«Ayaks» hamda «Beshiktosh» klublari o‘rtasidagi Chempionlar Ligasi guruh bosqich 2-tur oldidan tayyorlangan prevyuni taqdim etamiz.
«Ayaks» joriy mavsum guruh bosqichini safarda «Sporting»ga qarshi o‘yin bilan boshladi va yirik hisobda g‘alaba qozondi. Endi uning raqibi S guruhida birinchi ochkosini ham qo‘lga kiritmagan «Beshiktosh» jamoasi bo‘ladi.
Niderlandiya klubi 1993 yildan beri ilk bor Turkiya jamoalariga qarshi o‘ynaydi. Oldingi turda Sebastyan Hallerning pokeri evaziga qo‘lga kiritilgan 5:1 hisobidagi g‘alabadan keyin, amsterdamliklar musobaqada qayd etgan o‘zlarining eng yirik safardagi g‘alabalarini takrorlashdi. «Beshiktosh» esa ilk turda Dortmundning «Borussiya»sini qabul qilgan holda imkoniyatni boy berib qo‘ydi — 1:2.
Oldingi uchrashuvlar
Tomonlar 1993/94 yilgi mavsumdan beri hali to‘qnash kelishmagandi. O‘shanda Yevropa kubogi egalari kubogi musobaqasining ikkinchi bosqichida «Ayaks» umumiy 6:1 hisobida g‘alaba qozongandi. Frank Raykard va Ronald de Bur Amsterdamda o‘tgan bahsda (2:1) g‘alaba gollarini kiritishga bo‘lishsa, Yari Litmanen Istanbulda kechgan o‘yinda (4:0) xet-trik muallifiga aylangandi.
«Beshiktosh»ning hozirgi murabbiyi Sergey Yalchin "qora burgutlar" safida mazkur ikki o‘yinda ham ishtirok etgan va hatto Amsterda Mehmet Ozdilekning goliga uzatmani amalga oshirgandi.
«Ayaks» 1966/67 yilgi mavsum «Beshiktosh» bilan ikkala to‘qnashuvda ham g‘alabaga erishgan. Uyda o‘tgan bahsda 2:0, safardagi bellashuvda esa 2:1 hisoblari qayd etilgan. Piyet Kayzer har ikki uchrashuvda ham gol urishga muvaffaq bo‘lgan.
Jamoalarning holati
«Ayaks» YECHL guruh bosqichida 17-marotaba ishtirok etmoqda va bu bilan Niderlandiyaning yangi rekordini o‘rnatdi. Oldingi rekord PSV klubiga tegishli edi - 16. Bu jamoanign ketma-ket 4-mavsum Chempionlar Ligasida qatnashishi va 2014/15 yilgi mavsumdan beri ilk bor avtomatik tarzda guruh bosqichiga yo‘l olishi hisoblanadi.
«Ayaks» o‘tgan mavsum Niderlandiyaning 35 karra chempioni bo‘ldi va qatorasiga ikkinchi bor bosh sovrinni qo‘lga kiritdi.
«Ayaks» Chempionlar Ligasidagi oxirgi 8 guruh bosqichining faqatgina bittasida pley-offga chiqishni uddalagan va o‘sha mavsum (2018/19) yarim finalga qadar yetib borgan.
«Ayaks» Turkiya jamoalariga qarshi 10 o‘yinning sakkiztasida g‘alaba qozongan bo‘lsada, oxirgi marta 2015/16 yilgi mavsum Yevropa Ligasi guruh bosqichida «Fenerbahche» bilan 0:0 o‘ynagandi. Amsterdamliklar Turkiya klublariga qarshi o‘z maydonida o‘tgan so‘nggi 4 uchrashuvning barchasida g‘alaba qozongan. To‘plar nisbati — 11:1. «Ayaks» turk jamoalari bilan qarama-qarshilikdagi yagona bo‘lib turgan mag‘lubiyatini «Fenerbahche»dan qabul qilib olgan (0:1).
«Beshiktosh» sakkizinchi bor Chempionlar Ligasining guruh bosqichida ishtirok etmoqda. Turk jamoalari orasida faqatgina «Galatasaroy» ko‘proq (16) ko‘rinish bergan.
«Beshiktosh» so‘nggi marta 2017/18 yilgi mavsum YECHLda qatnashgan va «Portu», «Leypsig» va «Monako» bilan bir guruhdan joy olib, mag‘lubiyatga uchramagan holda pley-offga chiqqandi. «Bavariya»ga qarshi ikkala o‘yinda esa 1:8 hisobida mag‘lub bo‘lgan va musobaqani tark etgandi.
"Qora burgutlar" o‘tgan mavsum Turkiyada 16-bor chempion bo‘lishdi va so‘nggi 6 yilda uchinchi marta bu ishni uddalashdi.
Bahs rasmiylari
Bosh hakam: Benoit Bastiyen (Fransiya)
Qanot hakamlari: Xicham Zakrani, Aurelio Bartomeu (Fransiya)
Zaxira hakami: Jeremi Pignard (Fransiya)
VAR: Delayod Villi (Fransiya)
VAR yordamchisi: Massimiliano Irrati (Italiya)
Benoit shu paytga qadar Turkiya jamoalari o‘rtasidagi uchrashuvlarda faqat bir marta ishlagan. 2018 yil Istanbulda o‘tgan guruh bosqichida «Galatasaroy» «Shalke» bilan to‘qnash kelib 0:0 hisobini qayd etgandi.
Eslatib o‘tamiz, uchrashuv bugun Toshkent vaqti bilan soat 21:45 da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
