Pyer-Emerik Obameyang "klasiko"da dubli bilan "Real"ni tom ma’noda o‘ldirdi va "Barselona"dagi statistikani fantastik darajaga olib chiqdi. 32 yoshli gabonlik futbolchi La Ligada 7 ta o‘yinda 7 ta gol urdi va barcha musobaqalarda 11 ta o‘yinda 10 ochko olib Kataloniya yetakchisiga aylandi. Shu bilan birga, "Arsenal"da mavsumning birinchi qismida forvard batamom so‘ngan yulduzga o‘xshab ko‘rinardi. Obameyang Londondagi sardor va eng yaxshi hujumchidan murabbiy bilan ko‘p tortishadigan futbolchiga aylangandi.
Obameyang to‘rt yil davomida Londonda barcha turnirlarda 163 o‘yinda 92 ta gol kiritib, 21 ta golli uzatmani amalga oshirgan. Ikki mavsumda (2018/19 va 2019/20) gabonlik futbolchi jamoaning eng yaxshi to‘purariga aylandi, 2019/20 yilgi mavsumdan esa u "kanonirlar" sardori darajasiga ko‘tarildi. Pyer-Emerik 2018 yilning qishida jamoaga kelib, 2022 yilning qishida ketdi. Ammo klub afsonasi maqomida emas, balki bosh murabbiy Mikel Artetani bilan ziddiyatga uchragan futbolchi sifatida.
Avvaliga murabbiy va futbolchi o‘rtasidagi munosabatlar normal edi. Ispaniyalik murabbiy 2019/20 yilgi mavsumda "Arsenal"ni qabul qilib olgan va Obameyangning jamoadagi pozisiyasiga ta’sir qilmagan. O‘zaro munosabatlardagi muammolar 2021/22 yilgi mavsumda boshlangan. Pyer-Emerik o‘yin borasida sezilarli darajada oqsay boshladi va londonliklarning o‘zgaruvchan uslubiga mos kelmadi. Premyer-ligadagi 14 o‘yinda u birinchi davrada atigi to‘rtta gol urdi. Barcha musobaqalarda gabonlik 15 o‘yinda 9 ta gol urishga muvaffaq bo‘ldi.
Pyer-Emerik natijalari 2020/21 yilgi mavsumdayoq pasaya boshlagandi. "Arsenal"ning eng yaxshi hujumchisi bo‘lganidan ikki mavsumdan so‘ng u barcha musobaqalarda atigi 15 ta gol urdi (Premyer-ligada 10 ta). Ammo o‘shanda ham u doimiy o‘ynashda davom etgan.
"Futbolchilar bilan yaxshi munosabatdaman. Har bir inson tushunish kerak, men doim jamoa uchun bor kuchimni ishga solaman. Intizomiy qarorlar shaxsiy emas, ular faqat yaxshi natijalarga erishish uchun qabul qilinadi. Hammasi shu. Futbolchi gol urmasa, bu uning o‘ziga bo‘lgan ishonchiga, kayfiyatiga ta’sir qiladi. Bunday holatda siz kurashishingiz kerak", - degan edi Arteta o‘yinlarning birida.
Ammo "Sautgempton" bilan o‘yindan keyin Obameyang tarkibdan tushib qoldi va yanvar oyida Afrika kubogiga yo‘l oldi. To‘g‘ri, hujumchi turnirda maydonga tushmadi. Forvard turnirga koronavirus bilan kelgan va tuzalganidan keyin uning yuragi bilan bog‘liq muammolar paydo bo‘lgandi. Pyer-Emerik Londonga qaytdi, ammo yangi tekshiruv yurakning sog‘lom ekanligini ko‘rsatdi. Arteta qishki transfer oynasida sobiq sardordan qutulishga ahd qildi va 31 yanvar kuni gabonlik Barselonaga yo‘l oldi.
U "Barselona"da qanday o‘yin ko‘rsatyapti?
Obameyangning transferi ko‘pchilik uchun g‘alati ko‘rindi: "Barsa" yuragi bilan bog‘liq muammolar tufayli faoliyatini yakunlagan Serxio Agueroni yo‘qotdi va zudlik bilan yangi hujumchi izlayotgan edi. Gabonlikka taklif zaruriy chora bo‘lib ko‘rindi, bu oxirgi kuni amalga oshirildi, chunki boshqa variantlar yo‘q edi. Qolaversa, kataloniyaliklar erkin agent qidirayotgan edi, shuning uchun Pyer-Emerik juda mos tushdi.
Futbolchi Kataloniyadagi faoliyatini xotirjamlik bilan boshladi: dastlabki uch o‘yinda u birorta ham golli harakatni amalga oshirmadi, sekin-asta formaga kirib, asosiy tarkibdan joy ola boshladi. Jamoa uchun to‘rtinchi o‘yinda Obameyang "Valensiya" darvozasiga 3 gol urdi. Keyingi o‘yinlarda u "Atletik", "Osasuna", "Napoli" va "Galatasaroy" darvozasiga bittadan to‘p kiritdi. Hujumchi "klasiko"da porladi va 2 gol 1 assistni amalga oshirdi.
Ko‘rinib turibdiki, Pyer-Emirikning Arteta bilan munosabatlari qiyin bo‘lgani uchun "Arsenal"da o‘yini yomonlashdi. Mikel ko‘pincha ommaviy axborot vositalarida hujumchini qoraladi va keyin uni tarkibdan butunlay olib tashladi. Bu yulduz forvardga nisbatan haqoratli qaror. Albatta, gabonlikning javob harakati ham provokasion edi. Ammo hujumchi transferga erishish va murabbiy bilan bir jamoada qolib ketmaslik uchun hamma narsani qildi. Ajralishdan so‘ng hammasi yaxshilandi: Obameyang o‘ziga xos formaga qaytdi, "Arsenal" esa Premyer-ligada kuchli to‘rtlikka kirdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
