Kamerunda bo‘ladigan Afrika millatlar kubogi 9 yanvar kuni boshlanadi. Ushbu qit’aning terma jamoalari safida ko‘plab Angliya Premyer-ligasida to‘p tepadigan futbolchilar bor. Musobaqa sabab ingliz klublar ko‘plab yetakchilarini yo‘qotadi. Bu esa musobaqa favoritlari uchun haqiqiy muammo hisoblanadi. “Stadion.uz” nashri aynan Afrika kubogida qatnashadigan ingliz klublari sharafini himoya qiluvchi futbolchilar haqida ma’lumot berishga qaror qildi.
Ta’kidlash kerakki, aynan ingliz klublari Afrika kubogidan eng katta zarba qabul qilib olgan chempionat hisoblanadi. Yurgen Klopp ushbu turnirni muntazam tanqid qilib, qora qit’a vakillarining musobaqani qish faslida o‘tkazilishini qoralashi bejiz emas. Nemis mutaxassisini tushunsa bo‘ladi, chunki “Liverpul” Kamerungi musobaqaga bir nechta yulduzlarini jo‘natishga majbur bo‘lishadi. Umuman olganda, eng yaxshi Afrika qit’asi futbolchilari aynan Angliyada to‘p tepishadi.
Aslida, Afrika kubogi chempionlik poygasini oldinroq hal qilishi mumkin. “Manchester Siti” Kamerunga faqat bitta futbolchisini yubormoqda - Riyad Mahrez. Jazoirlik futbolchi Gvardiola tarkibidagi muhim o‘yinchi, ammo “Siti” Riyadsiz ham ajoyib o‘yin ko‘rsata olishiga shubha yo‘q. Chunki, “shaharliklar” tarkibida boshqa ko‘plab tajribali futbolchilar bor. Kloppning ahvoli butunlay boshqacha. Chunki, Muhammad Saloh, Sadio Mane va Nabi Keyta klubni og‘ir ahvolda qoldirib ketmoqda. Aniqrog‘i, chempionat uchun kurash qizg‘in pallada “Liverpul” yetakchilarini yo‘qotmoqda. “Chelsi” ham faqat bitta futbolchini yo‘qotadi, ammo muhim futbolchisi, ya’ni — darvozabon. Eduard Mendi Senegal terma jamoasiga yo‘l oladi va londonliklar yana Kepa Arrisabala yordamiga tayanishga majbur bo‘ladi, bu esa “aristokratlar” muxlislarini biroz xavotirga solmoqda.
Turnir Chempionlar ligasidagi o‘rinlarni taqsimlashga ham ta’sir qilishi mumkin. Sababi, o‘z mavqeini tiklagan “Arsenal” so‘nggi paytlarda Mikel Artetaning jamoani qurishda muhim rol o‘ynagan Tomas Partini yo‘qotmoqda. Uning o‘rnini egallagan Muhammad Elneni ham Misr terma jamoasini himoya qilish uchun Kamerunga yo‘l oladi. Bundan tashqari, “kanonirlar” Gabon va Kot-d’Ivuar terma jamoasiga chaqiruv olgan Pyer-Emerik Obameyang va Nikolas Pepe yordamiga tayana olmaydi.
“Kanonirlar”ning raqobatchilari esa bunday qiyinchiliklarni boshdan kechirmaydilar. “Tottenxem” birorta ham futbolchisini Afrika kubogiga jo‘natmaydi. “Manchester Yunayted” faqatgina Kot-d’Ivuarlik Erik Bayini AMKga yuboradi, biroq u jamoani asosiy futbolchisi emas. Ammo, “Vest Xem”ni Said Benraxm tark etadi. Mazkur futbolchi “bolg‘achilar”ning asosiy tarkib futbolchisi hisoblanadi.
Afrika kubogi Angliya Premyer-ligasila jon saqlash uchun kurashayotgan klublar uchun imkoniyat yaratib berishi mumkin. Sababi, “Nyukasl”, “Norvich” va “Lids” Kamerunda o‘tadigan turnirga hech kimni yubormaydi. Shu bilan birga, “Byornli” jamoasi safida 5 ta gol urgan Maksvell Korneni klubni ma’lum vaqtga tark etishga to‘g‘ri keladi. “Uotford” bir nechta himoyachilar Villiama Trost-Ekonga va Adama Masinu, xavbek Imran Luzuni yo‘qotadi. Jarohati tufayli Emmanuel Dennis klubda qoldi. “Xornetlar” rahbariyati Senegal jamoasi sharafini himoya qilishga otlangan Ismoil Sarrni klub safida saqlab qolishga harakat qilmoqda. Shuningdek, “Everton” Aleks Ivobini Nigeriya terma jamoasiga qo‘yib yubormoqda. Bu futbolchi ham “irislar”ning asosiy futbolchisi sanaladi.
O‘rta xil jamoalarga keladigan bo‘lsak, bu yerda vaziyat boshqacha. Trezege “Aston Villa” safidan Misr terma jamoasiga, Bertran Traore esa Burkina-Faso jamoasiga sharafini himoya qilishga ketadi, lekin ikkalasi ham klubning asosiy futbolchisi emas. “Brentford” ham Frank Oniku Nigeriya terma jamoasi safiga ketishiga to‘sqinlik qila olmayapti. Iv Bissuma “Brayton”dan Maliga, Ulrik Enem-Alla esa Gabon safiga jo‘nab ketadi.
“Vulverxempton”da ba’zi muammolar bo‘ladi: marokashlik Roman Sais va jazoirlik Villi Boli Afrika kubogida terma jamoasi sharfini himoya qilishga otlanishadi. “Lester”da ham katta yo‘qotishlar mavjud – himoya zonasida harakat qiladigan uchta futbolchi birdaniga AMKga boradi: nigeriyalik Oninye Ndidi, senegallik Nampali Mendi va ganalik Daniel Amarti. Bundan tashqari, “tulkilar” nigeriyalik hujumchi Kelechi Ixeanachoni ham ma’lum vaqtga qo‘ldan chiqarishadi. Qolaversa, “Kristal Pelas” jiddiy qiyinchiliklarga duch kelishi mumkin. Sheyku Kuyate Senegal termasiga, Jordan Iyu Gana termasiga, Uilfrid Zaxa esa ivuarliklar tomonidan chaqiruv olgan.
Umuman olganda, Angliya Premyer-ligasi Afrika kubogi vaqtida ko‘plab ajoyib futbolchilarni yo‘qotadi va murabbiylar ushbu nomlarni o‘rnini kim bilan va qanday to‘ldirish haqida bosh qotiradi.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
