Futbolning ashaddiy muxlislari Filippe Kountinyoni "Liverpul"da ham "Barselona"da ham to‘p surganini yaxshi bilishadi. Bunday futbolchilar anchagina. Ular o‘z umrining ma’lum qismini dunyoning ikkita buyuk klublarida o‘ynab o‘tkazishgan. Quyida ana shunday futbolchilar haqida gap boradi.
Filippe Kountinyo
Braziliyalik 2013 yilda "Inter" safidan mersisaydliklar tarkibiga borib qo‘shilgan edi. Uning o‘sha paytdagi bahosi 8,5 million funtga teng bo‘lgan. Kountinyo Brenden Rojers va Yurgen Klopp qo‘l-ostida jamoaning asosiy futbolchisiga aylanadi. U keyinchalik 2018 yilda 142 million funt evaziga "Barselona"ga sotib yuboriladi.
Luis Suares
Biz bu yigitni juda yaxshi taniymiz. Luis "Liverpul" tarixidagi eng yaxshi hujumchilardan biri edi. "Atletiko" futbolchisi bo‘lgan Suares 2011 yilda "Liverpul" safiga Niderlandiyaning "Ayaks" jamoasidan olib kelinadi. U 3 mavsumdan keyin, 2014 yildagi Jahon chempionatida ko‘rsatgan o‘yinlari evaziga "Barselona" futbolchisiga aylangan.
Xavyer Maskerano
Maskerano "Liverpul"ga 2007 yilda "Vest Xem" safidan borib qo‘shilgan edi. U jamoada Xabi Alonso bilan yaxshi juftlik sifatida ko‘rinadi. 2009 yilda qizillar mavsumni yettinchi o‘rinda yakunlaydi. Shundan keyin jamoadagi muhitdan qoniqmagan argentinalik 2010 yilda "Barsa"ga sotib yuboriladi.
Pepe Reyna
Reyna ham "Barselona" futbolchisi bo‘lganmi degan savol tug‘ilishi tabiiy, hammada. Lekin shunday. U 2000-2002 yillar oralig‘ida kataloniyaliklar tarkibida edi. Pepe Barselona shahrida ikki mavsumda 49 marta maydonga tushishga ulguradi. Hozirda 39 yoshda bo‘lgan darvozabon, tezda "Vilyarreal"ga sotib yuboriladi. U yerda uch mavsum o‘ynab, 2005 yilda Liverpul shahriga tashrif buyuradi. Reyna 396 talik o‘yin bilan 2014 yilda "Bavariya" safiga jo‘nab ketadi.
Bolo Zenden
Zenden Gollandiyaning eng yaxshi futbolchilaridan edi. U 1998 yilda Lui van Gal qo‘l-ostida "Barselona"da harakat qila boshlaydi. Biroq uch yildan keyin "Chelsi"ga yo‘l oladi. U bir muddat "Midlsbro"da ham o‘ynab ketgan. Uning "Liverpul"ga tashrifi omadli bo‘ladi. Zenden u yerda Angliya kubogi sohibi va YECHL finalchisiga aylanadi.
Maurisio Pellegrino
Pellegrino 1998 yilda van Gal tomonidan "Barselona"ga keltirilgan yana bir futbolchi edi. U qisqa vaqt Kataloniyada bo‘lib, keyin "Valensiya"ga o‘tib ketadi. Sal keyinroq, 2005 yilda Rafayel Benitezning "Liverpul"iga qo‘shib olinadi. Pellegrino "Liverpul"da o‘ynagan ilk argentinalik edi.
Luis Garsiya
Garsiya asli "Barselona" orqali tanilgan bo‘lsa ham 2004 yilda Liverpul shahriga yo‘l oladi. U "Enfild"da muxlislar yoqimtoyiga aylangandi. Iqtidorli futbolchi qizil formada ajoyib gollar urdi va yorqin lahzalar bilan yodimizda qoldi. Ispaniyalik APLda unutilmas o‘yin ko‘rsatgan.
Yari Litmanen
Har ikki klub safida bo‘y ko‘rsatgan futbolchilardan biri bu Jari Litmanendir. U ajoyib futbolchilardan biri edi. Ammo faoliyati davomidagi jarohatlari unga haqiqiy yulduzga aylanishga va oruzlariga erishishga imkon bermadi. U "Ayaks"dan "Barselona"ga 2008 yilda transfer qilinadi. 2011 yilda APLga "Liverpul" o‘yinchisi bo‘lib boradi. Shunday bo‘lsada, Litmanen na "Kamp Nou"da va na "Enfild"da "Ayaks"dagi futbolini ko‘rsatib bera oldi.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
