Haftaning asosiy xabarlari haqida xabar berishda davom etamiz. Bugun erta tongda professional bokschimiz Murodjon Ahmadaliyev g‘alaba qozondi, nega Zinedin Zidan “Manchester Yunayted” bosh murabbiyi bo‘lish fikridan voz kechgan, O‘zbekiston futzal terma jamoasi navbatdagi o‘rtoqlik uchrashuvi o‘tkazishi va shu kabi xabarlar haqida “Stadion.uz” nashri dayjestida.
Neymar “Barselona”ga qaytishi mumkin
Dani Alves “Barselona”ga qaytdi. Braziliyalik futbolchining tanishtiruv marosimida klub prezidenti Joan Laporta Andres Inyesta va Lionel Messini “ko‘k-anorranglilar” safiga qaytarish variantini istisno etmadi. Ayni paytda, yana bir yulduz futbolchi - Neymarning Kataloniya klubiga qaytishi mumkinligi haqida mish-mishlar tarqaldi. Taxminlarga ko‘ra, PSJ rahbarlari braziliyalikning klubdagi sikli allaqachon o‘tib ketgan va asosiy o‘yinchidan u muammoli futbolchiga aylangan deb hisoblamoqda. Mish-mishlarga ko‘ra, Parij prezidenti Nosir Al-Xelayfi allaqachon Neymarni Premyer-liga klublari va “Barselona”ga taklif qilgan.
Sulsher qachon ishdan bo‘shatiladi?
Ole-Gunnar Sulsherning “Manchester Yunayted” bosh murabbiyligidan ketishi haqidagi mish-mishlar paydo bo‘lmoqda. Shu haftada Angliya matbuotida “qizil iblislar” rahbarlari allaqachon murabbiyni almashtirishga hozirlik ko‘rayotgani xabar qilingandi. Sulsherning hali ham murabbiylki lavozimida qolayotganiga sabab klubda uning o‘rniga nomzod yo‘q. Nomzod topilishi bilanoq, 3 yillik faoliyati davomida jamoa bilan jiddiy o‘sishga erisha olmagan norvegiyalik murabbiy iste’foga chiqadi.
Zidanni xotini “Manchester Yunayted”ni boshqarishga ruxsat bermadi
“Manchester Yunayted” murabbiylar postida bo‘lishi mumkin bo‘lgan o‘zgarishlar haqida gapirishni davom ettirar ekanmiz, Zinedin Zidanning ismi va familiyasi matbuotda muntazam ravishda paydo bo‘lishiga o‘rganib qoldik. Hammaga ma’lumki, fransuz o‘tgan mavsum oxirida “Real”ni tark etganidan keyin, hamon ishsiz. Mish-mishlarga ko‘ra, “Manchester Yunayted”ni Zidan varianti qiziqtirmoqda, ammo murabbiyning turmush o‘rtog‘i bu kelishuvga qarshi ekanligi xabar qilinmoqda. Ma’lumotlarga ko‘ra, fransuzning rafiqasi Veronika Manchesterga ko‘chib o‘tishni istamaydi. Shuningdek, Zinedin o‘zi ham uzoqroq dam olishni, keyin esa boshqa joyda ishlashni ma’qul ko‘rmoqda.
Murodjon Ahmadaliyev chililik bokschini mag‘lub etib, chempionlik kamarlarini himoya qildi
Professional boks bo‘yicha ikkinchi yarim yengil vazn (-55,34 kg) toifasida WBA va IBF kamarlari sohibi Murodjon Ahmadaliyev (10-0, 7 KO) 20 noyabr tongida AQSHda navbatdagi jangini o‘tkazdi.
Manchesterda (Nyu-Gempshir shtati) bo‘lib o‘tgan jangda Murodjon Ahmadaliyevga chililik Xose Velaskesga qarshi raqiblik qildi. To‘liq raund davom etgan bahsda Murodjon ochkolar hisobida (119-109) g‘alaba qozonib, o‘z kamarlarini himoya qildi. Dastlabki 6 raund davomida Ahmadaliyev ustunlikka erishgan bo‘lsa, 7-raundga kelib, Velaskes ham faollik ko‘rsatdi va bir qator zarbalar yo‘lladi. Oxirgi raundlarda har ikkala jangchi ham ustunlikni o‘z tomoniga og‘dirishga harakat qildi. Biroq Murodjon Velaskesga nisbatan faolroq harakat qilib, g‘alabani rasmiylashtirdi.
O‘zbekiston futzal terma jamoasi Nursultonda Qozog‘iton bilan ikkita o‘rtoqlik uchrashuvi o‘tkazadi
Futzal bo‘yicha O‘zbekiston terma jamoasi Qozog‘iston bilan o‘rtoqlik uchrashuvida maydonga tushadi, deb xabar beradi O‘zbekiston futbol assosiasiyasi.
Manbaga ko‘ra, O‘zbekiston futzal terma jamoasi 14-15 dekabr kunlari Qozog‘iston poytaxti Nursulton shahrida o‘quv-mashg‘ulot yig‘ini o‘tkazadi.
Ushbu yig‘in davomida vakillarimiz Qozog‘iston terma jamoasi bilan 2 marotaba o‘rtoqlik uchrashuvida maydonga tushadi.
Ma’lumot o‘rnida, joriy yilning sentyabr oyida Litvada o‘tkazilagan futzal bo‘yicha jahon chempionatida Qozog‘iston 4-o‘rinni egalladi. Bronza medal uchun kechgan bellashuvda qo‘shnilarimiz Braziliyaga 2:4 hisobida imkoniyatni boy berib qo‘ydi. O‘zbekiston vakillari esa 1/8 finalda Eronga 8:9 hisobida mahlub bo‘lib, musobaqani tark etgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
