Futbol oldindan aytib bo‘lmaydigan sport turi, xoh klub bo‘lsin, xoh milliy terma jamoa miqyosda bo‘lsin. Sababi, ba’zi futbolchilar 16 yoshida asosiy terma jamoaga chaqiruv olsa, boshqalari 25 yoshga yaqin milliy jamoa sharafini himoya qilishni boshlaydi, uchinchisi esa iqtidorini faqat faoliyati yakunida namoyon qiladi.
Bunga ko‘plab misollar keltirish mumkin. 28 yoshida terma jamoaga debyut chaqiruvini olgan Jeymi Vardini eslang. “Atletik”ning sobiq hujumchisi Aris Aduris esa 29 yoshida Ispaniya terma jamoasiga qo‘shildi.
Futbolchilar orasida akademiyani tark etishi bilan terma jamoalarida debyut qilgan yosh iqtidorlar bor.
Biz sizga Yevropa jamoalari tarixidagi rasmiy o‘yinlardagi eng yosh debyutantlar haqida so‘zlab beramiz.
Gavi, Ispaniya (17 yoshu 62 kun)
Bu mavsumda “Barselona” akademiyasida yana bir iqtidorli futbolchi paydo bo‘ldi. “Barselona”ning “La Masia” yoshlar akademiyasidan chiqqan Gavi “ko‘k-anorranglilar” bazasida hali o‘z o‘rnini topib ulgurmadi.Ammo, ko‘pchilining fikricha, bir necha mavsumdan keyin bu yigit “Barsa”ning maydondagi asosiy futbolchisiga aylanadi.
Oktyabr oyi boshida Gavi Ispaniya terma jamoasidagi debyut uchrashuvini o‘tkazdi. Yarimhimoyachi UYEFA Millatlar ligasi yarim finalidagi Italiyaga qarshi o‘yinda “qizil furiya”asosiy tarkibida maydonga tushdi. Mazkur bahs paytida Gavi 17 yosh va 62 kunlik edi. Bu esa yarimhimoyachini Yevropa jamoalari tarixidagi eng yosh debyutantlar ro‘yxatida beshinchi o‘rinni egallashi uchun yetarli bo‘ldi .
Levan Keniya, Gruziya (16 yosh-u 325 kun)
Keniyani juda istiqbolli futbolchi sifatida ko‘rishgan. 16 yoshida u Tbilisining “Lokomotiv” jamoasida debyut qildi va ikki yildan so‘ng “Shalke” klubidabirinchi o‘yinni o‘tkazdi. 2012 yilda Levan «Lvov Karpati» jamoasiga ko‘chib o‘tdi. Keniyaning Ukrainadagi faoliyati uzoq davom etmadi. Bir yildan keyin u Germaniyaga qaytib keldi. Hozirda Levan Gruziyaning “Saburtalo” klubi sharafini himoya qilmoqda.
2007 yilning sentyabr oyida yarimhimoyachi Ukraina terma jamoasiga qarshi Yevro-2008 musobaqasi saralash uchrashuvida ishtirok etdi. Uchrashuv paytida Keniya 16 yosh-u 325 kunlik bo‘lgan. Ajoyib startga qaramay, Levan hech qachon o‘z terma jamoasi yetakchisi bo‘la olmadi. U milliy jamoa safida 27 ta uchrashuv o‘tkazgan.
Sigurdur Yonsson, Islandiya (16 yosh-u 251 kun)
Yonsson ro‘yxatdagi eng notanish futbolchi. Agar siz Gavi va Keniya haqida boshqa biror narsa eshitgan bo‘lsangiz, ehtimol Yonsson haqida deyarli eshitmagandursiz ham. Uni faqat 80 yillardagi “Sheffild” va “Arsenal”ning sodiq muxlislari eslab qolgan bo‘lishi mumkin. Sigurdur hech qachon “eng yaxshi futbolchi” nomiga sazovor bo‘lmagan, ammo u futbol tarixiga o‘z nomini yozdirib qo‘ya olgan. U 2008 yilda barcha davrlarning eng yaxshi 10 nafar islandiyalik futbolchisi ro‘yxatiga kirdi.
80 yillarga qaytamiz. Bu 1983 yil, Islandiya Yevro-84 saralashi doirasida Maltaga qarshi o‘ynaydi. Sigurdur tanaffusdan so‘ng maydonga tushadi va Yevropa jamoalari tarixidagi eng yosh debyutantga aylanadi (o‘sha paytda).
U terma jamoadagi so‘nggi o‘yinini oradan 16 yil o‘tib o‘tkazdi – 1999 yil sentyabrida o‘tkazadi va uning jamoasi Ukrainaga mag‘lub bo‘ladi.
Martin Edegor, Norvegiya (15 yosh-u 300 kun)
Hozirda kelajagi porloq futbolchilarni muhokama qilganda, hamma Fati va Bellingem kabi o‘yinchilar haqida gapiradi. 2014 yilda esa Martin Edegor sayyoramizning asosiy yosh iqtidori hisoblangan.
U terma jamoadagi debyutini 2014 yilning avgustida BAAga qarshi o‘rtoqlik uchrashuvida o‘tkazgan. Shu yilning oktyabr oyida yigitchaga Bolgariyaga qarshi rasmiy o‘yinda maydonga tushish ishonib topshirildi. O‘sha paytda u 15 yosh-u 300 kunlik edi.
Enes Sali, Ruminiya (15 yosh-u 264 kun)
Yaqin-yaqingacha aynan Edegor Yevropa terma jamoalarining rasmiy o‘yinlarida eng yosh debyutanti bo‘lgan edi. Ammo, 14 noyabr kuni bo‘lib o‘tgan Lixtenshteyn — Rumniya bahsida bu an’ana yakunlandi. Ushbu bahsda asosiy jamoasi safida debyut qilgan Ruminiya vakili Enes Sali rekordni yangtladi. Yangi yulduz futbolchi haqida ma’lumotlar juda kam. Torontoda tug‘ilgan va to‘qqiz yoshida Barselonaga ko‘chib o‘tgan. Ayni paytda Sali Ruminiyalik “Farul” klubi sharafini himoya qilmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
