Ushbu yozda «Yuventus» bir qancha futbolchilaridan ayriladi. Ularga Paulo Dibala ham qo‘shildi. Dibala yozda ortiq Turinda qolmasligi ma’lum bo‘lgach, ko‘plab APL klublari argentinalik imzosi uchun kurashish niyatida ekanini bildirdi. Hujumchida endi yangi mavsumni yangi jamoada boshlash imkoni paydo bo‘ladi. Ammo barcha klublarga ham Dibalaning uslubi mos kelavermaydi yoki aksincha. 28 yoshli futbolchida Angliyaning o‘zida bir nechta tanlov imkoniyati mavjud. Quyida shu haqida bayon etiladi.
«MYU»
«Manchester Yunayted» yozgi transferlar oynasida albatta hujumchi uchun ham qidiruv o‘tkazadi. Chunki ayni damda Edinson Kavanining bitimi tugamoqda, Ronalduning holti esa hammaga ma’lum. «MYU»ga havoda yaxshi harakat qila oladigan va o‘z hududida dominant bo‘lgan futbolchi zarur. Dibalaning bo‘yi havo uchun unchalik ham ideal emas. Qolaversa, u aksar hollarda o‘ninchi raqam ishini bajaradi. U kreativ, lekin hujumga chuqur sho‘ng‘iy olmaydi. Agarda u «MYU»ga kelsa, Brunu Fernandesh o‘z joyidan ayrilishi mumkin. Shu sababdan ham «MYU» u uchun orzudagi joy emas.
«Tottenxem»
Harri Keyn bu jamoaning yuragi. U hujumda asosiy rolga ega. Ammo hujumchi yozda boshqa jamoaga ketishi ham mumkin. Antonio Konte qo‘l-ostida Keyn sof hujumchi emas, balki nisbatan hujumkorlikni ta’minlovchi vosita, vingerlarga maydon hozirlovchi, «yolg‘on to‘qqizinchi raqam» vazifasini bajarmoqda. Dibala ham aynan shunday amaliyotlarda qo‘l keladi. Chunki u imkoniyat yaratish borasida o‘ta faol futbolchidir. Shu nuqtayi nazardan Dibala uchun «Tottenxem» yomon tanlov bo‘lmaydi. Ammo avval Keynni «yo‘qotish» kerak.
«Manchester Siti»
Bu klub mavsumning katta qismini nominal hujumchisiz o‘tkazmoqda. Tez-tez Fil Foden, Rahim Sterling yoki boshqa bir futbolchi «9 raqam» rolini o‘ynab turadi. Dibala ham yuqorida ta’kidlanganidek, bu rolga juda ham mos tushadi. Gvardiolaga esa aynan shunday ishlarga maxsus vazifalantirilgan o‘yinchi zarur bo‘lib turibdi. Shu sabab «Manchester Siti» varianti ehtimoliy manzil sifatida, futbolchi bu jamoaga ko‘proq moyillikka ega.
«Arsenal»
«Arsenal»ning APLdagi omadli yurishi asosiy mezonlaridan biri bu Aleksandr Lyakazettdir. Ko‘plab muxlislar uning gol urmayotgani sabab, jamoadagi ta’sirini sezmayotgan bo‘lishi mumkin. Ammo u orqali hujumlar tashkil qilinadi va qanot futbolchilariga imkoniyatlar taqdim etiladi. Martin Edegor hujumchilar ortidagi asosiy kreativ o‘yinchi. Shu sabab Norvegiya terma jamoasi a’zosi va Dibala o‘rtasida bog‘liqlik yaratish juda murakkab ishga aylanadi. Negaki, ularning vazifalari yaqin. «Arsenal»ga yozda yangi va toza hujumda ishlaydigan futbolchi kerak. Dibala kabi ijodkor vakil klubning ichida yetarli.
«Chelsi»
«Chelsi» o‘tgan yozda yangi hujumchi qidirdi va Lukakuni olib keldi. Ayni damda Tuxel Kay Xaversni markaziy hujumda harakatlantirmoqda. Ammo uning vazifasi Dibalanikidan farqlidir. Nemis futbolchisi aslida hujumkor yarim himoyachi, ammo bog‘lamlarda yaxshi o‘ynaydi, raqib jarima maydonida ham o‘ta xavfli. Dibala esa ushbu vazifaga unchalik ham mos emas. Shunga qaramay, Tuxel undan jamoasiga ijodiylik baxsh etishda foydalanishi mumkin. Ya’ni, Dibalani Londonga kelish ehtimoli ham yo‘q emas.
Xulosa o‘rnida, tarkib va uslub e’tibori bilan ikki jamoani Dibala xaridi uchun eng ko‘p imkoniyatli deb topgan bo‘lardik. Bular: «Manchester Siti» hamda «Tottenxem». Paulo Dibalaga da’vogarlar ko‘pligini hisobga olgan holda, «Tottenxem» varianti ehtimoldan yiroqroq deyish mumkin. Chunki Dibala YECHLda ishtirok etishni istaydi. «Shporlar»da esa unga chiqish masalasi ancha murakkab bo‘lib turibdi.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
