Dunyoning 3-raqamli shaxmatchisi, amerikalik Fabiano Karuana o‘zbek shaxmati haqida fikr bildirdi. U Nodirbek Abdusattorov, Javohir Sindorov va Nodirbek Yoqubboyev haqida ilk bor 2020-yilda Rustam Qosimjonovdan eshitganini aytib o‘tdi.
“Menimcha, 2021-yildan, balki hatto 2020-yildan boshlab Rustam Qosimjonov ayrim iqtidorli yigitlar haqida gapira boshlagandi. O‘sha paytda ular juda yosh edi. U hatto Nodirbek Yoqubboyevni iqtidorlilar orasida eng istiqbollisi sifatida tilga olgan — bu esa bunday yosh va kuchli o‘yinchilar haqida gap ketganda juda qiyin baho”, deydi Karuana.
U, shuningdek, Nodirbek Abdusattorov bilan 2021-yil oxirida o‘tkazilgan rapid bo‘yicha Jahon chempionatida to‘qnash kelganini eslab o‘tdi. Mazkur turnirda o‘zbekistonlik shaxmatchi 17 yoshda bo‘lgan va chempionlikni qo‘lga kiritib, xalqaro maydonda o‘zini namoyon qilgan edi.
“Men Nodirbekka qarshi 2021-yil oxirida o‘tkazilgan Jahon chempionatida o‘ynaganman va u o‘shanda turnir g‘olibiga aylangan edi. Sindorov nomini ham ilk bor 2021-yilda eshitganman, ba’zi o‘yinlarini ko‘rgandim, lekin u bilan amaliy tajribam ko‘p emas edi. Javohir bilan ilk bor 2023-yilda Grand Swiss turnirida o‘ynadim. O‘sha paytda u hozirgidek mukammal emas edi, lekin men uning juda kuchli ekanini his qilganman. U debyutda aniq tizimga ega emasdi, hatto biroz shubhali variantlarni o‘ynardi, lekin baribir juda kuchli edi. O‘sha o‘yindan keyin men Sindorov juda tez orada xavfli o‘yinchiga aylanishi mumkin, deb o‘ylagandim”, dedi amerikalik shaxmatchi.
Karuana Abdusattorov haqida u allaqachon o‘zini isbotlagan shaxmatchi ekanini va O‘zbekiston terma jamoasining Olimpiadadagi muvaffaqiyatini tabiiy natija sifatida baholadi:
“Nodirbek, albatta, allaqachon o‘z darajasini isbotlagan. O‘zbekistonning Olimpiadada g‘alaba qozonishi ajablanarli emas. Bu voqea ancha oldin bo‘lgan. Hozir yangi kashfiyotlar ko‘p emas, lekin Sindorovning Nomzodlar turnirida 6 ta g‘alaba qayd etgani — bu haqiqiy yangilik”.
Ma’lumot uchun, o‘zbekistonlik shaxmatchilar orasida ilk bor Nomzodlar turnirida qatnashgan Javohir Sindorov 10 ochko bilan g‘oliblikni qo‘lga kiritdi va musobaqani mag‘lubiyatsiz yakunladi. U turnir davomida ikkita rekordni yangiladi: eng ko‘p jamg‘arilgan ochko va eng ko‘p g‘alaba. Sindorov da’vogarlar musobaqasida Andrey Yesipenko, Rameshbabu Pragnanandxa (ikki marta), Fabiano Karuana, Hikaru Nakamura va Vey I kabi kuchli grossmeysterlar ustidan g‘alaba qozondi.
Javohir Sindorov mazkur turnir g‘olibi sifatida amaldagi Jahon chempioni Gukesh Dommarajuga qarshi shaxmat toji uchun kechadigan bahsda ishtirok etish huquqini qo‘lga kiritdi. Turnir sanasi va manzili FIDE tomonidan e’lon qilinadi.
Shuningdek, Sindorov 2025-yilgi Jahon Kubogida barcha raqiblarini mag‘lub etib, chempion bo‘lgan edi. Nodirbek Abdusattorov esa 2025-yilda London Chess Classis, 2026-yilda esa Tata Steel Chess musobaqalarida zafar quchdi. Nodirbek Yoqubboyev 2023-yilda Qatar Masters turniri g‘olibi bo‘lgan.
Ayni vaqtda FIDEning layv reytingida holat quyidagicha:
Nodirbek Abdusattorov: 2780 ochko (4-o‘rin)
Javohir Sindorov: 2776 ochko (5-o‘rin)
Nodirbek Yoqubboyev: 2689 ochko (38-o‘rin).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
