Yosh va barqaror
Vinisius Junior to‘rt mavsumdan beri "Real Madrid"da o‘ynamoqda va "Qirollik klubi" safida 135 ta o‘yinda maydonga tushdi, bu esa 21 yoshli futbolchi uchun ajoyib natija. Braziliyalik iste’dod har tomonlama muxlislarda yaxshi taasurot qoldirmoqda, hatto "Flamengo"da ham u chiroyli va tomoshabop harakatlarni amalga oshirardi, tezkor va texnikasi yuqori futbolchi har doim himoyachilar uchun bosh og‘rig‘i bo‘lib qoladi.
Vinisius ajoyib qobiliyatlarga ega: uning tezligi va texnikasi juda yuqori, gugurt kabi ingichka oyoqlari ko‘ringanidek nozik emas. Bunday kalibrli iste’dod ertami-kechmi imkoniyatga ega bo‘ladi, ammo aynan antropometrik ma’lumotlar Juniorga kattalar futboliga juda erta qo‘shilish imkonini berdi. Biroq, braziliyalikning jismoniy tayyorgarligiga shubha qilish mumkin emas.
"Qasam ichamanki, u bizga qarshi o‘ynayapti".
Vinisius 2018-yil sentyabrida "Real Madrid" libosidagi ilk o‘yinlardanoq o‘zining mahorati bilan muxlislarni hayratda solgan. O‘shanda "qaymoqranglilar"ni Xulen Lopetegi boshqarardi. Yosh braziliyalik Santyago Solari kelganidan so‘ng ko‘proq o‘yin amaliyotiga ega bo‘la boshladi, uning haqiqiy iqtidorini bir tomondan argentinalik mutaxassis kashf etgan desak mubolag‘a bo‘lmaydi. So‘ngra Zinedin Zidan unga ikki yil murabbiylik qilgan, hozir esa Vinisius faoliyati Karlo Anchelotti qo‘l ostida davom ettirmoqda.
Junior ushbu mavsumgacha ko‘plab mutaxassislar va muxlislar tomonidan jiddiy tanqid qilingan. Undagi tezlik va texnika deyarli jamoa uchun naf keltirmas edi. Shu o‘rinda Gladbaxning “Borussiya”ga qarshi o‘yinda Karim Benzema va Ferlan Mendi o‘rtasidagi mashhur suhbatni eslatib o‘tmoqchiman. Shunda Karim g‘ayrioddiy iltimos bilan vatandoshiga yuzlangan: “Vinisiusga pas berma. U maydonda miyasiga kelganini qiladi. Qasam ichamanki, u bizga qarshi o‘ynayapti.”
Benzemaning ushbu so‘zlari hazil tariqasida qabul qilingan, lekin Karim haqiqatan ham o‘sha uchrashuvning ikkinchi bo‘limida Vinisiusga birorta ham pas bermagan. Shundan so‘ng Vinisius 2-3 o‘yin nisbatan kamroq o‘yin amaliyotiga ega bo‘lgan.
Iqtidorli, ammo “miya”siz
Vinisiusning texnikasi doim yuqori baholangan, ammo yaqin vaqtgacha u qadimgi DOS operasion tizimida ishlaydigan super-zamonaviy kompyuterga o‘xshardi. Braziliyalikning muammosi shundaki, uning jismoniy holati va texnikasi, maydondagi aqlidan ancha oldinda edi. Iqtidorli braziliyalik o‘z mahoratidan foyda chiqara olmas edi.
So‘nggi yillarda Vinisiusga nisbatan ishonch biroz pasaygan edi. O‘tgan mavsum davomida Vini "Real Madrid"da juda ko‘p mashg‘ulot o‘tkazadi, sababi u bu yerda eng yaxshisi bo‘lishi mumkin edi. Bu mashg‘ulotlar albatta o‘z samarasini berdi.
Mirjalol Pardaboyev tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
