Londonning «Arsenal» klubi internet-do‘koniga kirgan muxlislar saytdagi noodatiy xabarni ko‘rib qolishdi. Kompyuter strelkasi savatcha belgisiga yaqinlashtirilsa, «Sizning savatchangiz, xuddi «Tottenxem» sovrinlar shkafi singari bo‘sh» degan yozuv chiqqan. Keyinroq «Arsenal» hazil rahbariyat bilan kelishmagan holda chiqarilgan, tez orada hammasi o‘chirilishini bildirdi. «Ushbu xabar saytga xatolik tufayli, tegishli tekshiruvlar va kelishuvlarsiz joylangan, u imkon qadar tezroq o‘chiriladi», - deb yozildi klub bayonotida. Hozir kursorni belgiga yo‘naltirilsa, odatiy matn chiqmoqda: «Hozir sizning savatchangiz bo‘sh».
Londonliklarda sovrin masalasi qanaqa?
Umuman, «Tottenxem»ni anchadan buyon sovrinsizlik tufayli «troll» qilish odat tusini olgan. «Shporlar» oxirgi marta 2008 yili Liga kubogida zafar quchishgandi. Angliya kubogi so‘nggi bor 1991 yilda qo‘lga kiritilgan bo‘lsa, oxirgi chempionlikka 1961 yilda erishilgan.
«Arsenal»ning bu boradagi yutuqlari nisbatan salmoqli. 13ta Angliya chempionligi, ularning so‘nggisi 2004 yilga to‘g‘ri keladi. Shuningdek, «kanonirlar» Angliya kubogida chakki emaslar: musobaqa tarixida ushbu sovrinni eng ko‘p (14 marta) qo‘lga kiritishgan, 2020 yilgi muvaffaqiyat ham shular jumlasidan.
APLning joriy mavsumida «Tottenxem» (36 ochko, 8-o‘rin) va «Arsenal» (39 ochko, 6-o‘rin) turnir jadvalida ham haqiqiy raqobatni vujudga keltirishgan - Chempionlar Ligasiga chiqish uchun imkoniyatlar saqlanib turibdi.
***
«Arsenal» afsonasi Tyerri Anri «Tottenxem»ga hazil qilish fursatini hech qachon boy bermaydi. Misol uchun, fransuz 2021 yilning sentyabrida Amazon Prime studiyasida bunday jamoa borligini bilmasligini aytgandi.
- «Renn» hisobidagi ketma-ket ikkinchi mag‘lubiyat - xavotirlanish uchun yetarli dalil, - degandi boshlovchilardan biri. - Boz ustiga, payshanba kuni Konferensiyalar ligasida «Tottenxem»ga qarshi o‘yin kutib turibdi.
- Kechirasiz, kimga qarshi? Bunday jamoani bilmayman, - Anri shunday deya kamera tomon ayyorona nazar solgandi.
Studiyadagilar «Arsenal»ning aksariyat fanatlari singari hazilni tabassum bilan qarshi olishdi. Izohlarda Tyerrini qahramon, qirol, afsona deb atashdi, kimdir esa bu o‘tgan oy davomida eshitgan eng kulgili hazil bo‘lganini yozgan.
Darvoqe, Anri futbolchilik davrida «Tottenxem» bilan o‘yinda biror marta yutqazmagan - 7 g‘alaba, 4 durang, 5ta gol va bitta assist. Fransuz bu borada ham fikr bildirishga ulgurgan: «O‘yinchilik davrimda «Tottenxem» bilan o‘yindan ochkosiz qaytmaganimdan, buni his qilishdan baxtiyorman».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
