Yevro-2020da o‘z o‘yini bilan muxlislar hurmatiga sazovor bo‘lgan jamoalar ko‘p bo‘ldi. O‘zining hujumkor o‘yini bilan hammani lol qoldirgan Italiya, Inyesta va Xavilardan keyin yangi avlodni shakllantirishga ulgurgan Ispaniya, futbolning haqiqiy asoschilari biz deya qit’a g‘olibligi sari katta qadam qo‘ygan Angliya...
Biroq joriy musobaqada hammaning mehrini qozongan bir jamoa borki, biz bu haqda alohida to‘xtalmasak bo‘lmaydi. Kristian Eriksenning nogahoniy yiqilishidan so‘ng bir nuqtada birlashgan Daniya terma jamoasi Yevroning chinakam yoqimtoy jamoasiga aylandi. Uyda jamoadoshlarining qahramonliklarini hayajon bilan kuzatib turgan Eriksen matbuotda do‘stlariga shunday so‘zlar bilan murojaat etdi: "Sizlar bilan faxrlanaman!"
Jamoa tarkibida yangi nomlar kashf etildi. Mele, Damsgor, Yensen va boshqalar tarkibda Kristian Eriksenning yo‘qligini bilintirmadilar. "Barselona"da o‘z o‘yini bilan muxlislar olqishiga sazovor bo‘lgan Breytuet ham haqiqiy professional hujumchilarga xos harakat qildi. Dileyni, Dolberg, Kristensen kabi ajoyib yigitlar skandinavlar yurti jamoasini final ostonasigacha yetaklab kelishdi. Shunday ekan, bu jamoa chempionlikka munosib jamoa edi, desak yanglishmaymiz. Birgina shubhali penalti 1966 yilgi Tofiq Bahromov bo‘lgan voqeani eslatib yubordi. O‘shanda ham o‘yin "Uembli"da kechayotgan, final ishtirokchilari — Germaniya va Angliya jahon chempionligi uchun kurashayotgan payt edi. Inglizlarning hujumchisi Jeff Xyorst uzoq masofadan turib zarba bergan va to‘p dastlab to‘singa tegib, so‘ngra darvoza chizig‘ini kesib o‘tgan, balki kesib o‘tmagandir, lekin qanot hakami ozarbayjonlik Tofiq Bahromovning gapi bilan gol inobatga olinadi.
Kechagi o‘yinda ham Rahim Sterlingning ustalik bilan yiqilishi, buning ustiga maydonda ikkita to‘p, Kasper Shmeyxelning seyvi, Xarri Keynning qaytgan to‘pni golga aylantirishi barcha masalani hal qildi. Bu yerda hakamlar VAR rivojlangan zamonda ko‘z yumib o‘tgan shuncha xato hammani ajablantirdi. Menimcha, bu holat hech qachon penaltiga tortmasdi. Daniyadek mehnatkash jamoaning hurmati uchun ham hakamlar 100 foizlik holat bo‘lmasa (holat 50 foizga ham tortmasdi) yetti o‘lchab bir kesib qaror qabul qilishlari kerak edi.
Safarali Siddiqov. Kasbi tumani
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
