SKUADRA ADZURRA
Chorak final o‘yinlari yakunlanib biz bosh sovringa nomzod bo‘lib qolayotgan 4 ta terma jamoa nomini bilib oldik. Avvalambor, bu YEVRO avvalgilaridan ancha farqli o‘tayotganini ta’kidlash lozim. To‘g‘ri, har bir alohida turnir bu – alohida voqeylik va ularning o‘zaro farqlanishi tabiiy. Fikrimcha, yarimfinalga tasodif tufayli kelib qolgan jamoa yo‘q. Hozirgacha turnirda ishtirokni davom ettirayotgan jamoalarning har bir sovringa munosib. Keling, ularning barchasiga alohida to‘xtalib o‘tamiz.
Italiya!
Turnirdagi birinchi o‘yinidan buyon futbol muxlislari og‘zidan tushmayotgan tarif – o‘ziga o‘xshamayotgan va o‘ta yoqimli terma jamoa!
Mag‘lubiyatsiz seriya bo‘yicha Milliy rekordni yangilab olgan Manchini jamoasi, endi bu boradagi Jahon rekordiga yaqin – 3 ta o‘yin qoldi ungacha. Katenachcho deb atalmish “zo‘raki yoqimli” o‘yin uslubini nihoyat zehnidan chiqarib yubora olgan italiyaliklar hujumda turfa xillik ko‘rsata olishmoqda. Hozircha musobaqada raqiblari darvozasiga eng ko‘p zarba yo‘llagan jamoa – Italiya (101).
5 o‘yindagi hujumlarni qayta ko‘rib chiqing, yuqori diversifikasiyani kuzatishingiz mumkin bo‘ladi. Chap qanot himoyasidagi Spinasolla turnirda hujumga borishdagi eng foydali futbolchilardan biri, agar eng foydalisi bo‘lmasa. Bundan tashqari u rasman YEVRO-2020ning eng tez futbolchisi bo‘lib turibdi - 33,8 km/soat. (U jiddiy yo‘qotish). O‘ng qanotda bunday himoyachi yo‘q. Bori – Di Lorenso hujumda u qadar faol emas. Ammo buni o‘sha tomonda oldinda o‘ynayotgan Barella va Kyeza kompensasiya qilmoqda. Himoya markazi haqida aytish shart emas. Ko‘zi bog‘liq holda bir-birini ko‘radigan juftlik – Bonuchchi-Kyellini. Jorjinyo-Veratti juftligi markazdagi eng zo‘ri ekani ham bahssiz, menimcha. Marko Veratti qolganlardan kamroq o‘yin o‘tkazganiga qaramay, hozirda musobaqada raqibdan eng ko‘p to‘pni olib qo‘ygan futbolchi bo‘lib turibdi. Jorjinyo ham, Veratti ham bo‘shliqlar yuzaga keltirish, ularni topishga o‘ta usta. Belgiyaga qarshi o‘yinda buni ko‘rdik. Oldinda Chiro Immobelening o‘yini o‘xshamayotgani yagona muammo bo‘lib turibdi, deyish mumkin. O‘zi Italiya hozircha YEVROda 11 ta gol urdi-yu, ularning birortasi bosh bilan emas. Bu ham ijobiy jihat emas aslida. Biroq buni Insinye ko‘rsatayotgan, chayqatib yuboruvchi zarbalar to‘ldirmoqda.
Ispaniyaga qarshi o‘yinda masala markazda hal bo‘ladi, menimcha. Agar shunday bo‘lsa, Manchini jamoasining maydon markazi kuchliroq. Jorjinyo va Veratti qarshisida birgina qariya Buskets qolib ketmoqda (Lekin Serxioning ham saviyasiga aslo shubha yo‘q).
Aslida Ispaniyaning turli ko‘rsatkichlar borasida Italiyadan oldinda ekanini ko‘rish mumkin. “Qizil furiya” haqida biroz kechroq yozaman. Hozircha “Moviy gvardiya” haqida qisaqacha to‘xtalgan bo‘ldim.
Orif Tolipov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
