Joriy yil so‘nggida Qatarda futbol bo‘yicha JCH-2022 musobaqasi o‘tkaziladi. Hozir biz sizlarga ushbu turnirni o‘tkazib yuborishi aniq bo‘lgan futbol yulduzlari haqida ma’lumot berishga qaror qildik.
Erling Xoland va Martin Edegor
Norvegiya terma jamoasi guruhda Gollandiya va Turkiyadan keyin uchinchi o‘rinni egalladi. Erling Xoland jarohatlar tufayli saralashning 3/2 qismini o‘tkazib yubordi. Xolandsiz terma jamoa asosiy raqiblariga qarshi o‘yinlarda ochko yo‘qotishdi (turklar bilan durang va gollandiyaliklarga qarshi mag‘lubiyat).
Xoland saralash bosqichida 5 ta gol urib, Norvegiyaning eng yaxshi to‘purari bo‘ldi. Edegor esa 10 o‘yinda 0 gol va 0 assist qayd etdi.
Endi bu super talantlar kamida 2026 yilgacha kutishlari kerak.
Muhammad Saloh
Misr jahon chempionatiga chiqish uchun pley-offda Senegalga imkoniyatni boy berdi. Yomon xabar shundaki, biz Salohni Qatardagi Mundialda ko‘rmaymiz. Yaxshisi esa Mane, Kulibali va Eduard Mendini jahon chempionatida ishtirok etishadi.
Zlatan Ibrahimovich
«Milan» hujumchisi terma jamoasiga qaytdi va JCH-2022ga borishni juda istadi. Ammo Levandovski va Polsha terma jamoasini mag‘lub etishning iloji bo‘lmadi. Zlatan bilan birgalikda jahon chempionatini Viktor Lindelyof, Aleksandr Isak, Deyan Kulushevski, Emil Forsberg va Viktor Klasson ham televizorda tomosha qiladi.
Yan Oblak
Dunyoning eng yaxshi darvozabonlaridan biri terma jamoasi bilaan hech qanday muhim turnirda ishtirok etmadi: 2010 yilgi Jahon chempionatida Xandanovich asosiy posbon hisoblanardi va shundan keyin esa Sloveniya hech qachon saralashlardan o‘ta olmadi. Bu safar Xorvatiya, Rossiya va Slovakiya guruhda Oblak va uning terma jamoasidan yaxshiroq harakat qilishdi.
Oblak 29 yoshda, shuning uchun biz uni kamida bir nechta saralashlarda yana ko‘rishimiz mumkin.
David Alaba
Alaba Yevropa chempionatida qatnashgan, lekin u hali jahon chempionatida ishtirok etmagan. Keyingi JCH oldidan David 33 yoshda bo‘ladi va hali ham unda imkon bor. Avstriyaliklar saralash bosqichida Daniya, Shotlandiya va Isroil bor guruhda muvaffaqiyatsizlikka uchradi va bu jamoalardan keyingi to‘rtinchi o‘rinni egalladi, lekin Millatlar Ligasi orqali so‘nggi saralash bosqichiga yo‘l oldi. Foydasi yo‘q - Alaba, Zabiser va Arnautovichni Garet Beyl boshchiligidagi jamoa kutishardi...
Italiya terma jamoasi
Yevropa chempionlari - ketma-ket ikkinchi jahon chempionatida qatnashmaydi. Yulduzlar ro‘yxatini uzoq davom ettirish mumkin: Donnarumma, Bonuchchi, Kyellini, Jorjinyo, Barella, Verratti, Kyeza, Immobile, Insinye va bu futbolchilarning hech biri Qatardagi Mundialda qatnashmaydi.
Patrik Shik
O‘tgan yilgi Yevroning eng yaxshi to‘purari jahon chempionatini o‘tkazib yuboradi. Achinarli tomoni shundaki, Patrik jarohati tufayli Shvesiyaga qarshi pley-offni o‘tkazib yubordi. Agar, u maydonga tushganida, ehtimol, terma jamoasini keyingi bosqichga olib chiqishi mumkin edi. Sababi u hozirda ajoyib formada va Bundesliga to‘purarlik poygasida ikkinchi o‘rinda ketmoqda (20 o‘yinda 20 gol).
U bilan birga «Vest Xem»ning futbolchilari Souchek, Soufal va Kral ham Mundialsiz qolib ketishdi.
Edin Jeko
Bosniya va Gersegovina terma jamoasi sardori klubi safida ajoyib o‘yin ko‘rsatmoqda. Ammo «Inter» futbolchisi butun saralash bosqichidaatigi bitta gol urdi (hatto Pyanich hisobidagi gollar soni 2 ta). Asosiy yulduzning bunday o‘yini bilan jahon chempionatiga chiqish qiyin
Genrix Mxitaryan
Armaniston terma jamoasining yulduzi saralash boshlanishini o‘tkazib yubordi va uning jamoasi uchta o‘yinda uchta g‘alaba qozondi. Keyin Mxitaryan qaytdi: 4 mag‘lubiyat, 3 durang va guruhda to‘rtinchi o‘rin.
2022 yilning mart oyida Genrix terma jamoadagi faoliyatini yakunlaganini e’lon qildi.
Boshqa qit’alarda ham yo‘qotishlar bor.
Solomon Rondon
Venesuela Janubiy Amerika qit’asi saralashida so‘nggi o‘rindan joy oldi. Hatto Rondon ham o‘z jamoasiga yordam bera olmadi.
Luis Diaz
«Liverpul»ning yorqin futbolchisi JCH-2022ga ham bormaydi. Kolumbiyaliklarga pley-offga chiqish uchun bir ochko yetishmadi. Vilmar Barrios, Luis Muriel va Davinson Sanches ham Mundialdan quruq qolishdi.
Arturo Vidal
Chili terma jamoasi ketma-ket ikkinchi jahon chempionatini o‘tkazib yubordi. Ular 2018 yilda ham Rossiyadagi musobaqada ishtirok etishmagan. Arturo Vidal, Gari Medel va Aleksis Sanches kabi terma jamoa yetakchilariga jahon chempionatida boshqa ishtirok etish nasib qilasa kerak.
Eldor Shomurodov
Osiyoning asosiy yo‘qotishi - O‘zbekiston terma jamoasi yetakchisi. Eldor chinakam harakat qildi – saralashda uning hisobida 7 ta gol bor. Ammo bu vakillarimizga hatto saralashning keyingi bosqichiga chiqish uchun ham yetarli emas edi.
Sebastyan Aller
Biz Afrikaga ketyapmiz. U yerda joriy mavsumning to‘purarlaridan biri Sebastyan Aller boshchiligidagi Kot-d’Ivuar musobaqadan quruq qoldi. «Ayaks» hujumchisi hisobida 33 ta gol bor, ammo saralashda terma jamoa uchun atigi ikkita gol urishga erishdi. Ular hatto pley-offga ham chiqa olishmadi. Aller bilan birgalikda Zaa, Kessie, OrYE, Bayi va Nikolas Pepe ham JCHni televizor orqali tomosha qilishadi.
Pyer-Emerik Obameyang
Gabon ivuarliklar bilan bir bosqichda chiqib ketishdi. Obameyang saralash bosqichida terma jamoa safida yaxshi o‘ynadi, ammo keyin turli muammolar (jumladan, tartib-intizom) tufayli butun Afrika kubogini o‘tkazib yubordi. Endi Pyer-Emerikning klubdagi ishlari yaxshi, ammo endi kech edi.
Riyad Mahrez
«Manchester Siti»ning jazoirlik futbolchisi Riyad Mahrez va uning hamyurtlari Kamerun bilan birgalikda jahon chempionati yo‘llanmasidan mahrum bo‘lishdi.
Viktor Osimxyen
Nigeriyaliklar Ganaga o‘z yo‘llanmasini berib qo‘yishdi. «Napoli» to‘purari o‘z jamoasiga yordam bera olmadi. Terma jamoaning ikkinchi yulduzi bo‘lgan «Lester» vakili Uilfred Ndidi jarohati sabab hal qiluvchi o‘yinlarni o‘tkazib yubordi.
Nabi Keyta
«Liverpul» va Gvineya terma jamoasi yarim himoyachisi ham Mundialda o‘ynamaydi. Ushbu terma jamoa tarkibida «Klermon»hujumchisi Mohamed Bayo, «Roma» yarim himoyachisi Amadu Diavara, «Lokomotiv M» a’zosi Fransua Kamano va Pol Pogbaning ukasi borligini ta’kidlash kerak.
***
Yevropadan 2022 yilgi jahon chempionatini yana bir nechta yulduzlari — Endri Robertson / Aleksandr Zinchenko / Garet Beyl kabi futbolchilardan biri o‘tkazib yuboradi. Qit’alararo pley-offda Kosta-Rika va Yangi Zelandiya o‘yinida har ikki jamoa yulduzlaridan biri Keylor Navas yoki Kris Vud o‘tkazib yuboradi. Shuningdek, Peru — BAA/Avstaraliya g‘olibi ham JCHda o‘ynaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
