Bir necha kun oldin Yevropada yozgi transferlar oynasi yakunlanganidan xabaringiz bor.
Mazkur transfer oynasida bir qancha top xaridlar amalga oshirildi. Masalan, ular orasida Romelu Lukaku, Jek Grilish, Jeydon Sancho, Rafael Varan, Krishtianu Ronaldu kabi futbolchilar bor.
Transfermarkt portali e’lon qilgan APLning ayni vaqtdagi eng qimmat futbolchilaridan tuzilgan ramziy jamoani taqdim etamiz. Mazkur jamoa haqiqatan ham YECHLda g‘alaba qozonish uchun asosiy favoritga aylangan bo‘lardi.
Darvozabon: Alisson Bekker («Liverpul»)
Himoayachilar: Aleksandr-Arnold («Liverpul»), Rafael Varan ("Manchester Yunayted"), Ruben Diash ("Manchester Siti"), Endi Robertson («Liverpul»)
Yarim himoyachilar: Kevin de Bryuyne ("Manchester Siti"), Brunu Fernandesh ("Manchester Yunayted"), Jeydon Sancho ("Manchester Yunayted"), Muhammad Salah («Liverpul»)
Hujumchilar: Romelu Lukaku («Chelsi»), Xarri Keyn («Tottenxem»)
Darvozada «Liverpul» posboni Alisson Bekker. Ayni vaqtda uning transfer bahosi 60 mln yevroni tashkil etadi. Braziliyalik oxirgi uch mavsumdan beri yuqori formada o‘ynab kelmoqda va joriy yilda ham o‘z mahoratini ko‘rsata olishiga shubha yo‘q.
Himoya chizig‘idan ikki nafar «Liverpul» a’zosi va Manchesterning ikki klubidan futbolchilar o‘rin olishgan. Doimgidek Arnold va Robertson APLning eng qimmat va samarali laterallari bo‘lib turishibdi. Mazkur futbolchilarning transfer qiymatlari mos ravishda 75 va 65 mln yevroga teng. O‘tgan mavsum "Manchester Siti"ga qo‘shilgan Ruben Diash (75 mln yevro) hamda yozgi transferlar oynasida MYU ga o‘tgan Rafael Varandan (70 mln) tashkil topgan juftlik APLning eng qimmat markaziy chizig‘i sifatida baholandi.
Yarim himoya chizig‘i ham super darajada kuchli. Kevin de Bryuyne va Bruno Fernandesh markazdan turib hujumlarni shakllantirish va sheriklarini to‘p bilan ta’minlash bo‘yicha o‘z ishlarining ustalari hisoblanishadi. Muhammad Salah va Jeydon Sancho qanotlardan hujumlarni rivojlantirish va davom ettirishadi. Mazkur futbolchilar bir jamoaga yig‘ilsa haqiqatan ham dahshatli tarkib hosil bo‘ladi.
Hujum chizig‘idan ikki nafar to‘purar o‘yinchilar joy olishgan. Yozgi transferlar oynasida o‘zining sobiq klubiga qaytgan Romelu Lukaku o‘tgan mavsumni «Inter»da yuqori darajada o‘tkazdi. Shu tarifni «Tottenxem» yulduzi Xarri Keynga nisbatan ham ishlatish mumkin. U nafaqat to‘purar, balki APLning o‘tgan mavsumdagi eng yaxshi assistenti bo‘ldi. Yangi mavsumni "Manchester Siti"da boshlashi kutilgan angliyalikni «shporlar» rahbariyati qo‘yib yubormadi. Keyn va Lukaku tandemi istalgan himoya chizig‘i vakillarini shoshirib qo‘yishi mumkin. Ularning ikkalasini narxi 220 mln yevroni tashkil etmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
