Krishtianu Ronalduning "Manchester Yunayted"dagi kelajagi katta ehtimol bilan Erik ten Xag qo‘lida bo‘ladi. Agarda u Ronalduni keyingi mavsum uchun rejalariga kiritsa, u holda portugal uchun yangi sherik topishi lozim. Negaki, yozda "qizil iblislar" hujumida sezilarli o‘zgarishlar yuz berishi mumkin. Jumladan, Kavanining bitimi yakunlanmoqda va jamoani tark etishi aniq bo‘lib ulgurgan. Fabrisio Romanoga ko‘ra, Markus Reshford fevral oyidan buyon o‘z kelajagini "MYU"dan o‘zga jamoa bilan bog‘lashga harakat qiladi. Shuningdek, Entoni Marsalning ahvoli hal ham noaniqligicha qolmoqda. Shu omillar birlashib, yuz foiz yangi hujumchi zaruratini vujudga keltiradi. Quyida Ronalduga yangi mavsumda yordam berishi mumkin bo‘lgan hujumchilarni ko‘rib chiqamiz.
Darvin Nunyes – "Benfika"
Darvin Nunyes mutaxassislar tomonidan Yevropa futbolida kelajagi porloq shaxs sifatida ko‘rilmoqda. U bu mavsumda Portugaliya chempionatida porlab chiqdi. Urugvay terma jamoasi a’zosi hozirga qadar 40 ta bahsda maydonga tushib, 34 ta gol urishga muvaffaq bo‘lgan. Bunday sermahsullik esa uni katta klublar e’tiboriga tushishiga sababchi bo‘ldi. Ular ichida "MYU" nomi ham keltirilgan. 22 yoshli hujumchi Ronalduga old chiziqda juftlik sifatida yaxshi mos keladi. Chunki u yosh. Shu sabab Ronaldu bugun bajarishi qiyin bo‘lgan himoyaviy ishlarni va bog‘lamlarni hosil qilishni yaxshi eplaydi. "Benfika" esa mana shunday qobiliyatlarga ega futbolchisi uchun kamida 60 million funt talab qilmoqda. Agarda "MYU" uni xarid qilsa, katta ehtimol bilan kelajakka sarmoya kiritgan bo‘ladi.
Viktor Osimxen – "Napoli"
Ha, "Napoli" o‘z yulduzini kelayotgan yozda sotishi mumkin. Ammo italyan klubi Nigeriya terma jamoasi futbolchisi uchun 84 million funt narx qo‘yadi. 2020 yilning yanvar oyida ham "MYU" Osimxen uchun kurash olib borgan. Bu ishni esa yozda davom ettirishi mumkin. Xuddi Nunyes kabi Osimxen ham yosh. U endigina 23 yoshni qarshi olgan va "MYU"ning hujumdagi ishlarini o‘nglanishida katta yordam berishi, ehtimoldan holi emas. Unda hujumchiga xos bo‘lgan barcha hislatlar mavjud. Osimxen har qanday nuqsonlardan holi futbolchi – tezlik, aql va yakunni yaxshi biladi. "Napoli" vakili noyabr oyida jiddiy jarohat olgan bo‘lishiga qaramau, mavsum davomida 17 ta golga mualliflik qildi (29 ta o‘yinda). Ha, "MYU" uchun uning narxi biroz qimmatlik qilishi mumkindir. Ammo Osimxen shunga arziydi.
Kristofer Nkunku – "Leypsig"
Nkunku o‘z atrofiga Yevropaning eng katta klublarini yig‘a olgan yana bir iqtidorli hujumchidir. 24 yoshli futbolchi Bundesligada qisqa vaqt ichida yulduz bo‘lib porladi. "Leypsig" ham uni kelajakda asosiy figuraga aylantirish niyatida edi. Ammo Nkunku o‘zini boshqa chempionatlarda ham sinab ko‘rishni istaydi. Unga qiziqayotgan jamoalar ichida esa tabiiyki, "MYU" ham hozir bo‘lgan. Fransuz futbolchisi bu mavsum davomida jami 48 ta o‘yinda ishtirok etgan. Uning hisobida esa 30 ta gol hamda 20 ta assist mavjud. Nkunku markaziy hujumchi emas. U hujum tarmog‘ining istalgan nuqtasiga mos keladi. Qolaversa, o‘ta kreativ futbolchi. Bu esa "MYU"ga kelajakda qo‘l keladi. Ko‘p ehtimol, Ronalduga ham shunday sherik kerak.
Nkunkuning amaldagi bitimi 2024 yilda yakun topadi. Bu esa "Leypsig"ga uni katta mablag‘ga sotish imkonini beradi. Bu yozda esa qaror qabul qilish kerak. "Manchester Yunayted" Nkunku uchun APLdagi yagona da’vogar emas. Unga "Manchester Siti" hamda "Liverpul" ham qiziqish bildirgan. Shuning uchun "MYU" yangi hujumchi istasa, temirni qizig‘ida bosishi kerak bo‘ladi.
Agarda Krishtianu Ronaldu klubda qolishga qaror qilsa, yuqoridagi hujumchilarning har qaysisi 37 yoshli yulduz uchun mos kelaveradi. Hamma gap klub rahbariyatining qanchalik "sahovat qilishi"da qolgan...
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
