Qatarning “As-Sadd” klubi Xavi “Barselona”ga qaytganini ma’lum qildi. Shu tariqa kataloniyaliklar baribir o‘z an’analariga sodiq qolishdi. Ya’ni klub boshqaruviga “ko‘k-anorranglilar” safida o‘ynagan murabbiy tayinlandi. Shu munosabat bilan “Stadion.uz” nashri Xavi “Barselona”da nimalarni o‘zgartirishi kerakligi haqida biroz fikr yuritishga qaror qildi.
“Barselona” hozir shunday achinarli holatdaki, har qanday yangi murabbiy jamoada ko‘p narsani o‘zgartirishiga to‘g‘ri keladi. Kataloniyaliklarning na Ispaniya La Ligasidagi, na Yevropa maydonlaridagi ishlari yaxshi emas. Bu jamoaning juda ham tarqoqligini, hamda sifatsiz futbol namoyish etayotganini ko‘rsatib beradi. “Barselona” hozir shunday “vayrona”ga aylanganki, Xavi bu “bino”ni qayta qurish haqida o‘ylamay, ikkilanishsiz ishni yangi “Barsa”ni qurish uchun poydevor qo‘yishdan boshlashi kerak.
Xavi - tiki-taki g‘oyalarining ustasi, shuning uchun u prinsipial jihatdan qanday jamoa qurmoqchi ekanligi aniq. Shu sababli, ehtimol, murabbiyning birinchi vazifasi “Barselona” uchun yangi “motor”, ya’ni jamoaning yangi yetakchisini aniqlash kerak. Hozirda Kataloniya klubi lagerida bunday futbolchi yo‘qligini hisobga olsak, ushbu o‘ringa kimni topshirish mumkinligini taxmin qilamiz. Ayni payt “Barsa” tarkibida yetakchilikka da’vogarlar orasida Pedri, Puch, Gavi, Fati va Niko kabi futbolchilar bor. Ulardan kim jamoaning yangi primasi bo‘lishga qodirligini taxmin qilish qiyin, sababi bu futbolchilarning hammasi yosh va o‘z salohiyatini hali to‘liq namoyish etib ulgurmagan.
Yana birmuhim vazifa - Frenki de Yong uchun yaxshi pozisiya va jamoada unga munosib joy topish. Gollandiyalik futbolchi o‘yin jihatdan “Barselonaga mos keladigan aqlli futbolchi, ammo so‘nggi paytdagi barcha murabbiylar yarimhimoyachining iqtidoriga shubha bilan qarashdi. De Yong juda ko‘p pozisiyada o‘ynagan, lekin ushbu joylarning hech qaysi gollandiyalik uchun mos emasdi. Gollandiyalik maydon markazida erkin o‘ynashni yaxshi ko‘radi. Ammo, Kuman vatandoshiga bunday imkoniyatni taqdim etmagan. Xavi esa futbolchining kuchidan maksimal tarzda foydalanish uchun Frenkiga munosib rol topish kerak.
Garcha bular bog‘liq vazifalar bo‘lsa-da, Xavi maydon markazidagi muammolarni yakunlagach,hujum muammosi haqida o‘ylashi talab etiladi, “Barselona”ning hujum chizig‘i ham achinarli holatda. Kataloniya klubi Breytveytni ham, Agueroni ham yo‘qotgan. Mutaxassislarning fikricha, ularga yordamchi sifatida taklif qilingan Lyuk de Yong klub o‘yin tizimiga umuman to‘g‘ri kelmaydi. Ba’zi manbalar tarqatgan xabarga ko‘ra, gollandiyaik hujumchi qishki transfer oynasi vaqtida jamoadan ketadi. Agar shunday bo‘lsa, “Barselona” nominal markaziy hujumchisiz qoladi. Sababi, Depay hujum markazida umuman o‘ynamaydi. Xavi klubga kelgan zahoti, oldingi chiziq haqida jiddiy bosh qotirishi kerak. Agar, yangi hujumchi sotib olinmasa, o‘sha Depay, Fati, va katta ehtimol bilan Koutinyo yordamiga tayanishga majbur bo‘ladi.
Xavi himoyadagi muammolarni qanday hal qilishi alohida savol. “Barselona” so‘ngi paytlarda qachon kuchli himoya qo‘rg‘oniga ega bo‘lganini eslash qiyin. Avvallari kataloniyaliklar raqib hujumlarini yo‘qqa chiqarish maqsadida, shunchaki to‘pni nazorat qilishga harakat qilishgan va ba’zi himoyachilarning individual mahorati tufayli raqibning qarshi hujumlari to‘xtatilgan. Hozirda “Barselona”ning himoya chizig‘ida aytarli yulduz futbolchi yo‘q. Pike va Alba kabi futbolchilarning holati avvalgi kabi emas.
Qolaversa, Xavi jamoani qanday yangilab borish haqida ham o‘ylash talab etiladi. Mana necha yildirki, Alba, Buskets, Pike kabi futbolchilar “Barselona”ning yetakchilari hisoblanadi. Ammo, bularning yoshini hisobga olsak, vazifa yanada qiyinlashadi. Albatta, transferlar murabbiyning asosiy vazifasi emas, lekin u jamoani qanday qilib qayta qurish haqida o‘ylashi, yakunda yangi yetakchilarni izlashi kerak. Negaki, hozirda Messi ketganidan keyin “Barselona”da aniq yetakchi yo‘q va bu borada ham jamoada inqiroz bor.
:focal(1080x378:1082x376)/origin-imgresizer.eurosport.com/2020/01/12/2751501-56852030-2560-1440.jpg)
Umuman olganda, Xavining oldida jiddiy vazifa turibdi. U kundan-kunga yetakchilar qatoridan tushib borayotgan klubni avvalgi holiga qaytarishi kerak. “Barselona” Chempionlar ligasining pley-off bosqichiga chiqishi va keyingi mavsumda musobaqada qatnashish uchun yo‘llanmaga ega chiqishi kerak.
Keling, Xavi bu vazifani qanday hal qilishini kuzatamiz.
Jamshidjon Mahmudov tayyorladi.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
