Terma jamoalar o‘rtasidagi xalqaro tanaffus yakuniga yetdi. Dam olish kunlari yana klub darajasidagi musobaqalar boshlanadi. “Stadion.uz” nashri ushbu haftada Yevropa va Osiyo maydonlarida to‘p suradigan legioner futbolchilarimiz jamoalarining navbatdagi tur uchrashuvlari haqida ma’lumot beradi.
Jasur Yaxshiboyev
Moldova chempionatida ijara asosida to‘p tepadigan Jasur uchun mavsum bir tekisda ketmayapti. Chempionlar ligasi doirasidagi “Real”ga qarshi o‘yinda jarohat olgan Yaxshiboyev sekin-asta yana o‘z o‘yinini tiklab bormoqda. “Sherif” ayni paytda chempionat turnir jadvalida 34 ochko to‘plab, 2-o‘rinda ketmoqda. Biroq, Tiraspolliklar 1-pog‘onadagi “Petrokub”dan 3 ta o‘yin kam o‘tkazgan. Yaxshiboyev ichki chempionat doirasida 6 uchrashuvda maydonga tushib, 1 gol urishni uddalagan. Bugun “Sherif” Moldova chempionati 18-tur doirasida safarda “Floresht” jamoasiga qarshi maydonga tushadi. Shuningdek, 25 noyabr kuni Yaxshiboyev va uning jamoasiniyana bir muhim uchrashuv kutmoqda. Bu Chempionlar ligasi doirasidagi Madridning “Real” jamoasiga qarshi uchrashuv. Biz esa har ikkala o‘yinda Jasurdan gol kutib qolamiz.
Eldor Shomurodov
Terma jamoamiz tarkibidagi eng mashhur futbolchi Eldor Shomurodov to‘p tepadigan “Roma” Italiya A seriyasining navbatdagi turida “Jenoa”maydoniga safar qiladi. Ushbu bahs terma jamoamiz a’zosi uchun o‘ziga xos uchrashuv bo‘ladi. Sababi, Eldor o‘tgan mavsumda aynan “Jenoa” safida o‘ynagan va ushbu jamoadan “Roma” tarkibiga ijara asosida qo‘shilgan. Shomurodovning “bo‘rilar” tarkibidagi ishlari unchalik yaxshi emas. Chunki, klubning portugaliyalik bosh murabbiyi Joze Mourinyo Eldorga unchalik ishonch bildirmayapti. Ammo, o‘tgan turdagi “Venesiya”ga qarshi kechgan o‘yinni (2:3) asosiy tarkibda boshlagan legionerimiz o‘z hisobiga 1 gol va 1 asistni yozdirib qo‘ydi. Ehtimol, Shoma ushbu natijalari orqali Joze ishonchini oqlagan bo‘lishi mumkin va “griffonlar”ga qarshi o‘yinda ham boshlang‘ich tarkibda tushar?! Uchrashuv 21 noyabrdan, 22 noyabrga o‘tar kechasi Genuyadagi “Luijji Ferraris” stadionida bo‘lib o‘tadi.
Jaloliddin Masharipov
Saudiya Arabistoni chempionatida to‘p tepadigan Jaloliddin Masharipovning ham ishlari ancha yaxshi. Legioner futbolchimiz to‘p tepadigan “An-Nasr” o‘z maydonida Saudiya Arabiston Premyer-ligasi 12-turidan o‘rin olgan uchrashuvda “Al-Rayed”ni qabul qiladi. Masharipov saudiyaliklar asosiy tarkib futbolchisi hisoblanadi. Hujumchimiz hozirgacha Riyod klubi tarkibida 8 ta uchrashuvda maydonga tushgan va o‘z hisobiga ikkita asistni yozdirib qo‘ygan. “An-Nasr” esa chempionat turnir jadvalida 13 ochko bilan 9-o‘rinni band etgan. Ammo, ularning hisobida ikkita zahira uchrashuvi bor. Umuman olganda, “An-Nasr” – “Al-Rayed” bahsida ustunlik Masharipov jamoasi tarafida. Ushbu jamoalar o‘rtasidagi so‘ng 5 o‘yinning 4 martasida “Nasr” g‘alaba qozongan bo‘lsa, 1 bahsda raqining qo‘li baland kelgan. Ushbu o‘yin ertaga Toshkent vaqti bilan 21:40da boshlanadi.
Otabek Shukurov
Otabek Shukurov to‘p tepadigan “Al-SHarja” bu turda mehmonda o‘ynaydi. Ular BAA Birichi divizioni 10-tur doirasida safarda “Xaur-Fakkan” maydoniga safar uyushtiradi. Sharja klubining chempionatdagi ishlari yaxshi emas. Ular 9-turdan so‘ng, 13 ochko billan turnir jadvalining 8-pog‘onasidan joy olgan. Otabek musobaqaning joriy mavsumi doirasida 9 ta uchrashuda maydonga tushgan. Ertangi bahs Toshkent vaqti bilan 19:00da boshlanadi.
Igor Sergeev
Ayni paytda qo‘shnilarimiz uchun futbol musobaqalari deyarli yakunlangan. Sergeev esa “Tobol” bilan Qozog‘iston chempioniga aylandi. Faqatgina, Qozog‘iston kubogi yarim final javob uchrashuvlari va final bahsi qolgan. Kostanoy klubini esa kubok uchrashuvi kutib turibdi. Ular dastlabki Uchrashuvda yirik 5:2 hisobida mag‘lub bo‘lishgan. Ikkinchi o‘yin esa 21 noyabr kuni bo‘lib o‘tadi.
Aziz G‘aniyev
Yaqinda jarohatdan tuzalgan Azizjon yana avvalgi darajasini tiklab bormoqda. Terma jamoamiz a’zosi to‘p suradigan BAAning “Al-Ahli” jamoasi navbatdagi tur doirasidagi uchrashuvni safarda o‘tkazadi. Dubay derbisi maqomida o‘tadigan uchrashuvla “An-Nasr”ni mag‘lub etishga harakat qilib ko‘radi. Ayni paytda “Al-Ahli” BAA chempionati turnir jadvalida 16 ochko to‘plagan holda 3-o‘rinni band etgan.
Bobir Abdiholiqov, Shahzod Ubaydullayev, Doniiyor Abdumannopov
Birdaniga 3 nafar futbolchimiz to‘p tepadigan “Energetik BGU” jamoasi yakunlanayotgan mavsumda o‘z o‘yinini ko‘rsata olmayapti. Borisovliklar ayni paytda Belarus chempionati turnir jadvalida 30 ochko bilan 12-o‘rinni band etgan. “Andijon” safidan o‘tgan Doniyor BGU safida haligacha o‘z o‘rnini topa olmagan. U shu paytgacha bir marta maydonga tushgan. Shuningdek, Bobur Abdiholiqov 12 uchrashuvda maydonga tushgan va 1 gol urgan. “Metallurg” klubi sobiq futbolchisi Shahzod Ubaydullayev “Energetik BGU” safida 9 uchrashuvda maydonga tushib, 2 gol va 2 golli uzatmani amalga oshirgan. Borisov klubi navbatdagi turni o‘z maydonida “Slavan” jamoasiga qarshi o‘tkazadi. O‘yin bugun Toshkent vaqti bilan 15:00da boshlanadi.
Oston O‘runov
“Spartak” safidagi omadsiz uchrashuvlardan so‘ng, yana “Ufa”ga qaytgan Oston yana o‘z o‘yinini namoyish etishni boshladi. Oston “Ufa” safida Rossiya Premyer ligasi doirasida 6 uchrashuvda maydonga tushdi. Shuningdek, Xalqaro uchrashuvlar paytida o‘tkazilgan SSKAga qarshi o‘rtoqlik uchrashuvida o‘z hisobiga gol yozib qo‘yishni ham uddaladi. “Ufa” ayni paytda RPL turnir jadvalida 12-o‘rinda ketmoqda. Klub 14 uchrashuvda, 14 ochko qo‘lga kiritishgan. Oston va uning jamoasi ertaga 15 tur doirasida safarda “Rostov”ga qarshi o‘yin o‘tkazadi. Uchrashuv 21 noyabr kuni “Rostaov arena” stadionida Toshkent vaqti bilan 16:00da boshlanadi.
Jamshidjon Mahmudov tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
