Prezident “2021 yilda Tokio shahrida (Yaponiya) bo‘lib o‘tadigan XXXII yozgi olimpiya va XVI paralimpiya o‘yinlarida O‘zbekiston sport delegasiyasining ishtirokini ta’minlash hamda olimpiya sport turlarini yanada rivojlantirish chora-tadbirlari to‘g‘risida”gi qarorni imzoladi.
2021 yilda Tokio shahrida bo‘lib o‘tadigan XXXII yozgi Olimpiya va XVI Paralimpiya o‘yinlarida ishtirok etadigan O‘zbekiston sport delegasiyasi tarkibi tasdiqlandi.
Turizm va sport vazirligi, O‘zbekiston Milliy olimpiya qo‘mitasi, O‘zbekiston Milliy paralimpiya qo‘mitasi zimmasiga quyidagi vazifalarni bajarish yuklandi:
- Olimpiya va Paralimpiya o‘yinlarida qatnashish huquqini beruvchi lisenziyani qo‘lga kiritgan sportchilar uchun o‘quv-mashg‘ulot yig‘inlarining yakuniy bosqichini samarali va sifatli tashkil etish;
- Olimpiya va Paralimpiya o‘yinlarida O‘zbekiston sport delegasiyasi a’zolarining ishtirok etishi uchun ularni sport anjomlari (shu jumladan, maxsus sport anjomlari), rasmiy libos va sport ekipirovkasi bilan ta’minlash;
- Madaniyat vazirligi, Tashqi ishlar vazirligi, Toshkent shahar hokimligi bilan birgalikda Olimpiya va Paralimpiya o‘yinlarida O‘zbekiston sport delegasiyasi a’zolarining ishtirokini ta’minlash uchun ularni kuzatish, joylashtirish, tantanali ravishda kutib olish tadbirlarini tashkillashtirish.
Ma’lumot uchun qabul qilinishicha:
- 2021 yil 24 iyun holatiga Olimpiya va Paralimpiya o‘yinlarida qatnashish huquqini beruvchi jami 101ta lisenziya qo‘lga kiritilgan;
- Olimpiya va Paralimpiya o‘yinlari boshlangunga qadar olimpiya sport turlari bo‘yicha qo‘shimcha kvotalar ajratish, paralimpiya sport turlari (paradzyudo, parapauerlifting, parasuzish, paraakademik eshkak eshish va boshqalar) bo‘yicha qo‘shimcha 17ta lisenziyani qo‘lga kiritish kutilmoqda.
Olimpiya va Paralimpiya o‘yinlariga O‘zbekiston sportchilarini sifatli tayyorlashni tashkil etish bo‘yicha Respublika komissiyasiga Olimpiya va Paralimpiya o‘yinlari boshlangunga qadar ularda qatnashish huquqini beruvchi qo‘shimcha lisenziyalar sonidan kelib chiqib mazkur qaror bilan tasdiqlanayotgan ilovalarga tegishli ravishda komissiya bayoni bilan o‘zgartirish va qo‘shimchalar kiritish huquqi berildi.
Belgilab qo‘yilishicha:
a) Olimpiya va Paralimpiya o‘yinlarida g‘olib va sovrindor bo‘lgan O‘zbekiston sportchilari quyidagi miqdorda bir martalik pul mukofoti bilan rag‘batlantiriladi:
- oltin medal uchun – 200 000 AQSH dollari;
- kumush medal uchun – 100 000 AQSH dollari;
- bronza medal uchun – 50 000 AQSH dollari;
b) mazkur bandda nazarda tutilgan xarajatlar Davlat byudjeti mablag‘lari hisobidan qoplanadi.
Milliy antidoping agentligi Olimpiya va Paralimpiya o‘yinlarida:
sportchilar tomonidan antidoping qoidalariga qat’iy rioya qilinishi ustidan samarali antidoping nazoratini amalga oshiradi;
O‘zbekiston sport delegasiyasini antidoping mavzulariga oid tegishli o‘quv-axborot materiallari va turli ko‘rgazmali ma’lumotlar bilan ta’minlaydi.
Istiqlol
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
