Transfer bozori hech qachon barqaror bo‘lmaydi. Sababi, o‘yinchilar narxi tez-tez o‘zgarishi mumkin. Bu futbolchining muvaffaqiyati, uning jamoadagi roli, qo‘lga kiritgan sovrinlari va boshqa ko‘p narsalarga bog‘liq. Transfermarkt portali muntazam ravishda futbolchilarning qiymatini yangilab turadi, bu bir necha kun oldin ham o‘zgargan. Hozir esa «Stadion.uz» nashri dunyoning 100 million yevro va undan yuqori narxga qiymatlangan eng qimmat 8 nafar futbolchi haqida ma’lumot beradi.
Kevin De Bryuyne
Klub: «Manchester Siti»
Yoshi: 30 yosh
Transfer narxi: 100 million yevro
De Bryuyne doimiy ravishda yuqori o‘rinlardan joy olib kelmoqda. 2018 yilning mayidan 2020 yilning apreligacha futbolchining transfer qiymati 150 million yevroni tashkil qilgan. Bu uning faoliyatidagi eng yuqori ko‘rsatkich edi. Hozirga kelib belgiyalik futbolchining narxi 50 millionga arzonlashgan, ammo baribir bizning reytingdan o‘rin oldish uchun yetarli bo‘ldi. May oyidan beri yarimhimoyachining hozirgi narxi o‘zgarmadi. Ayni damda De Bryuyne dunyoning eng qimmat hujumkor yarimhimoyachisi va «Manchester Siti»ning narxi baland futbolchilaridan biridir. Qolaversa, Premyer-ligadagi eng qimmat besh futbolchidan biri hisoblanadi. Belgiyalik futbolchi malum muddat shunday reytinglarda qolishiga shubha yo‘q.
Neymar
Klub: «PSJ»
Yoshi: 29 yosh
Transfer narxi: 100 million yevro
So‘nggi paytlarda Neymarning transfer narxi asta-sekin pasayib bormoqda. 2017 yilning oktyabridan 2019 yilning dekabrigacha braziliyalik futbolchi 180 million yevroga baholangan. Bu uning faoliyatidagi eng yuqori ko‘rsatkich hisoblanadi. O‘shandan beri futbolchi muntazam ravishda, qiymatini yo‘qotib kelmoqda. May oyidan beri «PSJ» vingeri yana 10 millionga arzonlashdi, ammo bu uning yuqori pog‘onada qolishiga to‘sqinlik qilmayapti. Ayni damda Neymar eng qimmat braziliyalik futbolchi hisoblansa, «PSJ» va Liga 1 musobaqasida bu ko‘rsatkich bo‘yicha ikkinchi pog‘onadan joy olgan.
Muhammad Saloh
Klub: «Liverpul»
Yoshi: 29 yosh
Transfer narxi: 100 million yevro
:focal(1250x505:1252x503)/origin-imgresizer.eurosport.com/2017/12/01/2221169-46322210-2560-1440.jpg)
Salohning narxi bu ro‘yxatga kirishdan oldin, 10 million yevroga arzonlashdi. Ammo keyingi reytingda misrlikning hozirgi ko‘rsatkichi qanday shaklda ekanligidan kelib chiqib, yaxshilanishi mumkin. Ehtimol, «qizillar» vingeri 2018 yilning mayidan 2020 yilning apreligacha bo‘lgan muddatgi summaga qaytishi mumkin. O‘shanda futbolchi 150 million yevroga baholangan va bu uning faoliyatidagi eng yuqori ko‘rsatkich hisoblanadi. Ammo, hozir ham Saloh «Liverpul» Premyer-liganing eng qimmat o‘yinchilaridan biri. Bundan tashqari, Neymar bilan birga 1992 yilda tug‘ilgan futbolchilar reytingida yetakchilik qilmoqda.
Romelu Lukaku
Klub: «Chelsi»
Yoshi: 28 yosh
Bozor qiymati: 100 million yevro
«Inter»ni tark etgach, Lukakuning narxi 10 million pastladi. Ammo aynan «neradzurrilar» safidagi o‘yinlari evaziga belgiyalik futbolchi 100 millionga qimmatlashgan, bu uning faoliyatidagi eng yuqori ko‘rsatkichdir. Hujumchining avvalgi transfer rekordi 2019 yilning dekabrida o‘rnatilgan edi. O‘shanda futbolchi 90 million yevroga baholangan. Hozirda Romelu «Chelsi»ning birinchi, dunyoning to‘rtinchi eng qimmat markaziy hujumchisi va Premyer-ligadagi eng qimmat besh futbolchidan biri. Bundan tashqari, Lukaku De Bryuyne bilan birga Belgiya terma jamoasining eng narxi baland futbolchilari sanaladi. Keling, «Chelsi»dagi o‘yinlarda hujumchining transfer narxi qanday o‘zgarishini ko‘ramiz.
Jek Grilish
Klub: «Manchester Siti»
Yoshi: 26 yosh
Transfer narxi: 100 million yevro
:focal(1201x302:1203x300)/origin-imgresizer.eurosport.com/2021/08/08/3198817-65531608-2560-1440.jpg)
Grilishning hozirgi bozor qiymati uning faoliyatidagi eng yuqori ko‘rsatkichdir. Oxirgi o‘zgarishdan beri «Manchester Siti» vingeri 35 million yevroga qimmatlashdi. Jek ayni damda Kevin De Bryuyne bilan birga «shaharliklar»ning eng qimmat futbolchisi bo‘lsa, ingliz futbolchilari orasida ikkinchi o‘rindan joy olgan. Shuningdek, u Premyer-liganing eng qimmat besh futbolchisidan biri hisoblanadi. Yozda «Manchester Siti» Grilishni «Aston Villa»dan 117 million yevro evaziga sotib oldi. Ko‘pchilik mutaxassislarning fikricha, «shaharliklar» vinger uchun ortiqcha pul to‘lagan. Haqiqatan ham u yangi klubdagi faoliyatini juda yorqin boshlagani yo‘q, ammo bu fikrlarni o‘zgartirish uchun Jekda vaqt yetarlicha.
Harri Keyn
Klub: «Tottenxem»
Yoshi: 28 yosh
Transfer narxi: 120 million yevro
2020 yil aprelidan beri, Keynning narxi o‘zgarishsiz qolmoqda va shuning uchun ham dunyodagi eng qimmat futbolchilar uchligidan o‘rin oldi. 2018 yilning mayidan 2020 yilning apreligacha hujumchi 150 millionga baholangandi. Harri hozirda «Tottenxem», Premyer-liga, Angliya terma jamoasining eng qimmat futbolchisi hisoblanadi. Shuningdek, Keyn dunyo reytingida ushbu ko‘rsatkich bo‘yicha markaziy hujumchi. Joriy mavsumgi Premyer-liganing sakkiz o‘yinidagi bitta gol 120 million yevrolik hujumchining narxi emasdir. Ammo, kim biladi, ehtimol Harri tez orada odatdagi darajasiga qaytar?!
Erling Holand
Klub: Borussiya Dortmund
Yoshi: 21 yil
Transfer narxi: 150 million yevro
Holand doimiy ravishda o‘yinda ham, transfer qiymatida ham o‘sishga erishmoqda. Yaqinda o‘zgargan narxlarga ko‘ra, hujumchi yana 20 million yevroga qimmatlashgan. Futbolchining hozirgi qiymati uning faoliyatidagi eng yuqori ko‘rsatkichdir. Erling hozirda «Borussiya Dortmund», Bundesliga va Norvegiya terma jamoasining eng qimmat futbolchisi bo‘lsa, dunyodagi ikkinchi eng qimmat markaziy hujumchi hisoblanadi. Holandning kelajagi buyuk ekanligiga hech kim shubha qilmaydi. Navbatdagi mavsumning asosiy intrigalaridan biri yosh hujumchi faoliyatini qayerda davom ettirishidir.
Kilian Mbappe
Klub: «PSJ»
Yoshi: 22 yosh
Transfer narxi: 160 million yevro
Holanddan farqli o‘laroq, Mbappe hamon shu yilning may oyida belgilangan transfer qiymatida qolmoqda. Bundan tashqari, bu eng yuqori ko‘rsatkichi emas. 2018 yilning dekabridan 2020 yilning apreligacha hujumchi 200 million yevroga baholangan edi. 40 million yo‘qotganiga qaramay, Kilian hozirda «PSJ», Liga 1 va Fransiya terma jamoasi, eng qimmat markaziy hujumchi va shunga mos ravishda dunyodagi eng qimmat futbolchi hisoblanadi. Hozircha bu reytingda Mbappe peshqadamlik qilmoqda, ammo uning Holand timsolidagi jiddiy raqibi bor. Mutaxassislarning ta’kidlashicha, bu yigitlar Ronaldu va Messi davridan keyin, uzoq yillar «Oltin to‘p» uchun kurashda asosiy raqib bo‘lishadi. Ko‘ramiz. Hozircha hamma narsa bunga ishora qilmoqda.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
