"Real Madrid" Chempionlar ligasida yana dahshatli kambekni amalga oshirdi. 21 yoshli Rodrigo yana Benzema bilan birga klubning qutqaruvchisiga aylandi! Uch hafta oldin uning goli madridliklarga “Chelsi” bilan o‘yindagi g‘alabaga yordam bergan bo‘lsa, 3 kun oldin“Bernabeu”da braziliyalik futbolchi 2 daqiqada dubl qayd etib, jamoasini mag‘lubiyatdan qutqarib qoldi.
Shu sabab, bugun biz sizga yosh iqtidor futbolchi haqida bilishingiz kerak bo‘lgan hamma narsa haqida hikoya qilmoqchimiz.
Nima uchun Rodrigoni “yangi Neymar” deyishadi?
Rodrigo San-Pauluda tug‘ilgan bo‘lib, braziliyalik sobiq futbolchi Erik Batistaning o‘g‘li hisoblanadi. Batista asosan kichik ligalarida o‘ynagan. Xullas, o‘g‘lida futbolga bo‘lgan ishtiyoq uyg‘onganida, otasi uchun uni qaysidir futbol maktabiga joylashtirsh qiyin bo‘lmadi.
Robinyo karyerasidan zavqlangan ota, Rodrigoni ham "Santos" akademiyasiga o‘qishga qo‘ydi. Lekin uni katta futbolga emas, balki futzalga berdi. Sababi, Robinyo tez qaror qabul qilish, to‘pni boshqarish va gol urishni his qila olish qobiliyatini futzalda o‘rgangan va shu sabab ham Rodrigo dastlabki ta’limni sportning ushbu turidan olishni istagan.
Reja ish berdi va 11 yoshidayoq Rodrigo tengdoshlari orasida ajralib tura boshladi va shundan keyin katta futbolga o‘tdi. 2011 yilda braziliyalik shtat chempionatida 7 ta gol urdi, keyingi mavsumda esa 20 ta golni o‘z hisobiga yozdirib qo‘ydi va Paulistaning eng yaxshi to‘purariga aylandi.
Braziliyalik jismoniy kuch va kuchli mushaklarning yetishmasligi kabi kamchiligini o‘z iste’dodi va texnika bilan yopib ketdi, shuning uchun Rodrigo o‘z yoshidagi futbolchilar orasida yaxshi o‘yin namoyish etishi hech kimni ajablantirmadi.
Ammo 16 yoshida o‘zining ilk professional shartnomasini "Santos" bilan imzolagani va kattalar jamoasida debyut qilgani ko‘pchilikni hayratda qoldirdi.
O‘shanda Braziliya futbolining yangi yulduzi nomi allaqachon butun mamlakat bo‘ylab tarqalib ketgan edi. Rodrigoning o‘yin uslubi va uning yo‘li 2010-yillarda barcha yosh futbolchilarning kumiri bo‘lgan Neymarga juda o‘xshardi, shuning uchun yosh braziliyalik “yangi Neymar” deb atala boshladi.
“Santos” akademiyasida ishlaganlarning barchasi Rodrigo o‘yin uslubi bo‘yicha Neymarga o‘xshashini bilishardi.
“Uzoq vaqt davomida biz bunday o‘xshashlikni ko‘rmaganmiz: tezlikda harakat qilish, yakkama-yakka kurashlarda g‘olib bo‘lish, tezkor oyoqlar va pozisiya”, - deb tan oldi “Santos” yoshlar jamoasi ustozi.
Rodrigoning o‘zi bunday taqqoslashni yaxshi qabul qiladi, lekin u bu o‘xshashlikni har tomonlama rad etadi.
“Faoliyatimni “Santos”da boshlaganimdan beri meni “yangi Neymar” yoki “yangi Robinyo” deb atashadi. Men doim bu yukni ko‘targanman. Lekin har doim ularga Rodrigo bo‘lishni va o‘z hikoyamni yozishni xohlayotganimni aytganman. Robinyo va Neymar “Santos”, Braziliya va ular o‘ynagan klublar uchun kumir hisoblanadi. Lekin men endigina faoliyatimni boshladim va keyingi Neymar bo‘lish haqida o‘ylaganim yo‘q. Faqat bitta Neymar bor. Men “yangi Neymar” emas, Rodrigo bo‘lishni xohlayman”, - dedi futbolchi.
"Liverpul" "Real"dan oldin Rodrigoni sotib olishi mumkin edi
Rodrigoning futbol yo‘li Neymarnikiga yanada o‘xshash bo‘lishi mumkin edi. 2018 yilda "Real Madrid" bilan birga "Barsa" ham yosh braziliyalik futbolchiga da’vogarlik qilgan. Kataloniyaliklar vakili shartnoma shartlarini kelishish uchun shaxsan Braziliyaga uchib ketdi. Biroq u bitim bo‘yicha kelisha olmadi: “Barselona” 30 million yevrodan oshmaydigan summani taklif qildi, “Santos” esa 50 millionni talab qildi.
Bundan bir yil oldin Rodrigo “Liverpul”ga o‘tishi mumkin edi. Qanchalik g‘alati tuyulmasin, Yurgen Klopp 16 yoshli iqtidorni YouTube’da topdi va u bilan shartnoma imzolash g‘oyasini amalga oshirishga harakat qildi.
“Rodrigo 16 yoshida “Santos” bilan ilk professional shartnomasini imzolamoqchi bo‘lganida, menga “Liverpul” direktori qo‘ng‘iroq qilib, Klopp Rodrigo haqida bilishini, u bilan bo‘lgan materialni ko‘rganini va Rodrigoni shaxsan o‘zi kuzatayotganini aytdi”,- dedi. futbolchining agenti Nik Arkuri.
Klopp YouTube’ga kirib, “braziliyalik iste’dod” deb qidirdi. Natijada Rodrigo qatnashgan videoniko‘rib qoldi. O‘sha paytda u juda yosh edi. Klopp Braziliyaga keldi va Rodrigoning o‘yini kuzatdi.
“Ular men bilan bog‘lanishdi. "Liverpul" direktori Rodrigo bilan shartnoma imzolamoqchi edi. Men men ular bilan ertasigayoq uchrashdim, sababi o‘sha paytda Londonda edim. “Liverpul”ning Londonda ham ofisi bor edi. Men ularning taklifini Modestoga (“Santos” prezidenti) yetkazdim. Ammo Modesto bu fikrga qo‘shilmadi. Ma’lum bo‘lishicha, "Santos" Rodrigoni sotishni istamagan va buning o‘rniga u bilan ilk professional shartnoma imzolagan. Ammo bu Rodrigo uchun birinchi rasmiy taklif edi va u o‘sha paytda 16 yoshda bo‘lgan”, - deydi agent.
Oxir-oqibat futbolchining transferini “Real” amalga oshirdi. Madrid klubi braziliyalik uchun 45 million yevro to‘ladi va Rodrigo bilan 2025 yilgacha shartnoma imzoladi. Shuningdek, u klubda yiliga 4 million yevroga yaqin maosh olishi va futbolchining vakillariga uchun 10 million yevro bonus berilishi ham belgilandi.
Transfer 2018 yilning iyun oyida e’lon qilingan edi. Dekabr oyida Rodrigo shahar va jamoa bilan tanishish uchun Madridga uchib keldi va 2019-yilning 25-sentyabr kuni “Real Madrid” safida “Osasuna” bilan o‘yinda (2:0) 71-daqiqada Vinisiusning o‘rniga maydonga tushdi.
Rodrigo qanday rekordlarni yangiladi?
Rodrigo kattalar futbolida qatnasha boshlaganiga atigi besh yil bo‘lishiga qaramay, u allaqachon ko‘plab rekordlarni o‘rnatgan va muhim yutuqlarga erishgan. Quyida asosiylarini keltiramiz:
- 2018-yilning 1-martida Rodrigo Libertadores kubogida Peruning “Real Garsilaso” klubiga qarshi o‘yinda debyut qildi va turnir tarixidagi eng yosh “Santos” futbolchisiga aylandi (17 yosh-u 50 kun).
- 2018-yilning 15-martida Rodrigo Libertadores kubogida Urugvayning “ Nasyonal” klubiga qarshi o‘yinda ilk golini kiritib, Libertadores kubogida gol urgan eng yosh braziliyalik bo‘ldi (17 yosh-u 64 kun).
- "Osasuna"ga qarshi o‘zining La Ligadagi debyutida Rodrigo maydonga tushganidan bir daqiqa o‘tib gol urdi va "Real Madrid" safida gol urgan 21-asrda tug‘ilganbirinchi futbolchiga aylandi.
- 2019-yilning 6-noyabrida Rodrigo 18 yosh-u 301 kunligida Chempionlar Ligasida “Galatasaroy” darvozasini ishg‘ol qildi va “Real” safida Rauldan keyin (18 yosh 113 kun) ikkinchi eng yosh gol muallifiga aylandi.
- 2020-yilning 4-noyabr kuni Rodrigo Chempionlar ligasidagi 5-golini “Inter” darvozasiga kiritdi va XXI asrda tug‘ilgan futbolchilar orasida YECHLdagi to‘purarga aylandi.
- "Siti"ga qarshi yarim finalda dubl qayd etgan Rodrigo Chempionlar Ligasi pley-off tarixida 89 daqiqadan so‘ng (qo‘shimcha vaqtni hisobga olmaganda) 2 ta gol urgan birinchi futbolchiga aylandi.
- 2020 yilda nufuzli Goal.com portali Rodrigoni dunyoning eng yaxshi yosh futbolchisi deb tan oldi.
Rodrigo "Real Madrid" bilan ikki marta mamlakat kubogi va ikki marta chempionlikni qo‘lga kiritgan. U Madrid klubi safida 103 o‘yin o‘tkazib, 17 gol urgan va 20 golga assistentlik qilgan. Ammo uni endigina 21 yoshda ekanligini unutmaylik...
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
