Bugun Angliya Premyer-Ligasi 8-turi doirasda «Lester» o‘z maydonida "Manchester Yunayted"ni qabul qiladi.
Bilasizmi?
«Lester» birinchi marta "Manchester Yunayted"ni APLning ketma-ket ikki o‘yinida mag‘lub etishi mumkin. O‘tgan mavsum may oyida o‘tkazilgan "Old Trafford"dagi bahsda 2:1 hisobi qayd etilgandi.
"Manchester Yunayted" APL doirasida safardagi ketma-ket mag‘lubiyatsiz o‘yinlari sonini 30 taga yetkazib olishni ko‘zlamoqda (19 g‘alaba, 10 durang). Ular ushbu seriyadagi oxirgi 15 uchrashuvning birortasida bittadan ko‘p gol o‘tkazib yuborishmagan. Bu APLdagi ularning eng uzun seriyasi hisoblanadi.
«Lester» hujumchisi Jeymi Vardi o‘zi o‘ynagan oxirgi 3 APL o‘yinining barchasida gol urishga erishdi. Faqatgina Jeymi Vardidan (34 yosh, 278 kunlik) Gari MakAlister 201 yilning may oyida yoshi katta futbolchi sifatida ketma-ket 4 Premyer-Liga o‘yinida gol urgan.
"Manchester Yunayted" a’zosi Jessi Lingard «Lester»ga qarshi so‘nggi 6 APL bahsida 6 golda qatnashdi (3 gol va assist). U APLda ushbu klubdan boshqa jamoaga ko‘proq golli vaziyatlarda ishtirok etmagan («Arsenal»ga ham oltita).
Bahs rasmiylari
Bosh hakam: Kreyg Pouson
Qanot hakamlari: Li Bitts, Den Robatan
Zaxira hakami: Endi Medli
VAR: Darren Ingland
VAR yordamchisi: Eddi Smart
Taxminiy tarkiblar
Lester - Shmeyxel, Perreyra, Evans, Soyunju, Bertran, Lukman, Choduri, Tilemans, Barns, Ixeanacho, Vardi
MYU - De Xea, Van-Bissaka, Bayi, Lindelyof, Shou, Pogba, MakTomini, Fernandesh, Grinvud, Sancho, Ronaldu.
Yo‘qotishlar
"Lester" safida asosiy yo‘qotish - Uilfrid Ndidi. Oyog‘ining son qismidan karohat olgan futbolchi oyning qolgan qismini maydondan tashqarida o‘tkazishga majbur. Bunda tashqari, Jeyms Jastin hamda Uesli Fofana ham jarohatlaridan forig‘ bo‘lishmagan.
MYU safida ikki asosiy markaziy hmoyachi Rafael Varan hamda Harri Maguayrda jarohat bor. Kavani, Reshford, Fred esa jismoniy tayyorgalik bo‘yicha tayyor emas. Amad Diallo ham mazkur bahsda ishtirok eta olmaydi.
Raqamlar
MYU APL doirasidagi oxirgi 29 safar bahsida mag‘lubiyatga uchramagan.
«Lester»ning Premyer-Ligadagi so‘nggi 6 o‘yinidan beshtasida 2,5 tadan ko‘p gol kiritilgan.
«Tulkilar» Angliya chempionatining oxirgi 3 uchrashuvida kamida ikkitadan gol o‘tkazib yuborgan.
"Manchester Yunayted" barcha musobaqalarda «Lester» bilan oxirgi 3 uchrashuvda kamida ikkitadan gol o‘tkazib yuborgan.
Jamoalar APLda o‘zaro 30 marta to‘qnash kelishgan. Mankunianliklar hisobida 19 g‘alaba mavjud bo‘lsa, «Lester» 3 ta bahsda g‘alaba qozongan. 8 bellashuvda durang natija qayd etilgan.
Eslatib o‘tamiz, mazkur o‘yin bugun Toshkent vaqti bilan 19:00 da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
