Dani Alveshning “Barselona”ga qaytishi shov-shuvli bo‘lgan bo‘lsa-da, uning olayotgan maoshi undanda ko‘proq muxlislar e’tiborini o‘ziga qarata oldi. Braziliyalik himoyachi kataloniyaliklar safida haftasiga 1 yevro maosh oladi. Albatta, Alveshga puldan ko‘ra o‘zining sevimli jamoasi muhim ekanligi taхsinga sazavor. Quyida stadion.uz sayti futbol tarixidagi g‘alati shartnomalar haqida so‘z yuritadi.
“Sautgempton” uchun 25 million yevro
Ingliz jamoasi tarkibida hozirgi kunda yulduz darajasiga yetgan ko‘plab futbolchilar to‘p tepishgan. Ularning eng mashxuri so‘zsiz Garet Beyl bo‘lgan. 2007 yilda “Tottenxem” uyelslikni “Sautgempton”dan 16 million yevroga xarid qilgan. Beylning kelajagini ko‘ra olgan “qizil-oqlar” futbolchining shartnomasiga bir bandni qo‘shishgan. Ya’ni agar “shporlar” uyelslikni sotishsa, transfer summasining 25 foizi “Sautgempton” hisobiga o‘tkazilishi kerak edi. Yakunda londonliklar Beylni “Real Madrid”ga 101 million yevroga sotishgan. Shunday qilib “qizil-oqlar” o‘z futbolchisi uchun yana 25 million ishlab olishgan.
Ukani olib qolish uchun olib kelingan aka
“Milan”dan “PSJ”ga o‘tgan Donnarumma haqida yaxshi bilasiz. Uning Antonio ismli akasi borligini eshitganmisiz? 2017 yil “rossenori” Jiji bilan shartnomani yangilaydi. Shartnomaning bir bandi ko‘pchilikning e’tiborini tortgan. O‘sha paytlardayoq yosh darvozabon uchun ko‘plab jamoalar qiziqish bildirishayotgan edi. Shu sababli “Milan” o‘z iqtidorini jamoada olib qolish uchun uning so'raganini bajarishga tayyor edi. Janluidji esa klubdan akasi bilan ham shartnoma imzolashini so‘ragan. Shu tariqa milanliklar o‘sha yilda ikki darvozabon bilan shartnoma imzolagan. Ular aka-uka Donnarummalar edi. Ma’lumot uchun, Antonio Donnarumma debyutidan beri milanliklar safida gol o‘tkazmagan yagona darvozabon. U jamoa tarkibida 300 daqiqaga yaqin o‘ynagan.
“Arsenal”ga o‘tish mumkin emas
“Liverpul”ning daxshatli hujum triosi vaqtida hech kimga tinchlik bermagan. Ular orasida Roberto Firminoning shartnomasi boshqalarinikidan ajralib turadi. Gap shundaki, braziliyalik “Liverpul”dan “Arsenal”ga o‘tishi mumkin emas. Bu bandni albatta “mersisaydliklar” qo‘shishgan bo‘lsa kerak. Negaki o‘sha paytdagi ikki jamoaning kuchi deyarli teng edi. Roberto Firminoning shartnomadagi tovon puli 96 million yevroni tashkil etadi. Shu o‘rinda, bu summani to‘lash yo‘li bilan transfer qilish hamma jamoaga mumkin. Faqatgina “Arsenal”dan tashqari.
Qizil olmaslik uchun qo‘shimcha pul
Mario Balotellining og‘ir harakteri hammaga ma’lum. Uni o‘z tarkibiga qo‘shayotganda “Liverpul” rahbariyati shartnomaga bir band qo‘shishgan. Ularning shartiga Mario amal qilsa, yillik maoshiga yana 1 million funt qo‘shib olishi mumkin edi. Super Mariodan so‘ralgan nasra u bir mavsumda uchtadan ko‘p qizil kartochka olmasligi kerak edi.
Bir mavsum uchun bir uy
Germaniyalik hujumchi Juzeppe Reyna 1996 yilda "Arminiya"ga o‘ziga hos shart asosida ko‘chib o‘tadi: unga ko‘ra klub har bir mavsum oldidan futbolchi uchun yangi uy qurib berishi lozim bo‘lardi. Shartnoma esa uch yilga mo‘ljallangandi. Unga ko‘ra Reyna uch yil ichida uchta uy egasiga aylanishni rejalashtirgan.
Ammo, uning ushbu rejasi amalga oshmadi. Reyna ushbu shartnomaga hech qanday qo‘shimcha bandlarni qo‘shmagandi (o‘z o‘rnida uyning joylashishi va hajmini ham). Shu sababli ham klub pulni ayyorona tarzda tejab qolishga qaror qiladi.
Yakunda "Arminiya" rahbariyati har mavsum boshlanishi oldidan unga Lego o‘yinchoqlaridan yasalgan uychalarni taqdim etgan.
Safar o‘yinlariga uchib bormaslik imkoniyati
"Arsenal" gollandiyalik futbolchi Dennis Bergkampga safardagi o‘yinlarga samolyotda uchmaslik uchun ruhsat bergan. Aеrofobiya (samolyotda uchishdan qo‘rqish) sababli, futbolchi o‘yinlarga yaxshi tayyorlana olmasligi mumkin edida!
Mirjalol Pardaboyev tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
