O‘zi ilgaridan «Manchester Yunayted» deganda hayolimizga eng boy klub degan fikr kelar edi. Haqiqatdan ham shunday. Yaqin-yaqingacha «MYU» jahonning eng to‘kis klubi edi. Garchand yetakchilik boy berilgan bo‘lsa ham, umumiyatda baribir top sanaladi. Klub yangi mavsumda bir qancha yulduzlarni tarkibiga jalb etdi. Bu katta harajat talab etadi, albatta. Pandemiya bergan qiyinchiliklar davrida esa, mablag‘ jamg‘arish oson bo‘layotgani yo‘q.
«MYU»ning bu yilgi oylish maoshlar uchun sarflaydigan to‘lovi hajmi rekord darajaga yetdi va 65 million funtni tashkil qildi. Bu ko‘rsatkich Krishtianu Ronaldu, Jeydon Sancho hamda Rafael Varan xaridlari sabab keskin oshib ketdi. «Qizil iblislar» 2020 yilda umumiy 387 million funt mablag‘ sarf etib, bu borada «Barselona»ni ortda qoldirgan edi. Ronaldu «Yuventus»dan kutilmaganda sotib olindi. Portugaliyalik yulduz uchun klub 12,8 million funt sarfladi. Sarflangan mablag‘ balki dunyo futboli afsonasi obro‘siga to‘g‘ri kelmas dersiz, ammo haqiqiy hajm portugaliyalikka to‘lanayotgan maoshda. 36 yoshli futbolchi hozirda «Old Trafford»dagi faoliyati ortidan haftasiga 480 ming funt-sterling ishlab topmoqda. Bu Ronalduni klubdagi eng ko‘p maosh oluvchiga aylantirgan. Ro‘yxatda ikkinchi o‘rinni darvozabon Devid De Xea band etib, u haftasiga 375 ming funt olmoqda. Ronaldudan ilgari, aynan u bu borada peshqadam edi.
«Manchester Yunayted» Jeydon Sancho uchun «Borussiya Dortmund»ga 73 million funt to‘lov qildi. 21 yoshli vinger maoshi yangi jamoasida haftasiga 350 ming funtni tashkil etadi. «Real»dan Rafael Varanning olib kelinishi ham klubning yirik savdolaridan biri edi. Himoyachi uchun madridliklar 42 million funt olgishgan. Fransiya terma jamoasi a’zosi haftasiga 340 minglik bitimga rozi bo‘lgan. U Manchesterda bir yilda jami 17,7 million olishi belgilangan. Bir yil ilgari maosh borasida ikkinchi pog‘onada turgan Pol Pogba hozir ancha pastladi. Uning haftalik maoshi 290 ming funtga teng. Garchand zahirada yoki qayerlardadir sayr qilib yurgan bo‘lsa ham, Antoni Marsial «MYU»dan haftasiga 250 ming maosh olishni davom ettirmoqda. Edinson Kavani ham Marsial kabi pul topmoqda. Undan keyingi o‘rinlarni Markus Reshford(200 ming funt), Harri Maguayr(190 ming funt) hamda Bruno Fernandesh(180 ming funt) band etgan.
O‘tgan oy «MYU» Ronalduga 41 yoshigacha maosh berib turishi ma’lum bo‘lgandi. «Yuventus» uch yil davomida(2018-2021) Ronaldu uchun jami 88 million funt sarflagan. U shu davr mobaynida Turin klubi safida 134 ta o‘yinda ishtirok etib, 101 ta golga mualliflik qildi. Krishtianu allaqachon «MYU»da nimaga arzishini isbot qilib ketgandi. Futbolchi 2009 yilda «Real»ga 80 million funt evaziga sotib yuborilgani buni yaqqol ko‘rsatib beradi. CriRo qaytgandan beri 3 ta o‘yinda 4 ta gol urishga muvaffaq bo‘ldi. Bundan kelib chiqadiki, mankunyanliklar u uchun qilayotgan harajatlari bekor emas va jangchi zafar qozonishda davom etmoqda.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
