Erik ten Xag boshqaruvidagi «Ayaks» 23 fevral oqshomi Lissabonda «Benfika» darvozasini 2 marta nishonga oldi, to‘g‘ri, shuning barobarida 2ta gol ham qo‘yib yubordi. Ke-yin, 27-sanada Niderlandiya Eredivizioni 24-turida kamtarin «Gou Exed Igls»ga yutqazib qo‘ydi - 1:2. 2:2 va 1:2 hisoblari o‘z yo‘liga, fakt shuki, Amsterdam drujinasi joriy mavsum telbavor mahsuldorlik ko‘rsatmoqda. Diqqat qiling, 14ta yirik hisobli g‘alaba (jumladan, 9ta 5:0) va umumiy gollar nisbati 111:14. Bu shunchaki, «jinni»lik. Vaholanki, «Ayaks» yanvar oyi o‘rtalarida ham Niderlandiya Eredivizioni turnir jadvalida ikkinchi bo‘lib turgan va jamoada gollar nisbati 56:4ga teng edi. Endi esa ten Xag shogirdlari 1-o‘rindalar, gollar nisbati - kosmos!
***
Yevropaning kuchli 5ta ligasiga qarasak, milliy chempionatdagi gollar nisbati bo‘yicha «Ayaks» oldiga tushadigan jamoaning o‘zi yo‘q. Diqqat qiling, Amsterdam klubi har bir qo‘yib yuborilgan golga javoban naq 10ta (!) urmoqda. Qoyil, shunchaki, qoyil!
***
Ha, «Ayaks» CHLda nisbatan ko‘proq gol qo‘yib yubormoqda. Shunga qaramay, asosiy yevroturnirdagi gollar nisbati ham hayratlanarli, baribir. 7ta o‘yin uchun +15 - bu chakki emas, to‘g‘rimi?
Ten Xag jamoasining Niderlandiya kubogidagi ishtiroki esa hozirda shunchaki, FIFA o‘yin ilovasining eng yengil variantini eslatmoqda. 4:0, 9:0, 5:0 - izoh ortiqcha.
Umuman, raqibni «tepkilash» joriy mavsumgi «Ayaks» uchun oddiy holat bo‘lib qoldi. Agar 4ta gol farqi bilan yutilgan o‘yinlarni sanasak (aslida hisobdagi +3 farqi yirik natija sanaladi), Ten Xag drujinasida bunday g‘alabalar soni 14ta!
Darvoqe, «Ayaks» CHL 1/8 finalidan o‘rin olgan «Benfika»ga qarshi o‘yinga qadar qatorasiga 10ta g‘alaba qayd etdi. Jamoa ushbu ajoyib seriya davomida 39ta gol urib, 1tagina qo‘yib yubordi.
«Ayaks»ning joriy mavsumdagi barcha turnirlarga daxldor umumiy gollar nisbatini tasvirlasak, shunchaki, g‘aroyib manzara ko‘zga tashlanadi. Qarang, +111ta golga atigi -14ta...
Tabiiyki, gollar o‘z-o‘zidan kelayotgani yo‘q: «Ayaks» dahshatli hujum harakatiga ega, shuningdek, goleadorlarning qoyilmaqom oltiligi ham bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
