton Santos" arenasi hisoblanadi. Barchaga ma’lum Rio-de-Janeyro shahrida joylashgan stadionning umumiy sig‘imi 44 661 tani tashkil etadi.
5.Navbatdagi stadion esa butun dunyoga ma’lum va mashhur "Marakana" arenasidir. 78 838 kishini o‘z bag‘riga sig‘dira oladigan arenada turnirning eng asosiy o‘yinlari va doimgidek final o‘yini bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
