Manchester shahrining moviy tomonidagi 10 yillik xizmatidan so‘ng, Serxio Aguero mavsum oxirida klubi bilan xayrlashdi. U o‘n yillik faoliyati davomida ko‘plab sovrinlarga ega chiqdi. Aguero Premiyer Liganing eng yaxshi to‘purarlari qatorida edi. Shubhasiz, uning o‘yinini butun futbol dunyosi esida saqlaydi. «Manchester Siti»ning grand klubga aylanishida Agueroning xizmatlari katta.
O‘tgan mavsum yakunida «shaharliklar» yulduzi Aguero klubni tark etishini va yangi mavsumni «Barselona»da boshlashini ma’lum qilgandi. U Kataloniyada asosan zahira o‘rindig‘ida qolishini bilsa ham shuni ma’qul ko‘rdi.
Ispaniyaning «AS» nashri «ko‘k-anorranglilar» La Liganing yangi mavsumi hujum chizig‘ida Ansu Fati va Memfis Depay tomonidan qo‘llab-quvvatlanadigan Lionel Messi bilan boshlashi mumkinligini yozgandi.
Aguero esa «Siti»dagi 19,8 millionga baholangan shartnomasi tugaganligi sabab, qaysidir klubga o‘tishi kerak edi. Uning «bo‘sh qolishi»ni eshitgan Yevropaning ko‘plab grand klublari takliflar bilan chiqishdi. Bunda «Yuventus» eng katta figura edi. Biroq Aguero «Nou Kamp»ni tanladi.
33 yoshli Aguero «Barselona»da yiliga 5,1 million funt-sterling ishlab topadi. U Kataloniyaga ko‘chib o‘tishida hamyurti Messining bergan maslahati katta rol o‘ynaganligini aytdi. 34 yoshli 6 karra Oltin to‘p sohibi Messi, klubi bilan sharnomasi yakunlangach, hozircha rasman ishsiz bo‘lib turibdi. Bu borada «Barsa» prezidenti Juan Laporta Serxio Aguero bilan hamkorlikda Messini klubda olib qolishga harakat qilayotganini ta’kidlagan. Laporta bu haqda «La Vanguardia» nashriga bergan intervyusida shunday deydi: «Men Messini tezroq yangi shartnomaga rozi bo‘lishini istardim. Chunki bizga uning qobiliyati har qadamda azqotadi. Aguero esa bizga bu borada yordam beryapti».
Serxio Aguero o‘tgan mavsumni jarohatlar bilan kurashib o‘tkazdi. Shu tufayli butun mavsum davomida Premiyer ligada atigi 7 ta o‘yinda asosiy tarkibda maydonga tushdi, xolos. Gvardiola Agueroning so‘nggi mavsumida uni maksimal darajada o‘yin amaliyotida bo‘lishini ta’minlaganini aytdi. Aguero yangi mavsumni Barselonada maoshining 75 foizi qisqartirilgan holda boshlaydi. U Messi bilan bir safda to‘p surishni istaganini yashirib o‘tirmaydi. Endilikda kataloniyaliklar tarkibida ikki argentinalik juftligini ko‘rishimiz mumkin bo‘ladi. Bu qiziq bo‘lishi aniq!
Jaloliddin ISMATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
