«Arsenal»dan bezib, «Barselona»ga yo‘l olgan gabonlik hujumchi Pyer-Emerik Obameyang Ispaniya La Ligasi 25-turidan o‘rin olgan «Valensiya»ga qarshi o‘yin (4:1)da bir o‘zini ko‘rsatib qo‘ydi - 3ta gol! U shu tariqa XXI asrda Yevropaning kuchli 5ta ligasidan 4tasida «xet-trik»ka erishgan birinchi futbolchiga aylandi.
Pyer-Emerik bunga qadar Fransiya, Germaniya va Angliya elit ligalarida ham shunday natijaga erishgandi. Umuman, «Milan»ning gabonlik tarbiyalanuvchisi faoliyati davomida Fransiyaning «Dijon», «Lill», «Monako» va «Sent-Etyen», Germaniyaning «Borussiya» D. hamda Angliyaning «Arsenal» klublari safida to‘p surishga ulgurgan.
*** Germaniyaning transfermarkt portali ma’lumotlarida keltirilishicha (22 fevral holatiga ko‘ra), XXI asrda Yevropaning kuchli 5ta chempionatidan kamida 2tasida «xet-trik» qayd etish atigi 10 nafar futbolchiga nasib etgan.
*** Bu borada Pyer-Emerik Obameyangning yaqin ta’qibchilari - Krishtianu Ronaldu, Emmanuel Adebayor, Aleksis Sanches va Salomon Kalu. Bu 4 nafar futbolchi 3tadan ligada «xet-trik»ka erishgan.
*** Pyer-Emerik Obameyang «xet-trik»larning umumiy soni bo‘yicha Krishtianu Ronaldudan ancha orqada. Gabonlik futbolchi 7ta o‘yinda 3tadan gol urgan bo‘lsa, portugaliyalik yulduz Ispaniya, Italiya va Angliya chempionatlari doirasidagi naq 37ta o‘yinda shunday natijaga erishgan.
XXI asrda Yevropaning kuchli 5ta ligasidan kamida 2tasida «xet-trik»ka erishgan futbolchilar
1. Pyer-Emerik Obameyang (Gabon) - 4ta liga
2. Krishtianu Ronaldu (Portugaliya) — 3ta liga
3. Emmanuel Adebayor (Togo) — 3ta liga
4. Aleksis Sanches (Chili) — 3ta liga
5. Salomon Kalu (Kot-d~Ivuar) — 3ta liga
6. Luis Suares (Urugvay) — 2ta liga
7. Serxio Aguero (Argentina) — 2ta liga
8. Edinson Kavani (Urugvay) — 2ta liga
9. Tyerri Anri (Fransiya) - 2ta liga
10. Zlatan Ibragimovich (Shvesiya) - 2ta liga
Pyer-Emerik Obameyangning 4ta elit o‘yini
1. Fransiya chempionati. 2012 yil 22 fevral
«Sent-Etyen» - «Loryan» - 4:2
2. Germaniya chempionati. 2013 yil 10 avgust
«Augsburg» - «Borussiya» D. - 0:4
3. Angliya chempionati. 2021 yil 14 fevral
«Arsenal» - «Lids» - 4:2
4. Ispaniya chempionati. 2022 yil 20 fevral
«Valensiya» - «Barselona» - 1:4
So‘z
- «Mestalya»ga oxirgi marta «Arsenal» bilan YEL o‘yini uchun kelgan va g‘alaba bilan qaytgandik. Bu safar «xet-trik»ka erishdim. Bu stadion men uchun xuddi uyimdek bo‘lib qoldi. Pyer-Eme-rik Obameyang («Valensiya»ga qarshi o‘yindan so‘ng).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
