AGMK klubi yaqinda ukrainalik himoyachi Andrey Mishchenko bilan shartnoma imzoladi. U ukrainalik jurnalistga intervyu berdi.
– Nima uchun Osiyoda qolishga qaror qildingiz? U yerning madaniyati yoqib qoldimi?
– AGMK bosh murabbiyi Mirjalol Qosimovning shaxsan o‘zi menga qiziqish bildirgani muhim rol o‘ynadi. Bundan tashqari, AGMKdan aniq taklif tushdi. Shuning uchun uni darhol qabul qildim. Bu variant meni to‘la qanoatlantirdi. Shuning uchun hozir O‘zbekistondaman.
– Moliyaviy jihatdan O‘zbekistonda o‘ynash Tojikistondagiga nisbatan manfaatlimi?
– Ha, O‘zbekistonda haqiqatan ham manfaatliroq. Qay darajada? Bunisi sir.
– Ukrainadan ham takliflar tushdimi? Nima uchun uyga qaytishni istamadingiz?
– Ukrainadan takliflar bo‘lmadi, hech kim men bilan gaplashmadi. Erondan variant bor edi. Shuningdek, ba’zi gap-so‘zlar bo‘ldi, ammo aniq taklif boshqa bo‘lmadi. AGMK va Eron variantidan O‘zbekistonni tanladim.
– O‘zbekiston chempionati haqida nimalarni bilasiz?
– Ma’lumotlarga qaraganda, O‘zbekiston chempionati Osiyo miqyosida yaxshi darajada. Ko‘p jamoa chiroyli va qiziqarli futbol namoyish etishadi. Bu raqobatbardosh musobaqa. O‘yinlarda ishtirok etganimdan so‘ng yanada aniqroq fikr bildirishim mumkin.
– Murabbiy bilan suhbatingiz qanday kechdi?
– Yaxshi. Ko‘rishdik, uning talablarini muhokama qildim. Men ularni tingladim va tushundim. Jamoa manfaati uchun ishlashga va ularning talabini bajarishga harakat qilaman.
– Mashg‘ulot jarayoniga moslashish qiyin kechyaptimi? Ularning o‘yin uslubi «Istiqlol»nikidan keskin farq qiladimi?
– Ochig‘ini aytsam, qiyinchilikka duch kelmadim. Mashg‘ulot jarayoniga qo‘shilishim oson kechdi. Moslashish jarayoni oson va yaxshi kechmoqda. Men Osiyo futbolini bilaman. Shu bois, qiyin bo‘lmasligi kerak. Vaqti kelib hammasi joyiga tushib ketadi, deb o‘ylayman. Shunchaki yangi ish joyiga moslashyapman.
– Sizni O‘zbekistonda qanday hayot tarzi kutayotgani bilan qiziqib ko‘rdingizmi?
– Ochig‘ini aytsam, hozircha bunga qiziqmadim. Bu borada qiyinchilikka duch kelmasligimga ishonchim komil. Jamoada menga yordam beradigan yigitlar bor.
– Taomlanish bo‘yicha qandaydir me’yorlar yoki cheklovlar bormi? Yoki nima istasangiz, shuni yeysizmi? Masalan, tushlikka palov?
– Yo‘q, bu yerda hamma narsa professional yo‘lga qo‘yilgan. Bo‘shashish mumkin emas. Taomlanish borasida muammo yuzaga kelmasligi kerak.
– O‘tgan yili AGMK kumush medalni qo‘lga kiritishga yaqin turgandi, ammo jamoa yakunda uchinchi o‘rinni egalladi. Ushbu yilda jamoa yuqoriroq o‘ringa da’vogarlik qila oladimi?
– Yuqoriga ko‘tarilish uchun qo‘ldan kelgan barcha ishni qilamiz. Bunga o‘z hissamni qo‘shishga harakat qilaman. Jamoada shunga harakat qilishiga ishonaman.
– Shaxsan siz o‘z oldingizga qanday maqsad qo‘yasiz?
– Faqat maksimal maqsadlar. Har bir o‘yinda g‘alaba qozonishga harakat qilamiz va yakunda oltin medallarni qo‘lga kiritamiz, deb o‘ylayman. Eng kamida chempionlik uchun jiddiy kurashamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
