Kecha Chempionlar Ligasi chorak finalidan o‘rin olgan ikkita uchrashuv bo‘lib o‘tdi va ulardan birida kutilmagan natija qayd etildi.
La Liga vakili «Vilyarreal» kutilmaganda Myunxenda «Bavariya» bilan 1:1 hisobida durang natija qayd etib, Nagelsmann jamoasini musobaqadan chiqarib yuborgan holda yarim final yo‘llanmasiga ega chiqdi. Birinchi uchrashuvda 1:0 hisobi qayd etilganidan xabaringiz bor.
E’tiborlisi, jamoaning holati u qadar yaxshi emas. Ispaniya klubi so‘nggi 6 uchrashuvda ikkitadan g‘alaba, durang va mag‘lubiyat qayd etgan. Shu ikki g‘alaba «Yuventus» (3:0) hamda «Bavariya» (1:0) klublariga qarshi o‘yinlarda kiritildi.
Ispaniya chempionatida Emeri jamoasi 46 ochko to‘plagan holda 7-o‘rinda bormoqda. O‘zidan bir pog‘ona yuqorida joylashgan "Real Sosedad" hisobida esa 54 ochko mavjud. Chempionat yakunlanishiga 7 tur qolgan. Klubning La Ligadagi keyingi o‘yinlari «Xetafe», «Valensiya», «Alaves», «Sevilya» jamoalariga qarshi bo‘ladi.
Bundan nima xulosaga kelish mumkin? Jamoa bor e’tiborini Yevropa Chempionlar Ligasiga qaratmoqda. O‘tgan mavsum Yevropa Ligasi g‘olibligini qo‘lga kiritgan klub joriy mavsum Chempionlar Ligasi yarim finalida katta ehtimol bilan «Liverpul» yoki «Benfika»ga to‘qnash keladi.
Unai Emeri 3 marta «Sevilya», bir marotaba «Vilyarreal» bosh murabbiyi sifatida Yevropa Ligasi g‘olibligini qo‘lga kiritgan. Endilikda, ispaniyalik mutaxassis Chempionlar Ligasi g‘olibligi uchun katta qadam tashlamoqda. To‘g‘ri, yarim finalda oson bo‘lmaydi. Ammo, jamoaning shu bosqichga qadar yetib kelgani, «Yuventus» va «Bavariya» kabi klublarni musobaqadan chiqarib yuborgani ham katta va kutilmagan natija hisoblanadi.
«Bavariya»ga qarshi bahsda Danjuma katta sahnaga chiqqan bo‘lsa, kecha Myunxenda ko‘pchilik Chukueze nomini eslab qoldi. Uchrashuvning eng yaxshi futbolchisi deya topilgan Raul Albiol esa bir paytlar «Real» sharafini himoya qilgan va hozirda ikkinchi yoshlik davrini "sariq suvosti kemasi"da o‘tkazmoqda. Jamoada Parexo, Moreno, Pau Torres, Lo Chelso kabi nomlar bo‘lsa ham, ular Robert Levandovski darajasida emas. Shuning uchun, bu mavsum kashfiyoti sifatida «Vilyarreal»ni e’tirof etish mumkin bo‘lsa kerak.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
