Yevropa ligasining so‘nggi mavsumidagi g‘alaba hamda Chempionlar ligasining joriy pley-off bosqichida “Yuventus” va “Bavariya” ustidan qozonilgan sensasion g‘alabalar tufayli “Vilyarreal” futbol auditoriyasining keng e’tiborini tortdi. Klubning 50 000 aholisi bo‘lgan shaharda joylashganligi jamoaga aytilayotgan ijobiy fikrlarni yanada kuchaytiradi.
"Vilyarreal"da o‘ziga xos shaxslar juda ham ko‘p, lekin jamoaning eng yorqin va istiqbolli o‘yinchilaridan biri bo‘lgan Pau Torres haqida alohida to‘xtalib o‘tish joiz.
Pau Torres "Vilyarreal" akademiyasini tugatgan va butun faoliyatini o‘z sevimli klubiga bag‘ishlashga qarshi emas. "Vilyarreal"ning yoshlar jamoalaridan o‘tib, Pau bir mavsumni "Malaga"da ijara asosida o‘tkazdi, u yerda asosiy o‘yinchiga aylandi. Shundan so‘ng u o‘z ona shahriga qaytdi va jismoniy holatiga jiddiy e’tibor bera boshladi. 25 yoshli ispaniyalikning muvaffaqiyatli natijalari boshqa klublarning e’tiborini futbolchiga qaratdi. Biroq Torresning o‘zi hali ham ona shahrini tark etishga intilmayapti: “Men o‘z shahrim klubida o‘ynayman va bu ko‘pchilikka beriladigan holat emas. Men o‘zim baxtli bo‘lgan joyda qolmoqchiman", - deydi futbolchi o‘tgan yozda yangragan mish-mishlarga javoban.
Ayni dam Pau Torres jamoa yetakchisiga aylangan va ularning Albiol bilan duyeli La Ligadagi eng yorqin juftliklardan biri hisoblanadi. "Vilyarreal" jozibali hujumkor futbol ko‘rsatishni maqsad qilgan. Jamoada samarali to‘p uzatish qobiliyatiga ega bo‘lgan markaziy himoyachi mavjud. Emerining baxtiga Torresda bu mahorat yaxshi rivojlangan. Pau bu mavsum La Ligada o‘rta (795) va uzoq (328) paslar soni bo‘yicha yetakchi, shuningdek, kutilmagan uzatmalar (147) bo‘yicha Dani Parexodan keyin ikkinchi o‘rinda turibdi.
Ispaniya terma jamoasi himoya markazida bir qancha iqtidorli o‘yinchilarga ega, ammo deyarli bir xil saviyadagi futbolchilar tufayli xavotirlar mavjud. Pau Torres terma jamoa tarkibida Luis Enrike bilan faol shug‘ullana boshladi. Oxirgi Yevropa chempionatida futbolchi maydonda 374 daqiqa o‘tkazdi va uch marta zaxiradan maydonga qo‘shilgan.
Ispaniyada “Vilyarreal” himoyachisidan tashqari “Barselona”dan Erik Garsiya va “Manchester Siti”dan Eymerik Lyaport variantlari ham mavjud. Hammasi yaxshi paslar bilan o‘ynay oladi va xavfli hujumlar boshlashga qodir, biroq bir qator futbol mutaxassislari va tomoshabinlar futbolchilarning nisbiy o‘xshashligi va himoyaviy harakatlar sifatidan xavotirda. Qatarda bo‘lib o‘tadigan jahon chempionati ko‘plab savollarga javob beradi, shuning uchun biz Ispaniya terma jamoasining bo‘lajak turnirdagi o‘yinlarini intiqlik bilan kutib qolamiz.
Pau Torres ajoyib istiqbolli markaziy himoyachi. U "Vilyarreal" afsonasiga aylanishni va butun faoliyatini o‘z klubida o‘tkazishni xohlaydimi, bu noaniq, lekin har holda, u allaqachon jiddiy e’tibor talab qiladigan kuchli futbolchiga aylangan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
