Tomas Tuxel hozirga qadar «Chelsi» ustozi sifatida bir qator ko‘zga ko‘rinadigan ishlarni amalga oshirdi, sovrinlarga erishdi. Bunga hech kim shubha qilmaydi, albatta. Xususan, nemis mutaxassisi Frenk Lempard davrida ortga ketgan ishlarni jonlantirdi, yaxshiladi. Jamoani kuchli ruhiyatga erishtirdi. Tuxel o‘zining dastlabki yarim yillik boshqaruvidayoq Angliya kubogi finaliga yetib bora oldi. Ammo bosh sovrinni qo‘lga kirita olmaydi. Shunga qaramay, boshqa bir kubok, yirik turnir bo‘lgan YECHL chempionligiga erishdi. Bu yo‘lda «Real Madrid»ni yengib o‘tdi. Ayni damda «Chelsi» madridliklarga qarshi xalqaro maydonda o‘ziga xos natijaga egadir. Ushbu juftlik bu mavsumda turnirning chorak finalda to‘qnash keladigan bo‘ldi. Shu bahonada ularning to‘qnashuv tarixiga nazar tashlaymiz.
1. 1971 yil, may oyida
«Chelsi»ning birinchi bor «Real» bilan to‘qnashuvi uzoq tarixga, 1971 yilga borib taqaladi. O‘shanda Kubok Egalari kubogi finali uchrashuv markaziga aylangan. O‘yin hisobini ilk bor ochgan futbolchi esa Piter Osgud bo‘lgandi. Ammo oradan ko‘p o‘tmay, Ignassio Sokoning goli hisob tenglashishiga olib keladi. Shunday qilib, u paytlar penaltilar seriyasi bo‘lmas, durang o‘yinlar esa qaytadan o‘tkazilardi.
2. 1971 yil, may oyida (2 kundan keyin)
Oradan ikki kun o‘tib, yana bir bahs bo‘lib o‘tadi. Bunda ham Osgud katta sahnaga chiqadi. Shundan so‘ng, Jon Dempsi, «Real» safida esa Sebastyan Fleytas gollarga mualliflik qiladi. Umumiy hisob esa 2-1 bilan, «Chelsi» foydasiga hal bo‘lgandi.
3. 1998 yil avgust oyi
Oradan 27 yil o‘tib, ushbu juftlik yana ro‘baro kelishdi. Bu safar endi Super kubok bahsida. O‘shanda «Real» YECHLni yangi yutgan, «Chelsi» esa Kubok Egalari kubogini qo‘lga kiritgan paytlar edi. Bu esa ushbu bahsni yanada qizishiga yordam bergan. O‘yinda urilgan yagona gol Gustavo Poyetga tegishli bo‘ladi. U esa «Chelsi», futbolchisi bo‘lgan.
4. 2021 yil, aprel oyi
Yuqoridagi voqeadan yana 23 yil o‘tib, taqdir «Chelsi» hamda «Real»ni yuzlashtiradi. Endi ular YECHL yarim finalida kuch sinashishi kerak edi. Ispaniyadagi bahsda 1-1 hisobi qayd etiladi. Gollarga Kristian Pulishich hamda Karim Benzemalar mualliflik qiladi. Shunday qilib, «aristokratlar» Londonga qimmatli durang bilan qaytib ketadi.
5. 2021 yil, may oyi
Koronavirus avjiga chiqqan davrda o‘tkazilgan o‘yin, bo‘m-bo‘sh stadion ichida, muxlislarsiz tribunalar qarshisida bo‘lib o‘tadi. Unda «Chelsi» finalga yo‘l olgandi. Ushbu o‘yindagi ikkita golga Timo Verner va Meyson Mauntlar mualliflik qilgan. Umumiy hisob 3-1 bilan ingliz jamoasi foydasiga hal bo‘ladi. Finalda «Chelsi»ni «Manchester Siti» kutib turgandi. «Shaharliklar» ham hali qiluvchi o‘yinda Kay Xaversning mahorati evaziga taslim qilinadi.
Shunday qilib, «Chelsi» tarixda UYEFA tasnifidagi o‘yinlarda jami 5 marta «Real»ga qarshi chiqib, 3 ta g‘alaba 2 durang qayd etgan. Kelayotgan o‘yinlarda nima bo‘lishini esa vaqt ko‘rsatadi. Biz yana bir bor ularning jangiga guvoh bo‘lamiz. Bu safar YECHL chorak finalida...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
