Dortmundning «Borussiya» klubi ushbu mavsum uchun e’lon qilingan qaydnomadan keyin tarkibi bir muncha zaiflashgani ko‘rindi.
Yozgi transferlar oynasida vinger Jeydon Sancho MYU klubiga ko‘chib o‘tdi. Mazkur o‘tish dortmundliklar uchun katta mablag‘ keltirgan bo‘lsada, hujum chizig‘i zaiflashishiga olib keldi. Tomas Dileyni ham jamoani tark etdi. Yussufa Mukuku esa qaydnomaga kiritilmadi. 16 yoshli hujumchi o‘tgan mavsum «sariqlar» safida Bundesliga o‘yinida maydonga tushib, musobaqaning eng yosh o‘yinchisiga aylangandi. Mukuku yaqin yillarda ko‘zga ko‘rinadigan hujumchi bo‘lib yetishishi mumkin. To‘xtab qolishi kerak emas.
Jamoaning YECHL uchun e’lon qilgan qaydnomasini taqdim etamiz.
Darvozabonlar: Roman Byurki, Marvin Hitz, Gregor Kobel, Luka Anbehaun
Roman Byurki yaxshi darvozabon, lekin top emas. Tan olish kerak, oxirgi yillarda klub darvozabonlari bilan maqtana olmayapti. Eng zaif nuqta deb ham atash mumkindir balki. Asosiy tarkib futbolchisi bo‘lgan Byurki futbolchilik faoliyatining katta qismini Shveysariya terma jamoasining zaxira darvozaboni sifatida o‘tkazdi. yoshni qarshi olgan posbon hozirda termadan chaqiruv olmayapti.
Himoyachilar: Manuel Akanji, Emre Jan, Rafael Gerreyru, Mats Xummels, Toma MenYE, Marin Pongrachich, Niko Shuls, Aksel-Zagadu
Markaziy himoyada Akanji, Xummels, Zagadu asosiy o‘yinchilar hisoblanishadi va ularning darajasi yuqori saviyali futbolchilarga yaqin. Gerreyru va Menye qanotlar uchun javob berishadi. Ashraf Hakimini o‘rni haligacha bilinmoqda. Mudofaa markazi esa qolgan pozisiyalarga nisbatan yaxshi shakllangan.
Yarim himoyachilar: Jud Bellingem, Yulian Brandt, Mahmud Dovud, Torgan Azar, Ansgar Knauff, Feliks Paslak, Marko Roys, Aleks Visel, Marius Volf.
Bellingem, Brandt, Azar, Roys, Vitsel... Mana shu xavbeklar jamoaning asosini tashkil qilib beradi. Xolandga to‘pni yetkazib berish, maydon markazini nazorat qilish aynan ularning zimmasiga tushadi. Juda ham kuchli bo‘lmagan, ammo ajoyib o‘yin ko‘rsata oladigan futbolchilardan tuzilgan yarim himoya chizig‘i «Borussiya»ning natijalariga ta’sir ko‘rsata oladi.
Hujumchilar: Erling Xoland, Donel Malen, Reyner, Steffen Tigges.
Bu chiziqda nafaqat klubning, balki jahonning eng yaxshi markaziy hujumchilaridan biri mavjud. Erling Xoland jamoaning haqiqiy yetakchisi va ayni vaqtda o‘rtamiyona klub deya ta’riflanmasligi uchun asosiy sabab bo‘lib turgan futbolchi hisoblanadi. Xoland ham Levandovski singari har o‘yinda gol urishni va samarali harakatlarni amalga oshirmoqda. 21 yoshning o‘zida jamoa yetakchisiga aylanib ulgurgan norvegiyalik kelajakda Mbappe bilan "Oltin to‘p" uchun kurashda jiddiy raqobat qilishi ko‘plab mutaxassislar tomonidan muhokama qilinmoqda. Malen esa Sanchoning o‘rniga PSV klubidan sotib olindi.
Bu mavsum Xoland gollar urishi mumkin, lekin jamoaviy yutuqqa erishish uchun bu kamlik qiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
