Xabaringiz bor, ayni paytda yurtimizda yozgi transfer “oynasi” davom etmoqda. Mazkur davrda har bir jamoa o‘z tarkibini kuchaytirishni istaydi. “Navbahor” ham bundan mustasno emas, albatta.
“Lochinlar” safiga ko‘rikdan o‘tish maqsadida, bir qator legioner va mahalliy futbolchilar qo‘shilishdi.
“Navbahor”ning bugungi mashg‘ulotida ham 3 nafar yangi futbolchi ishtirok etishdi. Bular: darvozabon Hojiakbar Jo‘rayev, himoyachi Ilhom Alijonov va hujumchi Ibrohim G‘anixonov.
Mazkur o‘yinchilar bilan batafsil tanishtiradigan bo‘lsak, darvozabon Hojiakbar Jo‘rayev 2000 yil, 16 martda Toshkent shahrida tug‘ilgan. “Paxtakor” futbol akademiyasi tarbiyalanuvchisi. 2015 – 2017 yillarda “Paxtakor” yoshlar jamoasi tarkibida o‘ynagan. Shuningdek, O‘zbekiston kubogi doirasidagi bahslarda “Paxtakor” darvozasini qo‘riqlagan.
2018 yildan buyon Toshkentning “Lokomotiv” yoshlar jamoasida o‘ynamoqda. 2019 yilgi mavsumda O‘zbekiston kubogi doiradagi o‘yinlarda “temiryo‘lchilar” darvozasini qo‘riqlagan.
Hojiakbar Jo‘rayev jarohat tufayli joriy mavsumning 1-davrasini o‘tkazib yuborishga majbur bo‘ldi.
“Navbahor” muxlislariga yaxshi tanish bo‘lgan himoyachi Ilhom Alijonov esa 1998 yili Namangan viloyatining Mingbuloq tumanida tug‘ilgan. “Nasaf” futbol akademiyasi tarbiyalanuvchisi. 2015–2019 yilning 1-davrasida “Nasaf” yoshlar jamoasi tarkibida o‘ynagan. 2019 yilning 2-davrasida “Navbahor”da to‘p tepgan. 2020 yilning 1-davrasida “Qizilqum” (Navoiy), 2-davrasida esa “Buxoro” (Buxoro) jamoalari sharafini himoya qilgan. Joriy mavsumning 1-davrasida “Yangiyer” (Yangiyer) jamoasida o‘ynadi.
Ilhom Alijonov kecha Toshkentdagi “To‘qimachi” stadionida “Turon”ga qarshi kechgan o‘rtoqlik bahsida “Navbahor” tarkibida maydonga tushdi.
Hujumchi Ibrohim G‘anixonov 2000 yilda Toshkent shahrida tug‘ilgan. “Paxtakor” futbol maktabi tarbiyalanuvchisi. 2016 – 2017 yillarda “Paxtakor”ning yoshlar va asosiy jamoalarida to‘p tepgan. 2018 yildan buyon “Lokomotiv” (Toshkent) jamoasida o‘ynamoqda.
Ibrohim G‘anixonov bundan oldin yaypanliklar ko‘rigida bo‘lib, kecha bo‘lib o‘tgan “Navbahor” – “Turon” (2:1) nazorat o‘yinida maydonga tushib, “Turon”ning yagona javob to‘piga mualliflik qilgandi.
Mazkur futbolchilar jamoa murabbiylar shtabida yaxshi taassurot qoldirishsa, ular bilan shartnoma imzolanadi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
