Futbol olamida maydon, undagi o‘yinchilar, murabbiylar, taktikalar va boshqa omillardan chetda bo‘lgan narsalar ham mavjud. Klub imiji haqida gap ketganida, beixtiyor birinchi navbatda futbolchilar egnidagi libos ko‘z o‘ngimizga keladi. Bu narsa hozirgi dunyo futbolida daromadli tarmoqlardan biri sifatida qaraladi. Hatto siz biror jamoaning eng ashaddiy muxlisi bo‘lsangiz ham, klub yoki terma jamoa formasi uchun pul sarflayotganingizda ikki martalab yaxshilab o‘ylab, keyin xarajat qilasiz. Shunda ham libos ko‘rinishi sizga ma’qul kelganida, albatta.
«Manchester Siti»ning yangi mavsum uchun taqdim etgan uchinchi raqamli libosi ijtimoiy tarmoqlarda ko‘plab tanqidlarga sabab bo‘ldi. «Puma» tomonidan dizaynlashtirilgan forma muxlislar tomonidan tarixdagi eng yomon uchinchi to‘plam degan nom oldi. Xuddi shu kabi, «Ayaks» uchun tayyorlangan yangi libos ham jiddiy e’tirozlar ostida qolgan. Quyida siz muxlislar tomonidan eng yaxshi hamda eng yomon deb topilgan klub liboslar bilan tanishasiz. Ularning bari jamoa uchinchi raqamli libosi sifatida taqdim etilgan edi.
Eng yomon:
«MYU», 1992-93 yilgi mavsumda
«Qizil iblislar» ushbu to‘plamda Nyuton Xitning davrini esga olgan edi. 1878 yilda jamoa shu nom ostida tashkil etilganlarida ular yashil rangdagi futbolka kiygan, libos o‘rtasidan oltinrang chiziq tortilgan edi. Jamoaning 90 yillar boshida taqdim etilgan libosi ham xuddi shu ko‘rinishga ega bo‘lib, muxlislar tanqidiga sabab bo‘ladi.
«Liverpul», 2012-2013 yilgi mavsumda
Mersisaydliklar o‘sha mavsumdagi libosi uchun katta malomatlarga qolib ketgan edi. Bu libosni hatto Luiz Suarez ham yoqtirmagan deyishadi. «Warrior Sports» kompaniyasi tomonidan tayyorlangan futbolkalar siyohrang hamda sariq ranglar kombinasiyasidan iborat bo‘lgan. Bu ranglar ayrim ta’sirchan ko‘zlar uchun juda og‘ir qabul qilingan. «Siti»ning yuqorida aytilgan libosigacha, mana shu to‘plam APLning eng yomon to‘plami sifatida e’tirof etilardi.
«Tottenxem», 2006-2007 yilgi mavsumda
Jigarrang rangli futbolka «shporlar» uchun o‘ta g‘alati va noan’anaviy edi. Shunday bo‘lsa ham 2006 yilgi mavsumdan jamoa shokoladrang liboslarda ko‘rinish beradi. Bu London jamoasi uchun tanqid toshlari otilishiga asos bo‘lgan edi.
«Chelsi», 2020-2021 yilgi mavsumda
«Aristokratlar» uchun o‘tgan mavsum omadli kelgan bo‘lsa ham, ularning imiji borasida bunday deya olmaymiz. G‘arbiy London klubi uchinchi raqamli libosi orqali «Kristal Pelas»ga qiyoslanadi. Bu esa klub muxlislarini Twitter`da «isyon» ko‘tarishiga sabab bo‘lgan edi. Klub a’zolari mavsumning ilk oylaridayoq libos noqulayligini o‘zlarida his etishadi.
Eng yaxshi:
«Roma», 2019-20 yilgi mavsumda
Zamonaviy futbol liboslari haqida gap ketganida, italiyaliklar didiga qoyil qolmasdan iloj yo‘q. «Roma»ning 2019-2020 yilgi mavsum uchun taqdim etgan uchinchi raqamli formasi 90 yillar klassik uslubini yodga solar edi. Mumtoz rimliklar tepaligida «Lupetto»(bo‘rining boshi) quyuk ko‘k rang fonida tasvirlangan. Bu o‘ziga xos klub maqsadlariga hamohanglik berardi.
«MYU», 1993-1994 yilgi mavsumda
Qora rang aralashgan har qanday narsada biroz sovuqlik mujassam sanaladi. «Qizil iblislar» 90 yillar markazida ajoyib ko‘rinish kasb etishdi. O‘shanda jamoaning uy yoki mehmon formasi emas, balki uchinchi raqamli libosi barcha yodida qolishga muvaffaq bo‘lgan. Futbolkadan ko‘k va sariq rangli chiziqlar o‘tkazilgan edi. Shuni ham aytish kerakki, afsonaviy to‘plamlar uni kiyib yurgan ajoyib futbolchilar sababli ham esda qoladi. Erik Kantona mana shunday afsonaviy libosdagi, afsonaviy shaxs edi. Harxolda, muxlislar uni haligacha shunday eslashadi.
«Arsenal», 2021-2022 yilgi mavsumda
«Kanonirlar» maydondagi harakatlari bilan maqtana olishmasada, hech bo‘lmaganda ular kiyib olgan libos zamonaviy va o‘ta didli. O‘tgan hafta «Brenford»ga qarshi mag‘lubiyatli kechada, jamoa ko‘k zig-zag naqshga ega yangi mavsum uchun uchinchi to‘plamda debyut qilgan edilar. «Adidas» tayyorlafan libos yoqasida esa muxlislarga ruh bag‘ishlovchi «Hamma narsa Arsenal uchun» shiori yozib qo‘yilgan. Bu libos ham aslida 90 yillar mahsuli bo‘lib, unda Dennis Bergkamp ham maydonda harakat qilgan edi. Aynan uning aqlga sig‘mas ajoyib harakatlari mana shu ko‘k rangli futbolkada amalga oshirilgan deyish mumkin.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
