Angliya Premiyer Ligasi dunyodagi eng sermahsul hujumchilarga mezbonlik qiluvchi turnir hisoblanadi. Bu chempionatda barcha toifadagi futbolchilar: hujumchilardan tortib to darvozabonlargacha gol urish baxtiga muyassar bo‘lgan. Lekin, tabiiyki hujumchi maqomidagilar qolganlardan ko‘ra ko‘proq gol urishi kerak. Bu esa APLda yagona o‘yinning o‘zida bir o‘yinchining uchtalab gol urishini ta’minlab beradi. Hozir esa ana shunday xet-trik gollarni eng ko‘p darvoza tomon yo‘llagan futbolchilar haqida gaplashamiz.
10. Robin van Persi, «Arsenal» hamda «MYU» (5ta)
Niderland o‘g‘loni Angliyadagi faoliyati davomida ikki mashhur klubda to‘p surdi va APLda umumiy beshta xet-trik muallifiga aylandi. Hujumchining so‘nggi qayd etgan xet-trigida «qizil iblislar» «Aston Villa» ustidan g‘alaba qozongan edi. Ushbu shonli davrda klub so‘nggi marta Fergyussen qo‘l-ostida APL g‘olibligiga erishgan.
9. Dmitri Berbatov, «Fulxem», «Tottenxem» hamda «MYU» (5 ta)
Xuddi van Persi kabi, Berbatov ham bir paytlar «Old Trafford» o‘yingohining eng sevimli vakillaridan biri bo‘lgan. U «shporlar» safidagi transferidan so‘ng, ajoyib o‘yinlar ko‘rsatgan edi. Jadvalda esa Berbatov van Persidan oldin tilga olinadi. Negaki, u 5 ta xet-trikka undan ko‘ra kamroq o‘yinda erishgan(229 ta. van Persida esa 280 ta).
8. Luiz Suarez, «Liverpul» (6ta)
Suarez 2014 yilda «Barselona»ga o‘tishidan oldinroq APLda o‘z nomini o‘chmas qilib yozib ketishga ulgurgan edi. Urguaylik futbolchining xet-triklari ichida eng ko‘p eslanadigani 2012 yilda «Karrov Rod»dagi «Norvich»ga qarshi urgan gollari bo‘lsa kerak. Luiz Premiyer liganing bebaho talanti edi.
7. Ueyn Runi, «Everton» hamda «MYU» (7 ta)
Dastlab, «Everton» tarkibidagi ajoyib harakatlaridan keyin, sobiq Angliya terma jamoasi a’zosi Manchesterga yo‘l olib, «MYU»ning barcha davrlardagi top golurar futbolchisiga aylandi. U 253 marta raqib darvozasiga yo‘l topa olgan edi.
6. Maykl Oven, «Liverpul», «MYU», «Nyukasl» hamda «Stok Siti» (8 ta)
Oven o‘z faoliyati davomida APLning to‘rt klubida to‘p surgan. Bu vaqt davomida u 326 marta maydonda harakat qilib, 8 ta xet-trik muallifiga aylangan. Hujumchining ligadagi gollari soni 150 tani tashkil etadi.
5. Terri Anri, «Arsenal» (8 ta)
Sobiq Fransiya terma jamoasi hujumchisi APLning 258 ta o‘yinini ko‘rgan bo‘lib, unda 8 marta 3 tadan golni rasmiylashtirishga muvaffaq bo‘lgan.
4. Harri Keyn, «Tottemxem» hamda «Norvich Siti» (8 ta)
Harri Keynning jadvalda Anri hamda Ovendan yuqorida turishiga sabab, u afsonaviy juftlikka qaraganda kamroq liga o‘yinida maydonga tushgan. U endigina 245 o‘yinini o‘tkazdi. Ammo hujumchi allaqachon sakkizta xet-trik muallifi bo‘lib, uning APLda qolishi ushbu ko‘rsatkichni oshirishga zamin yaratadi.
3. Robbi Fovler, «Liverpul», «Lids», «Manchester Siti» hamda «Blekbern» (9 ta)
Sobiq jamoadoshi Oven kabi Fovler ham APLdagi faoliyati davomida to‘rtta klub sharafini himoya qilgan. U mana shu davr mobaynida 379 marta maydonga tushib, 9 ta xet-trikni uddalay olgan. Hujumchi o‘ziga xos uslubiyat egasi edi.
2. Alan Shirer, «Nyukasl» hamda «Blekbern» (11 ta)
1995 yilda «Blekbern»ga APL tojini taqdim etgach, Shirer o‘zi ulg‘aygan klub – «Nyukasl»ga qaytadi. U o‘zining jonajon klubida zafarli yurishlarini davom etib, 11 marta xet-trik muallifiga aylandi. U 260 marta gol urgan va bu gollarining natijasi o‘laroq xet-triklar qayd etgandi. Uning rekordini bitta hujumchi yangilashga ulgurdi. Bu Serxio Aguerodir.
1. Serxio Aguero, «Man Siti» (12 ta)
«Shaharliklar» safidagi ajoyib harakatlari bilan eslanadigan argentinalik afsonaviy hujumchi 12 marta xet-trik muallifligiga ega. U bu borada mutlaq rekordchiga aylandi. Ushbu rekord o‘rnatilganiga ko‘p bo‘lmadi. Hozirda «Barselona» futbolchisiga aylangan Aguero o‘tgan mavsumda «Aston Villa»ga qarshi 6-1 hisobida yakuniga yetgan o‘yinda Shirer rekordini yo‘qqa chiqargan edi.
Ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
