Jan-Pyer Papen Fransiya futboli tarixidagi barcha davrlarning eng yaxshi futbolchilaridan biri bo‘lgan. Yosh bo‘lishiga qaramay, aynan shu atamani Kilian Mbappega nisbatan ham ishlatishimiz mumkin. Ushbu ikki futbolchining qay biri yaxshiroq natijalarga ega (bo‘lgani) ekanini bilish uchun, ularni solishtirib ko‘rish talab etiladi. Bu borada "PSJ" hamda "Marsel" yulduzlarini har tomondan tahlil qilishga harakat qilamiz.
1. To‘purarlik
E’tirof etish kerakki, Kilian Mabappening yaqin yillarda ko‘rsatayotgan sermahsulligi tahsinga loyiq. U allaqachon "Pari Sen-Jermen" tarixidagi eng yaxshi ikkinchi to‘purarga aylanib ulgurgan (etkachi: Edinson Kavani 200 ta gol). Agarda fransuz iqtidorining so‘nggi 12 oy ichidagi o‘sishiga qarab baho bersak, u kelayotgan yaqin yillarda hozirgidan ham yaxshiroq natijalarga erishishini taxmin qilish mumkin bo‘ladi.
Shunday fantastik natijalarga qaramay, bu borada Pepenni quvib o‘tish oson bo‘lmaydi. "Kichkina shahzoda"ning Fransiya chempionatida ko‘rsatgan natijalari shundan darak bermoqda:
- 4 ta mavsumda ketma-ket 30 ta va undan ko‘p gol urish;
- 5 marta ketma-ket Fransiya chempionatining eng yaxshi to‘purari sovrini.
Papen o‘z davrining nafaqat goleadori edi, balki assistentlik borasida ham katta yutuqlarga erishgandi. Shu sabab bu borada Papenni tengsiz deb atashga majburmiz.
2. Atletizm
Sportchining jismoniy holati haqida gap ketganida, hamma buyuklarni bu ro‘yxatga kirita olmaysiz. Bunga Ronaldoning tizzasidan olgan jarohati va faoliyatining so‘nishini misol qilib keltirishimiz mumkin. Biroq, Mbappe bu borada o‘zgacharoq. "PSJ" tarkibidagi eng xavfli hudumchi, dunyo futbolida o‘z atletizmi, xususan, tezligi bilan ajralib turadi. Shu sabab, kategoriyaning ushbu yo‘lida Kilian Mbappening tengsizligini ye’tirof etish lozim.
3. O‘yin taqdirini hal qilish
Pepen "Marsel" safidagi eng katta ta’sir doirasiga ega futbolchi edi. U jamoasini ko‘p vaziyatlardan olib chiqib ketgan. Uning to‘rt karra Fransiya chempioni bo‘lgani, buni ko‘rsatib turibdi. Shuningdek, Papen Yevropa chempionati finalida ham harakat qilgan. Ammo Mbappe Jahon chempionati yarim finalida gol urishga erishgan. Shu sabab u bu kategoriyada ustunlikka ega. 24 yoshli hujumchi o‘z faoliyati davomida faqat bitta mundialda ishtirok etganiga qaramay, Jahon chempionatining pley-off bahslarida Ronaldu va Messining natijalaridan yaxshiroq ko‘rsatkichga ega (qo‘shib hisoblaganda). Shunday ekan, Mbappe so‘zsiz bu borada ustunlikka ega.
4. Klubdagi faoliyat
"Marsel" safida sevib-ardoqlangan, olqishlangan futbolchilarning eng yaxshisi Papen sanaladi. Hujumchi deyarli klub tarixidagi yagona "oltin davr"ning yaratuvchisi edi. Shu sabab jamoa muxlislari hech qachon uni esdan chiqarmaydi. 90 yillarda Yevropa qit’asini to‘lqinlantirgan shaxslar ichida Papen ham ye’tirof etiladi.
Kilian Mbappe "PSJ" tarixidagi eng yaxshi va yosh futbolchi bo‘lishi mumkindir. Ammo futbolchining klubdan ketishga intilishi, muxlislar tomonidan yaxshi qabul qilinmaydi, albatta. Agar u jamoadan ketsa, parijlik muxlislar uni hurmat bilan tilga olishini tasavvur qilish juda qiyin ishga aylanadi. Papen esa o‘z umrini bir klubga baxshiyda etgan edi va bu ish uni g‘olibga aylantirdi.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
