O‘tgan haftada Angliya milliy chempionatining 34 turidan o‘rin olgan o‘yinlar bo‘lib o‘tdi. Ushbu bahslarning natijasi turnir jadvalining yuqori va quyi pog‘onasidagi jamoalarga kuchli ta’sir ko‘rsatdi. Xususan, «Arsenal» o‘z maydonida «MYU»ni yutib, raqibni YECHLdan mosuvo etgan bo‘lsa, «Tottenxeem»ning safardagi durangi, jamoa pozisiyasiga salbiy ta’sir qildi. Shuningdek, «Everton» mag‘lubiyatga uchrab, xavfli zonaga tushib ketdi. Quyida tur davomida kiritilgan eng chiroyli gollarni eslab o‘tamiz.
1. Granit Jaka – «MYU»ga qarshi
Top-daraja, ahmoqona qizil kartochkalar va muvozanatli o‘yin – bularning barchasi birgina Jakada mujassamlashgan. «Arsenal» o‘z maqsadi yo‘lida yana bir muhim g‘alabani qo‘lga kiritdi va bunda Jakaning o‘rni katta edi. Uning uzoq masofadan yo‘llagan fantastik zarbasi chiroyli golga aylandi. Shunday qilib, yarim himoyachi mavsum so‘ngida mavsumdagi ilk golini kirita oldi.
2. Rodri – «Uotford»ga qarshi
«Uotford» 5-1 hisobida yanchilgan oqshomda Gabriel Jezus 4 ta gol urgan edi. Ammo Rodrining yagona goli o‘yin bezagiga aylandi. Bunda esa Jezus vaziyat yaratuvchisi vazifasini bajarib berdi. To‘pni yarim-havoda yo‘llagan himoyachi, yakunda ushbu zarbani o‘ziga xos tarzda nishonladi. Bu g‘alaba «shaharliklar»ni chempionlik sari yana bir qadam yaqinlashtirdi.
3. Joelinton – «Norvich»ga qarshi
Yakob Myorfi tomonidan uzatib berilgan to‘p Joelintonni o‘ta qulay zarba pozisiyasiga olib chiqdi. Braziliyalik esa nishonda adashmadi – o‘qday uchgan to‘p darvozaning yuqori burchagiga qadaldi. «Nyukasl» turnir autsayderiga qarshi g‘alabaga erishdi va bu katta yurish edi. Joelinton esa to‘rt oy davomida Eddi Xau tomonidan yarim himoyachi sifatida foydalanib kelindi. Bu safar esa futbolchi o‘z o‘rniga qaytdi. Ushbu o‘zgarish esa natija bermay qolmadi.
4. Jeyms Uord-Provs – «Brayton»ga qarshi
«Brayton» bilan 2-2 hisobidagi durang bilan yakunlangan o‘yinda Uord-Provs APLdagi 14 jarima zarbali goliga mualliflik qildi. Ha, «avliyolar» jamoasi sardorining tepgan to‘pi bir qarashda mukammal emasdek ko‘rindi, ammo u to‘pga aql bilan yo‘nalish bergan ekan. Uord-Provs o‘z qarshisidagi jonli devordan «nuqson» topishga juda usta. Shu sabab, uni top-futbolchi deb bilamiz. U yana 5 ta gol orqali bu borada APL rekordchisi bo‘lgan Devid Bekxemni ortda qoldirishi mumkin.
5. Divok Origi – «Everton»ga qarshi
«Everton»ga qarshi gol kerak bo‘lsa, muammo yo‘q! Shunchaki, Divok Origini maydonga tushiring, tamom. «Liverpult» uchun o‘yin tizginini qo‘lga olish juda muhim edi. Belgiya terma jamoasi a’zosi esa o‘ziga berilgan vazifani doimgidek ajoyib tarzda uddaladi. Tajriba har doim o‘z so‘zini aytgan. Origining boshi bilan kiritgan goli esa mersisaydliklar uchun juda ham kerak edi. Shu zaylda «Liverpul» ham chempionlik poygasini davom ettiradigan bo‘ldi.
Shunday qilib, kutilgan taassurotlar olindi. Bugun tunda esa bizni yana bir muhim bahs kutib turibdi. Umid qilamizki, «MYU» hamda «Chelsi» o‘yini bizni zeriktirib qo‘ymaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
