Pro liga 19-turi doirasidagi «Nurafshon» - «Dinamo» (0:2) uchrashuvidan keyingi matbuot anjumanida dastlab Samarqand jamoasi bosh murabbiyi Hakim Fuzaylovning fikrlari bilan qiziqdik.
- Hakim Qayumovich, muhim o‘yindagi g‘alaba bilan tabriklaymiz. O‘yin borasidagi fikrlaringiz bilan o‘rtoqlashsangiz...
- Ikkinchi bosqichdagi har bir ochkoning qadri baland. Oldin ham aytgandim, Pro ligada oson o‘tadigan o‘yinning o‘zi yo‘q. Kutganimizdek juda ham asabiy va og‘ir o‘yin bo‘ldi. Eng avvalo futbolchilarimizga minnatdorchilik bildiraman, ular qiyinchiliklarga qaramay o‘yin oxirigacha kurash olib borishdi va yakunda g‘alaba qozonishdi. O‘yinning qanday o‘tgani menga yoqdi. To‘g‘ri, himoyada ham, hujumda ham kichik xatolarimiz bor. O‘yinni tahlil qilib, xulosa chiqaramiz. Bugun jamoa xarakteri evaziga o‘yinda g‘olib chiqdi.
- Jamoaning asosiy himoyachilaridan biri Dmitro Sidorenkoning tarkibda yo‘qligi nima bilan bog‘liq?
- U jarohati sababli Buxoroga kela olmadi. Shuningdek, Oleg Marchuk ham biroz shamollagani bois asosiy tarkibdan o‘rin olmadi. Qolaversa, Siroj Meliyev va Farhod Rahmatov ham kecha biroz betob edi.
- «Dinamo» bugun 6 ochkoli o‘yinda asosiy ta’qibchisini mag‘lub etdi, deyish mumkin va oradagi ochkolar farqini 7taga yetkazdi. Aytingchi, «Dinamo» Superligaga chiqish vazifasini necha foizga bajardi desak bo‘ladi?
- Bu haqda gapirishga hali erta deb hisoblayman. To‘g‘ri, bugun 6 ochkoli o‘yin bo‘ldi, ammo faqat bugungi bahs emas, ushbu bosqichda to‘rt jamoa ishtirokidagi har bir o‘yin 6 ochkoli bo‘ladi. Oldinda 5 o‘yin bor va bu 15 ochko uchun kurash degani. Shunday ekan, hammasi hali oldinda.
- Bugun penalti ishlab, gol urgan Ro‘zimboy Ahmedov jamoa futbolchilariga qanchalik ta’sir o‘tkaza olmoqda?
- U katta tajribaga ega futbolchi. Ro‘zimboy jamoamizga kelgani bilan o‘zining yetakchilik qobiliyatini ishga solmoqda. Ahmedov hozirgi yoshida ham har mashg‘ulotda ter to‘kib ishlamoqda, hech bir mashg‘ulotlarni o‘tkazib yubormaydi. U jamoadagi yoshlarga o‘rnak bo‘ladigan o‘yinchi.
Usmon Ibodov suhbatlashdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
