3 noyabr kuni “Bunyodkor-W” jamoasi Iordaniyaning Aqaba shahriga yetib keldi. Bugun – 4 noyabr kuni jamoa o‘zining birinchi mashg‘ulotini o‘tkazadi. Bu borada “qaldirg‘ochlar” bosh murabbiyi Elmira Gulyamova o‘zining fikrlari bildirib o‘tdi.
- Turkiya orqali Amman shahriga yetib keldik. Iordaniya poytaxtidan Aqaba shahriga avtobusda 5 soatlik yo‘lni bosib o‘tdik. Yo‘l uzoq, futbolchilarni toliqtirdi. Bugundan uchrashuvlar o‘tadigan stadionda mashg‘ulotlarni boshlaymiz. Maydon sun’iy qoplamaliligini inobatga olib, Toshkentda bir necha kun sun’iy qoplamali maydonda mashg‘ulotlar o‘tkazdik.
Bunday turnir birinchi marta o‘tkazilayotganiga qaramay, tashkilotchilik yaxshi darajada. Futbolchilarning kayfiyati a’lo. G‘alaba qozonishga harakat qilamiz.
- “So‘g‘diyona-W” jamoasi chempion bo‘ldi. Bu narsa xalqaro turnirga e’tiborni kuchaytirishga imkoniyat berdimi?
- “So‘g‘diyona-W” jamoasini chempionlik bilan tabriklayman. Biz chempionlik uchun oxirgi turga qadar harakat qildik. Lekin xalqaro musobaqadani unutganimiz ham yo‘q. Tayyorgarlikni turnirga ketgunga qadar davom ettirdik. Katta hajmdagi ishni bajardik. Buning uchun “Bunyodkor” futbol klubi raxbariyatiga yaratilgan barcha sharoitlar uchun minnatdorchilik bildiraman.
7 noyabr kuni bizni Eronning “Shahrdari Sirjan” jamoasi bilan oson bo‘lmagan birinchi uchrashuv kutmoqda. Tayyorgarlik uchun uch kun bor.
O‘zimizning o‘yin strategiyamizdan tashqariga chiqmagan holda, uchchala raqibimizni ham o‘rganib chiqdik.
- Mahliyo Sarikova jamoangizning eng yaxshi o‘yinchisi bo‘lishiga qaramay, o‘tgan yilgi mavsum ikkinchi davrasidan “So‘g‘diyona-W” jamoasiga qo‘yib yubordingiz. Buni sababi nimada?
- Biz doim eng yaxshi jamoa bo‘lishga harakat qilamiz. O‘zimiz ustimizda ishlashdan to‘xtamaymiz. Sarikovaga keladigan bo‘lsak, bir nechta masalalar bo‘yicha u bilan kelisha olmadik. Men bosh murabbiy sifatida barcha o‘yinchilar uchun javobgarman. Jamoada intizom va do‘stona muhit yaratish – meni vazifam. Jamoa jisplashishi, yaxshi futbol ko‘rsata olishi uchun uning a’zolari hamfikr bo‘lishlari lozim. Men atrofimga shunday mutaxassislar va futbolchilarni yig‘ganman.
Eslatib o‘tamiz, “Bunyodkor-W” jamoasi ayollar klublari o‘rtasidagi Osiyo chempionatida o‘z qatnashishini 7 noyabr kuni Eronning “Shahrdari Sirjan” jamoasiga qarshi boshlaydi. Uchrashuv O‘zbekiston vaqti bilan 19:00 da start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
