Bugun «Bavariya» o‘z maydonida Kiyevning «Dinamo» klubini qabul qiladi. Mazkur bahs uchun qiziqarli ma’lumotlarni taqdim etamiz.
Xabaringiz bor, joriy mavsum Chempionlar Ligasi E guruhida qatnashayotgan myunxenliklar ilk turda Kataloniyada «Barselona» ustidan yirik hisobda (3:0) g‘alaba qozondi va polshalik Robert Levandovski YECHLdagi 74 hamda 75-gollarini o‘z hisobiga yozdirib qo‘ydi.
O‘z navbatida Ukraina klubi o‘z maydonida «Benfika» bilan nursiz durang o‘ynadi.
Oldingi uchrashuvlar
Jamoalar 2000 yilning mart oyidan beri ilk marta to‘qnash kelishayotgan bo‘lsada, unga qadar 10 o‘yinda bellashishgan. Shulardan beshtasida «Bavariya», to‘rt bahsda esa Ukraina klubi g‘alaba qozongan.
Ikkala jamoa ham 1999/2000 yilgi mavsum Chempionlar Ligasi ikkinchi guruh bosqichida o‘z maydonida g‘alaba qozongan. Paulo Serxioning so‘nggi daqiqalardagi goli «Bavariya»ga Myunxenda g‘alaba keltirgan (2:1). Kiyevda esa Kaxa Kaladze va Giorgi Demetradze «Dinamo»ga 3 ochko olib bergan.
«Dinamo»ning 1977 yildan beri «Bavariya» ustidan birinchi g‘alabasiga qaramasdan, Myunxen klubi S guruhida yetakchi bo‘lgan va chorak finalga yo‘l olgan. Kiyevliklar esa «Real» bilan teng ochko to‘plagan lekin, boshqa ko‘rsatkichlar evaziga guruhda uchinchi o‘rinni olib musobaqani tark etgan. O‘sha mavsum madridliklar YECHL chempioni bo‘lishgan.
«Bavariya» 1998/99 yilgi Chempionlar Ligasida ham finalga chiqqan. O‘shanda klub aynan "Dinamo Kiyev"ni mag‘lub etgandi. Dastlabki bahsda kiyevliklar safida Aleksandr Shevchenko dubl qayd etgan va 12 daqiqa ichida Effenberg hamda Yanker muvozanatni tiklashgan. Mazkur bahsda Kiyev jamoasi 2:0, 3:1 hisoblarida oldinga chiqib olganini ham ta’kidlash kerak. Javob bahsida Mario Baslerning yagona goli umumiy hisobni 4:3 ga keltirgan va nemis grandi uchun final eshiklarini ochgan.
«Dinamo» «Bavariya» bilan dastlabki 4 o‘yinning uchtasida g‘alaba qozongan. Oleg Bloxin 1975 yilgi UEFA Superkubogining ikkala o‘yinida ham gol urishga erishgan.
1975 yilgi mag‘lubiyat «Bavariya» uchun «Dinamo» bilan bo‘lgan Myunxendagi 5 o‘yinda yagona g‘alaba qozona olmagan bahs bo‘lgan.
Bahs rasmiylari
Bosh hakam: Marko Guida (Italiya)
Qanot hakamlari: Filippo Meli, Jorjio Peretti (Italiya)
Zaxira hakami: Fabio Mareska (Italiya)
VAR: Maurisio Mariani (Italiya)
VAR yordamchisi: Paolo Valeri (Italiya)
Eslatib o‘tamiz, mazkur bahs bugun Toshkent vaqti bilan 00:00da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
