Futboldagi yil voqeasi: Shvesiya milliy jamoasi bosh murabbiyi Yanne Andersson xot-dogga nisbatan alohida muhabbati ortidan maxsus diplom oldi. Bu hazil emas, shved mutaxassisi ushbu yegulik reseptini juda yaxshi biladi. Asosiysi, u deyarli barcha stadionlarda xot-dog mazasini tatib ko‘rgan. Xalmstad aholisi Anderssonning bu «zaif»ligini yaxshi biladi. Zero, u shu shaharda tug‘ilgan va uzoq yillar «Xalmstad»ni boshqargan.
Endi murabbiyning xot-dogga muhabbati milliy miqyosda e’tirof etildi. Kolbasa akademiyasining 30 yilligi munosabati bilan Shvesiyada bu mahsulotni ommalashtirishga katta hissa qo‘shgan fuqarolar uchun maxsus mukofot ta’sis etildi. Jumladan, Andersson «Xot-dogga abadiy muhabbati va sosiskalarni mahorat bilan reklama qilgani uchun» diplomi bilan taqdirlandi. Shvesiya milliy jamoasi bosh murabbiyi endi tantanali marosimda rassom Kyell Engman tomonidan yaratilgan esdalik sovg‘asini ham oladi - temir sanchqi ustida shisha kolbasa. Xot-dogning futboldagi asosiy elchisi uchun munosib mukofot.
Murabbiyning o‘zi barchasidan xursand: «Ajoyib. Rosa ta’sirlandim! Yillar davomida qancha sosiska tanovul qilganimni hisobga olsak, chindan ham, munosib elchiman. Lekin buning uchun mukofot olishni kutmagandim. Shvesiyadagi son-sanoqsiz stadionlarda bo‘lganman va hamma joyda avvalo, xot-dog qidiraman. Deylik, qaysidir o‘yinni ko‘rgani borsam, yarim soat avval xot-dog xarid qilaman. Uchrashuv boshlanishi arafasida yana bitta olaman! Shundan keyingina o‘yin boshlanishi mumkin». Umuman, murabbiy hattoki, matbuot anjumanlarida ham xot-dogni qo‘lidan qo‘ymaydi.
Anderssonni yaxshi biladigan Shvesiya terma jamoasi bosh oshpazi Mats Brostrem Rossiya-2018 mundialiga alohida tayyorgarlik ko‘rganini aytgandi: «Ha, bu yerga non va Boston bodringlarini olib keldik, lekin sosiska emas. Chunki Rossiyada sifatli sosiska borligini yaxshi bilardik». Murabbiy JCH davomida o‘z odatiga qarshi bormadi - kiyinish xonasida ham xot-dog tanovul qildi va shvedlar Janubiy Koreya termasini yengishdi. Jamoasi chorak finalda mag‘lubiyatga uchragach, Yanne buni ham xot-dog bilan bog‘ladi: «Aftidan, menga yomon qovurilgan sosiska berishgan...».
Anderssonning xot-dog haQidagi intervyusi (2009 yil)
- Aytishlaricha, siz jamoa boshlig‘i Anders Smit bilan Shvesiyaning barcha stadionlarida xot-dog tatib ko‘rgan ekansiz...
- Ha, odatda futbolchilar chigalyozdi mashqlarini bajarishayotganlarida, 1-2tadan xot-dogni paqqos tushiramiz, har bir arenada shunday qilamiz.
- Eng sifatli nonli sosiska...?
- Namligi me’yorida, go‘shti esa ko‘proq bo‘lishi kerak.
- Qalampir, ketchup, qovurilgan piyoz...?
- Faqat qalampir va ketchup.
- Eng yaxshi xot-dog qayerda?
- «Sederstadion» (2013 yilgacha bu arenada Stokgolmning «Xammarbyu» klubi o‘ynagan) ko‘p yillar davomida yetakchilikni qo‘ldan bermayapti. «Eryans Vall» («Xalmstad» arenasi)da ham sifat chakki emas.
- Eng yomoni?
- Yo‘q, birovni muhokama qilishni istamayman.
- Hozir nimani ko‘proq ma’qul ko‘rasiz?
- Non bilan yaxshi sosiskani...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
