Har oyda «90min» nashri Angliyaning beshta ligasidan eng yaxshi futbolchini aniqlash borasida so‘rovnoma o‘tkazadi. Siz muxlislar esa ko‘rsatilgan nomzodlar ichida o‘zingiz yoqtirgan va muxlisi bo‘lgan futbolchiga ovoz berish imkoniyatiga ega bo‘lasiz. Quyida nashr tomonidan oy uchun eng yaxshi futbolchilikka nomzodlar bilan tanishasiz.
1. Son – «Tottenxem Xotspur»
O‘yinlar soni: 5 ta;
Gollar: 2 ta;
Assistlar: 2 ta.
Umuman olganda, fevral oyi «Tottenxem» uchun oson o‘tmadi. Shunga qaramay, ushbu davr liga peshqadami bo‘lgan «Manchester Siti» ustidan qozonilgan g‘alaba bilan eslanadigan bo‘ldi. Shuningdek, Son bu paytda o‘z sherigi bilan APL rekordini ham qayd etdi. «Sautgempton»ga qarshi bahsda gol urganidan so‘ng, koreyalik yulduz «Etihad»dagi dramada assitentlik borasida akademik namuna ko‘rsata oldi. U «shaharliklar»ga qarshi ikkita assist qayd etgan. Sonning «Lids»ga qarshi urgan goli esa uni APL tarixiga olib kirdi.
2. Muhammad Saloh – «Liverpul»
O‘yinlar soni: 4 ta;
Gollar: 3 ta;
Assistlar: 1 ta.
Ha, ushbu oyni misrlik qirol uchun o‘ta omadli o‘tdi deya olmaymiz. Ammo u o‘z darajasida harakat qilishda davom etdi va yana bir rekordga erishdi. Saloh «Norvich»ga qarshi bahsda «mersisaydliklar» safidagi 150 golini urgan edi. Shuningdek, u «Lids»ni sharmanda qilishda ham jamoasiga o‘z ko‘magini berib turdi. O‘sha o‘yinni Muhammad 2 ta gol hamda 1 ta assist bilan yakunlagan edi. Hisob esa 6-0 ko‘rinishida tugagan.
3. Jarrod Bouen – «Vest Xem»
O‘yinlar soni: 4 ta;
Gollar: 2 ta;
Assistlar: 1 ta.
Ikkinchi marta ketma-ket oy futbolchiligi uchun nomzodi qo‘yilayotgan hujumchining «Vest Xem»dagi formasi ajoyib darajaga chiqib ulgurgan. Bouen London jamoasini ko‘p bahslarida qutqaruvchi vazifasini bajarib kelmoqda. U shunday davom etsa, ko‘p ehtimol, tez orada Angliya terma jamoasiga chaqiruv oladi. Jarrod oyni «Uotford»ga qarshi bahsda gol urish bilan boshlaydi (1-0). Keyingi uchrashuv, «Lester» bilan o‘yinda 2 ta golda bevosita ishtirok etdi. Aynan uning sa’y-harakatlari tufayli, «Vest Xem» har ikki o‘yinda uch ochkoga ega chiqdi.
4. Harri Keyn – «Tottenxem»
O‘yinlar soni: 5 ta;
Gollar: 3 ta;
Assistlar: 1 ta.
Albatta, «shporlar» o‘tgan oyni oson o‘tkazmadi. Jamoa ochko yig‘ishga ancha qiynaldi. Shunga qaramay, Keyn shaxsiyati uchun ushbu davr nisbatan ijobiy edi. Chunki aynan u, yengib bo‘lmasdek tuyulgan «Manchester Siti»ni o‘z maydonida «uxlatib» qayta oldi. Angliya terma jamoasi APL tarixiga eng ko‘p gol ishtirok etgan juflikning biri bo‘lib kirdi. Haqiqatdan ham Keyn va Son darajasi o‘z jamoasidan bir pog‘ona yuqori(dek). 28 yoshli hujumchi «shaharliklar» darvozasini naq uch marta ishg‘ol qildi. Ulardan faqat ikkitasi hisobga olingan edi.
5. Che Adams – «Sautgempton»
O‘yinlar soni: 4 ta;
Gollar: 3 ta;
Assistlar: 1 ta.
Ushbu mavsum hujumchi uchun o‘ta sokin kechayotgan edi. Ammo Adams fevraldan ishga qattiq kirishdi. U jamoasining fevral oyidagi barcha (4 ta) o‘yinida faol harakat qildi. «Sautgempton» oyni mag‘lubiyatsiz yakunlay oldi va bu tahsinga sazovar holatdir. Xususan, ingliz futbolchisi jamoasi uchun «Tottenxem»ga qarshi g‘alaba golini, «MYU» bilan esa hisobni tenglashtiruvchi golni kiritgan. U shuningdek, «Norvich» ham gol urgan edi. «Everton» bilan bahsda esa assist muallifiga aylangan.
6. Kreyg Douson – «Vest Xem» (himoyachi)
O‘yinlar soni: 4 ta;
Gollar: 2 ta (!);
Assistlar: 0 ta;
Quruq o‘yin: 2 ta.
Jamoasi mudofaasida qalqon vazifasini bajaradigan futbolchi, Douson uchun ushbu oy omadli kechdi. Markaziy himoyachi bo‘la turib, «Lester» hamda «Nyukasl» bilan o‘yinda jarima zarbalaridan gol urgan Dousonni ushbu ro‘yxatga kirishga haqli deb hisobladik. Agar buni yetarli deb bilmasangiz, u holda himoyachi tomonidan saqlab qolingan ӯsha ikkita bahsdagi dahlsiz darvozani keltiramiz. O‘shbu «Uotford» hamda «Vulverxempton»ga qarshi bahslar Douson jamoasining foydasiga yakun topgan.
Hurmatli futbol ixlosmandlari, siz ham ushbu havola orqali o‘tib(shuningdek, havola maqolaning asl nusxasini o'qish uchun ham), yuqoridagi futbolchilardan biriga ovoz berishingiz mumkin.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
