Argentinalik mashhur himoyachi Nikolas Otamendi deyarli 1,5 yildan buyon «Benfika» sharafini himoya qilmoqda. Portugaliya futboli va turmush tarzi unga notanish emas - 2010-2014 yillar oralig‘ida «burgutlar»ning asosiy raqibi - «Portu»da o‘ynagandi. Nikolas yaqinda bu mamlakatdagi hayotida eng yoqimsiz holatga yuz tutdi: 5 nafar bosqinchi uning Lissabondagi uyida «mehmon» bo‘ldi...
Odatda o‘g‘rilar futbolchilar uyini ular o‘yinga ketgan yoki safarga chiqqan payt «nishon»ga olishadi. O‘g‘irlikka bog‘liq jinoyatning bunday formulasi ayniqsa, Angliyada keng tarqalgan. Biroq Nikolas Otamendi bilan yuz bergan voqea mutlaqo boshqacha: o‘g‘irlik payti futbolchi o‘z yaqinlari bilan uyda bo‘lgan. Dahshatli jinoyat xronologiyasi va voqea atrofidagi faktlar chindan ham, qo‘rquv uyg‘otadi:
*** Mehmonda «Famalikan» ustidan qozonilgan g‘alabadan keyin ortga qaytgan Otamendini o‘z uyi oldida noma’lum kimsalar «muloyim» qarshi olishgan.
*** Nikolas eshikka yaqinlashgach, jinoyatchilar unga tashlanishgan, 1-2 zarba berib, kamar bilan bo‘g‘ishgan va uyga kiritishni talab qilishgan. Futbolchida ularning buyruqlarini bajarishdan boshqa iloji qolmagan. Eshik ochilgach, bosqinchilar uy sohibining boshiga qop kiydirib, ichkariga olib kirishgan.
*** Qo‘lqop va niqob kiyib olgan jinoyatchilardan ikkisi boshiga qop tortilgan futbolchini turmush o‘rtog‘i va o‘g‘li turgan xonaga olib kirgan bo‘lsa, yana ikki nafari uyni ag‘dar-to‘ntar qilgancha qo‘liga ilingan barcha qimmatbaho buyumlarni olib ketgan. Ular shuningdek, jinoyat jarayonida o‘zaro rasiya orqali gaplashganlar.
*** O‘g‘irlik jinoyati atigi 10 daqiqa davom etgan, yakunda noma’lum shaxslar Otamendini yana kaltaklab, uydan chiqib ketishgan.
*** Dastlabki hisob-kitoblarga ko‘ra, bosqinchilar umumiy bahosi chamasi 300 ming yevroga teng buyumlarni olib ketishgan. Jumladan, qimmatbaho soatlar va taqinchoqlarni, yana ma’lum miqdorda pul ham.
*** Hozir Otamendi va oilasi vakillarida hammasi joyida. To‘g‘ri, turmush o‘rtog‘i va o‘g‘li sodir bo‘lgan voqeadan so‘ng yengil «shok» holatida.
*** «Benfika»ning rasmiy bayonoti: «Klub Niko Otamendi 13 dekabr kuni erta tongda o‘g‘irlik jinoyatidan aziyat chekkanini tasdiqlaydi. Dahshatli holatga qaramay, futbolchi ham, uning yaqinlari ham yaxshi. «Benfika» jurnalistlarni futbolchi va oilasining shaxsiy daxlsizligiga hurmat bilan qarashga, polisiya tekshiruvi natijalarini kutishga chaqiradi».
*** Setubal polisiyasi Otamendi ishini o‘z zimmasiga oldi. Ayni payt Otamendi uyi oldiga maxsus qo‘riqlash guruhi qo‘yilgan. Bundan tashqari, tansoqchilar ham futbolchi va uning yaqinlarini hamma joyda kuzatib borishadi.
Olimpik
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
