Osiyo Chempionlar ligasi «E» guruhi 2-turi doirasdagi «Nasaf» — «Al Vihdat» jamoalari o‘rtasidagi uchrashuv bo‘lib o‘tdi. Qiziqarli kechgan uchrashuvda vakillarimiz 2:0 hisobida g‘alaba qozonishdi.
O‘yin teng kurashlar ostida boshlandi. Dastlabki daqiqalarda har ikki klub ham to‘pni ko‘proq nazorat qilishga harakat qildi. O‘yindagi ilk xavfli vaziyat o‘yinning 6 daqiqasida yuzaga keldi. Ammo Sharof Muhitdinovning zarbasiga aniqlik yetishmadi.
Keyinchalik ustunlik biroz qarshilik futbolchilar tomoniga o‘tdi. Vakillarimiz raqib jarima maydonchasi ichida bir qancha xavfli vaziyatlar yaratishdi. Bozorovning bir qancha futbolchilarni aldab yo‘llagan zarbasini raqib posboni qaytardi ammo Norchayev qaytgan to‘pga zarba berishga ulgurmadi.
20 daqiqada raqib ilk xujumini amalga oshirdi. Abu Amaraning o‘ng qanotdan oshirib bergan to‘piga Ahmad Samir boshi bilan zarba berdi. Ammo uning zarbasi darvozamiz ustuni yonidan o‘tib ketdi.
Birinchi taym o‘rtalarida Ivan Solovevning bosimidan so‘ng raqib darvozboni to‘pni uzoqlashtirishida xatoga yo‘l qo‘ydi. To‘pni Akmal Mozgovoy egallab, qulay vaziyatda turgan Bozorovga oshirdi. Ammo Oybekni zarbasi biroz kuchsiz chiqdi va raqib darvozaboni Ahmad Navas to‘pni egallab oldi.
30 daqiqadan keyin jamoalarning o‘yini sokinlashdi. Har ikki klub ham raqib jarima maydonchasi ichidan o‘z omadini izlashga harakat qilishdi. Ammo na «Nasaf»ning, na «Al-Vihdat»ningg hujumi xavfli ko‘rinish oldi.
Bo‘lim so‘nggida vakillarimiz gol urishi mumkin edi, ammo raqib darvozabonining va himoyachilarning «ajdarlar» hujumini qiyinchilik bilan bartaraf etishdi.
Shu tariqa birinchi bo‘lib nursiz durang bilan yakunlandi —0:0.
Ikkinchi bo‘lim «Nasaf»ning biroz ustunligida boshlandi. Taym boshida Husayn Norchayev raqib himoyachisidan o‘tib ketib, darvozaning yaqin burchagini nisonga oldi. Darvozabon to‘pni maydondan chiqarib yubordi.
54 daqiqada vakillarimiz Qarshi klubi gol urishi mumkin edi. Burchakdan oshirib berilgan to‘pdan Norchayev kuchli zarba yo‘lladi, ammo raqib darvozaboni ajoyib seyv amalga oshirib, jamoasini goldan saqlab qoldi.
63 daqiqada Solovevning qo‘polligidan so‘ng ammanliklar xavfli nuqtadan jarima zarbasiga ega bo‘lishdi. Ahmad Samirning aniq yo‘llagan zarbasini Ne’matov maydondan chiqarib yubordi.
Nihoyat, 73 daqiqada «Nasaf» hisobda oldinga chiqib oldi. Bahrom Abdurahimovning pasidan so‘ng Marko Stanoyevich jarima maydoni tashqarisidan o‘z uslubida chiroyli gol urdi — 1:0.
Goldan ruhlangan «Nasaf» ketma-ket hujum uyushtirdi. 76 daqiqada Bozorovning chap qanotdan oshirib bergan to‘pini Nurulloyev darvoza tomon yo‘naltirdi. Uning zarbasiga aniqlik yetishamdi.
85 daqiqada «ajdarlar» hisobni 2 taga oshirib oldi. Chap qanotdan uyushtirilgan Abdurahimov-Bozorov hujumidan keyin Oybekka nisbatan raqib himoyachisi jarima maydonchasi ichida qoida buzdi. Vaziyatga yaqin turgan referi penalti belgiladi. To‘p qarshisiga kelgan Stanoyevich «panenka» usulida gol urib, o‘z dublini nishonladi.
Ikkinchi bo‘lim oxiri Qarshi klubi ustunligi ostida o‘tdi. Vakillarimiz har ikki qanot bo‘ylab keskin hujumlar uyushtirishdi. Ammo gol urish hech bir jamoaga nasib etmadi.
Shu tariqa «Nasaf» musobaqadagi ilk g‘alabasini qo‘lga kiritib, guruhda hozircha yetakchiga aylanib oldi.
«Nasaf» — «Al Vihdat» — 2:0
Gollar: Marko Stanoyevich – 72, Marko Stanoyevich – 85 (penalti)
«Nasaf»:35.Abduvohid Ne’matov, 2.Alibek Davronov, 4.Husniddin Aliqulov, 7. Sharof Muhitdinov (Bahrom Abdurahimov, 70), 8.Dilshod Saitov, 9.Ivan Solovyov (Nurulloyev, 70), 10.Husayn Norchayev (Smaylagich, 75), 22.Akmal Mozgovoy, 77.Oybek Bozorov (Rahmatov, 89), 88.Marko Stanoyevich, 92. Umarbek Eshmurodov
Zaxira: 1.Umidjon Ergashev, 13.Azamat Soyibov, 6.Murodbek Rahmatov, 17.Suhrob Nurulloyev, 18.Bahrom Abdurahimov, 20.SHahzod Akramov, 23.Sardor Sa’dullayev, 27.Zafarmurod Abdirahmatov, 30. Aziz Xolmurodov, 99.Semir Smaylagich
«Al Vihdat»:1. Ahmad Navas, 2. Muhammad Buhashesh, 3. Muhannad Xair, 7. Abu Amara, 8. Xolid Assam, 10. Ahmad Israivah, 16. Feras Shebayeh, 18. Tareq Xattab, 20. Klarens Bitang, 21. Muhammad Anas (Anas Ahmad, 73), 90. Ahmad Samir
Zaxira:99. Abdullah Alfaxori, 4. Muhammad Aldmairi, 5. Ahmad Haikal, 9. Matias Kastro, 11. Ahmad Elias, 15. Anas Hammad, 17. Umar Almansara, 19. Danial Afaneh, 44. Tamer Saleh, 77. Fadi Avad, 99. Abdullah Alfaxori
Ogohlantirishlar: Akmal Mozgovoy (69)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
